Khmer
English
Chinese
Frence
Vietnamese
Thai
រកឃើញ៤ក្រុមឆ្ពោះទៅកាន់វគ្គពាក់កណ្តាលផ្តាច់ព្រ័ត្រនៃពានរង្វាន់សមាគមមីក្រូហិញ្ញវត្ថុលើកទី១
ដោយ ៖ សហការី ថ្ងៃទី 14 វិច្ឆកា 2012ម៉ោង 13:23:24
ភ្នំពេញ៖ ការប្រកួតបាល់ទាត់ដណ្តើមពានរង្វាន់សមាគមមីក្រូហិរញ្ញវត្ថុលើកទី១ ឆ្នាំ២០១២នេះ បានរកឃើញក្រុមខ្លាំងទាំង៤ ដែលឡើងទៅកាន់វគ្គ ពាក់កណ្តាលផ្តាច់ព្រ័ត្រហើយដែលក្នុងនោះរួមមានក្រុមកីឡាបាល់ទាត់ស្ថាបនាលីមីតធីត, ក្រុមកីឡាអម្រិត, ក្រុមកីឡាប្រាសាក់, ក្រុមកីឡាក្រេឌីត។
ការប្រកួតវគ្គជំរុះកាលពីរសៀលថ្ងៃទី១០ ខែវិច្ឆិកា ឆ្នាំ២០១២នាពេលកន្លងមក ក្រុមកីឡាស្ថាបនា លីមីតធីត បានជួបប្រកួតជាមួយក្រុមហត្ថាកសិករ នៅទីលានបាល់ទាត់មេគង្គកម្ពុជា។ ការប្រកួតរវាងក្រុមទាំង២ មានការតស៊ូយ៉ាងស្វិតស្វាញ ដោយក្រុមនីមួយៗទាមទារយកឈ្នះរៀងៗខ្លួន។ ជាលទ្ធផលក្នុងតង់ទី១ ក្រុមកីឡាស្ថាបនា លីមីតធីត បានរកឃើញគ្រាប់បាល់នាំមុខមុនចំនួន១គ្រាប់តាមរយៈការ តែតបាល់បញ្ចូលទីយ៉ាងល្អដោយកីឡាករខ្សែប្រយុទ្ធពាក់អាវលេខ៨ ឈ្មោះគាន់ ណារិទ្ធ។
លុះចូលដល់តង់ទី២ ក្រុមទាំង២ នៅតែបន្តវាយបកដាក់គ្នាទៅវិញទៅមកយ៉ាងស្វិតស្វាញ។ ប៉ុនែ្តប៉ុន្មាននាទី ក្រោយមកក្រុមស្ថាបនា បានរកគ្រាប់ បាល់បានចំនួន២គ្រាប់បន្ថែមទៀត ដោយ១គ្រាប់របានដោយកីឡាករឈ្មោះគាន់ ណារិទ្ធ ដដែល និង១គ្រាប់ទៀត ដោយកីឡាករខ្សែបំរើ ឈ្មោះ សួង សំឡូត ធ្វើឲ្យក្រុមស្ថាបនា លីមីតធីត នាំមុខមុន ៣ ទល់នឹង ០។ ទោះជាក្រុមស្ថាបនា លីមីតធីត នាំមុខ ៣ ទល់នឹង ០ ក៏ដោយ ក្រុម ហត្ថាកសិករ នៅតែមានសន្ទុះលេងយ៉ាងខ្លាំងដដែល រហូតដល់នាទី ៧៥ កីឡាករ ក្រុមហត្ថាកសិករ បានទាត់បាល់បញ្ចូលទី បាន១គ្រាប់វិញ។
រហូតដល់បញ្ចប់ការប្រកួតក្រុមស្ថាបនា លីមីតធីត ទទួលជ័យជំនះក្នុងលទ្ធផល ៣ - ១ ហើយក្រុមស្ថាបនា លីមីតធីត បានឡើងទៅប្រកួត នៅវគ្គពាក់កណ្តាលផ្តាច់ព្រ័ត្របន្តទៀត ៕
.jpg)
