Khmer
English
Chinese
Frence
Vietnamese
Thai
ព្រះបរមសពនឹងត្រូវថ្វាយព្រះភ្លើងនៅថ្ងៃទី៤ខែកុម្ភៈ
ដោយ ៖ ហេង សូរិយា ថ្ងៃទី 26 វិច្ឆកា 2012ម៉ោង 16:41:21
ភ្នំពេញ ៖ តាមប្រសាសន៍សម្ដេច នាយករដ្ឋមន្ដ្រី ហ៊ុន សែន នៅក្នុងឱកាស បើកការដ្ឋានសាងសង់ស្ពានអាកាស ស្ពានស្ទឹងមានជ័យ កាលព្រឹកថ្ងៃទី២៦ ខែវិច្ឆិកា ឆ្នាំ២០១២ ព្រះបរមសពនឹង ត្រូវថ្វាយព្រះភ្លើងនៅថ្ងៃទី៤ ខែកុម្ភៈ ឆ្នាំ២០១៣។ ដូច្នេះសម្ដេចនាយករដ្ឋស្នើសុំ ការយោគយល់ពីប្រជាពលរដ្ឋ ព្រោះ កំណាត់ផ្លូវមួយចំនួននឹងត្រូវបានបិទជា បណ្ដោះអាសន្ន ។
សម្ដេចនាយករដ្ឋមន្ដ្រីមានប្រសាសន៍ថា សូមប្រជាពលរដ្ឋទាំងអស់មេត្ដា យោគយល់នៅក្នុងឱកាសដង្ហែព្រះបរម សព ព្រះមហាវីរក្សត្រយាងចេញពីព្រះ បរមរាជវាំងមកតម្កល់នៅវាលព្រះមេរុ និងមានការបិទផ្លូវមួយចំនួន និងមាន ការផ្សាយបន្ដផ្ទាល់ពីទូរទស្សន៍ជាតិ។
សម្ដេចបានបញ្ជាក់ឱ្យដឹងថា ការ ដង្ហែយាងព្រះបរមសព ត្រូវចេញពីព្រះ បរមរាជវាំងនៅថ្ងៃទី១ ខែកុម្ភៈ តម្កល់ លើព្រះមេរុរយៈពេល៣ថ្ងៃ និងត្រូវថ្វាយ ព្រះភ្លើង។ រាជរដ្ឋាភិបាលនឹងរៀបចំពិធី កាន់មរណទុក្ខជាថ្មីម្ដងទៀត ។ នេះជា ព្រះរាជពិធីដ៏ធំជំនួសឱ្យការសប្បាយនៅ រាជធានីភ្នំពេញ ក្នុងឱកាសបុណ្យអុំទូក។ សម្ដេចនាយករដ្ឋមន្ដ្រីមានប្រសាសន៍ ថា ថ្ងៃបុណ្យអុំទូក សំពះព្រះខែ គឺជាថ្ងៃដែលព្រះមហាក្សត្រប្រទាននូវព្រះ គោរម្យងាថ្វាយព្រះបរមសពព្រះវីរមហាក្សត្រថា ព្រះបរមរតនកោដ្ឋ។
សម្ដេចតេជោនាយករដ្ឋមន្ដ្រីសូមឱ្យ ប្រជាពលរដ្ឋទាំងអស់មេត្ដាយោគយល់ ស្ថិតក្នុងដំណាក់កាលនៃការកាន់មរណ ទុក្ខ នៅពេលដែលព្រះបរមសពកំពុង តម្កល់នៅក្នុងព្រះបរមរាជវាំង វាមិន មែនជាការសមរម្យទេ ដែលយើងទាំង អស់គ្នា មនុស្សរាប់លាននាក់មកហ៊ោ កញ្ជៀវនៅមុខព្រះបរមរាជវាំង ក្នុងរាជ ធានីភ្នំពេញនេះ។
រាជរដ្ឋាភិបាលផ្អាកការចាត់តាំង រៀបចំពិធីបុណ្យអុំទូកនៅរាជធានីភ្នំពេញ ប៉ុន្ដែប្រជាពលរដ្ឋអាចធ្វើនៅតាមមូល ដ្ឋាន តាមទីអារាមផ្សេងៗជាធម្មតាបាន។ នេះបង្ហាញឱ្យឃើញចំពោះការគោរព វិញ្ញាណក្ខន្ធព្រះបរមសព ព្រះមហាវីរ ក្សត្ររបស់យើងដែលព្រះអង្គយាងសោយទិវង្គត ៕
.jpg)
.jpg)
