Khmer
English
Chinese
Frence
Vietnamese
Thaiក្រុមយុវជនក១២លើកពាន Soccer League 2012 ដោយលទ្ធផលឈ្នះក្រុមយុវជនខណ្ឌទួលគោក ៣-១
ដោយ ៖ សារីម|ថ្ងៃទី 26 វិច្ឆកា 2012 ម៉ោង 11:34:40
ភ្នំពេញ ៖ ពានរង្វាន់ Soccer League ឆ្នាំ២០១២ ត្រូវធ្លាក់ទៅលើដៃក្រុមយុវ ជនក១២ ដោយបានឈ្នះក្រុមយុវជន ខណ្ឌទួលគោក៣-១ ខណៈដែលក្រុមយុវ ជនខេត្ដកោះកុងទទួលបានចំណាត់ថ្នាក់ លេខ៣ និងក្រុមយុវជនបាយ័នបានលេខ៤ ឈ្នះមិនចាំបាច់ប្រកួត កាលពីល្ងាចថ្ងៃ អាទិត្យ ទី២៥ ខែវិច្ឆិកា ឆ្នាំ២០១២ នៅ លើទីលានពហុកីឡដ្ឋានជាតិអូឡាំពិក ។
នៅក្នុងពិធីបិទការប្រកួតបាល់ទាត់ ដណ្ដើមពានរង្វាន់ Soccer League 2012 មានការអញ្ជើញចូលរួមជាអធិបតីពីលោកប្រធានសហព័ន្ធកីឡាបាល់ទាត់កម្ពុជា សៅ សុខា និងលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដែលបានប្រគល់ពានរង្វាន់បាល់ទាត់ Soccer League 2012 ដល់ក្រុមយុវជន ក១២ និងទឹកប្រាក់សរុប១៦លានរៀល អមដោយមេដាយមាសបំពាក់ដល់កីឡាករម្នាក់១គ្រឿង ។
ចំពោះក្រុមដែលទទួលបានចំណាត់ ថ្នាក់លេខ២ក្នុងព្រឹត្ដិការណ៍នេះគឺក្រុម យុវជនខណ្ឌទួលគោកបានមេដាយប្រាក់ ម្នាក់១គ្រឿង អមនឹងទឹកប្រាក់៨លាន រៀល ។ ចំណាត់ថ្នាក់លេខ៣ បានទៅលើ ក្រុមយុវជនខេត្ដកោះកុង បានមេដាយ សំរឹទ្ធិម្នាក់១គ្រឿង អមទឹកប្រាក់៥លាន រៀលផងដែរ ។
នៅក្នុងពិធីដដែលនេះដែរ ក៏មាន ប្រគល់រង្វាន់ដល់កីឡាករដែលបានទាត់ បាល់បញ្ចូលទីច្រើនជាងគេគឺកីឡាករ ខេង សុខុម របស់ក្រុមយុវជនខណ្ឌទួល គោក លេខ២ បានទៅលើកីឡាករ សាន់ សារី របស់ក្រុមយុវជនក១២ ទទួលបាន ថវិកាលើកទឹកចិត្ដ៥០ម៉ឺនរៀល ស្បែក ជើងពណ៌មាស១គូ និងសណ្ឋាគារណាហ្គា វើលឧបត្ថម្ភបន្ថែម៣០០ដុល្លារទៀត ។
ចំណាត់ថ្នាក់គ្រូបង្វឹកល្អជាងគេបាន ទៅលើលោក អ៊ុន សំអាត ទទួលបាន ប្រាក់រង្វាន់លើកទឹកចិត្ដ១លានរៀល និង សណ្ឋាគារណាហ្គាវើលឧបត្ថម្ភ៣០០ដុល្លារ ។
គួរបញ្ជាក់ថា លោក សៅ សុខា បាន ឧបត្ថម្ភដល់សហព័ន្ធយុវជនកម្ពុជានូវ ទឹកប្រាក់៥ពាន់ដុល្លារផងដែរ ៕
.jpg)
.jpg)
