Khmer
English
Chinese
Frence
Vietnamese
Thai
សម្ដេចអគ្គមហាសេនាបតីតេជោ ៖ “បើចង់ស្រណុកឱ្យនឿយពីក្មេង”
ដោយ ៖ ហេង សូរិយា ថ្ងៃទី 26 វិច្ឆកា 2012ម៉ោង 16:44:08
ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋា ភិបាលកម្ពុជាបានស្នើសុំការយោគយល់ ពីប្រជាពលរដ្ឋទូទាំងប្រទេស ជាពិសេស នៅក្នុងរាជធានីភ្នំពេញក្នុងរយៈពេលនៃ ការសាងសង់ស្ពានអាកាសស្ទឹងមានជ័យ រយៈពេល២៨ខែ ដែលធ្វើឱ្យប្រជាពលរដ្ឋ នៅតំបន់ជិតខាងជួបឧបសគ្គពេលធ្វើ ចរាចរ។ សម្ដេចនាយករដ្ឋមន្ដ្រីបាន មានប្រសាសន៍ កាលពីថ្ងៃទី២៦ ខែវិច្ឆិកា ឆ្នាំ២០១២ ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបើកការដ្ឋានសាង សង់ស្ពានអាកាសស្ទឹងមានជ័យ ជាស្ពាន អាកាសទី៣ ដែលត្រូវចំណាយថវិកា ១៩លានដុល្លារ ។
សម្ដេចតេជោមានប្រសាសន៍ថា សភាពការណ៍នៅទីនេះនឹងត្រូវបានដោះ ស្រាយនៅឆ្នាំ២០១៥ បន្ទាប់ពីស្ពាន អាកាសត្រូវបានសាងសង់រួចរាល់ ហើយ សម្ពោធដាក់ឱ្យប្រើប្រាស់ជាផ្លូវការ។ ដូច្នេះ សុំប្រជាពលរដ្ឋយោគយល់ចំពោះ ការលំបាក ប៉ុន្ដែវាជារឿងដែលត្រូវដោះ ស្រាយ ដើម្បីថ្ងៃក្រោយ យើងទទួលបាន នូវភាពសុខស្រួល។ សម្ដេចបានបញ្ជាក់ ថា ធ្វើយ៉ាងនេះដើម្បីងាយស្រួលនៅថ្ងៃ ក្រោយ ដូចពាក្យចាស់លោកពោលថា “បើចង់ស្រណុកឱ្យនឿយពីក្មេង បើចង់ ឆ្ងាញ់ឱ្យរកអន្លក់”។ សម្ដេចបានបន្ដថា យើងសុខចិត្ដលំបាកបន្ដិចក្នុងរយៈពេល ២៨ខែ បន្ទាប់មកប្រជាពលរដ្ឋនឹងមាន ការងាយស្រួល មិនថានៅក្នុងតំបន់នេះ ទេ ប្រជាពលរដ្ឋក្នុងទីក្រុង និងទីបណ្ដា ខេត្ដក៏ងាយស្រួលដែរ។ សម្ដេចនាយក រដ្ឋមន្ដ្រីបានសម្ដែងនូវការរីករាយ និង ថ្លែងអំណរគុណចំពោះការយោគយល់ របស់ប្រជាពលរដ្ឋដែលរងនូវការប៉ះពាល់ ហើយត្រូវបានដោះស្រាយសំណង ទាំងអស់ជាទឹកប្រាក់៣លានដុល្លារ។
សម្ដេចតេជោបានលើកឡើងថា នេះ ជាតម្រូវការនៃការអភិវឌ្ឍដែលផ្ដល់ នូវការយោគយល់មួយសម្រាប់ទាំង អស់គ្នា ព្រោះយើងមិនអាចរស់នៅក្នុង ភាពជាប់គាំងបានឡើយ។ ជាមួយនេះ សម្ដេចនាយករដ្ឋមន្ដ្រីបានថ្លែងអំណរគុណ ប្រជាពលរដ្ឋដែលបានរួមចំណែកកសាង ប្រទេសកម្ពុជាដែលការចូលរួមរបស់ ប្រជាពលរដ្ឋ រួចចាកពីផ្លូវដីតាមរូបមន្ដ ៥០បូក៥០ ។
អ្វីដែលសម្ដេចនាយករដ្ឋមន្ដ្រី ហ៊ុន សែន មិនអាចបំភ្លេចបានគឺការចូលរួម របស់ប្រជាពលរដ្ឋដែលរស់នៅក្នុងទីក្រុង ភ្នំពេញ រួមចំណែកសហការយ៉ាងល្អ ប្រសើរនៅពេលដែលកម្ពុជាធ្វើជាម្ចាស់ ផ្ទះអាស៊ានប្ដូរវេន នាកិច្ចប្រជុំកំពូល អាស៊ានតាំងពីខែមេសា ខែកក្កដា និង ខែវិច្ឆិកា។ សម្ដេចបានមានប្រសាសន៍ ថា “ប្រធានអាស៊ានមិនមែនមានតែ ហ៊ុន សែន ឬរាជរដ្ឋាភិបាលទេ ប្រធាន អាស៊ាន គឺប្រជាជនកម្ពុជាទាំងអស់ ដូច្នេះរយៈពេលប្រជុំនៅខែមេសា, កក្កដា, និងចុងក្រោយនៅខែវិច្ឆិកា គឺជាការប្រជុំ ទ្រង់ទ្រាយធំដែលមានប្រមុខរដ្ឋ ប្រមុខ រដ្ឋាភិបាលអញ្ជើញចូលរួមប្រជុំនៅ ប្រទេសយើង។ “ការសហការពីប្រជា ពលរដ្ឋបានធ្វើឱ្យកិច្ចប្រជុំគ្មានការរអាក់ រអួលបញ្ហាចរាចរ ឬបញ្ហាអ្វីផ្សេងៗ កើតឡើងនោះទេ”។
សុវត្ថិភាពត្រូវបានធានាសម្រាប់មេ ដឹកនាំពិភពលោក មិនមែនគ្រាន់តែការ ខិតខំរបស់កម្លាំងប្រដាប់អាវុធនោះទេ ប៉ុន្ដែការចូលរួមរបស់ប្រជាពលរដ្ឋ ក៏ មានសារសំខាន់ផងដែរ។ សម្ដេចក៏បាន ថ្លែងអំណរគុណចំពោះកងកម្លាំងប្រដាប់ អាវុធគ្រប់ប្រភេទ ជាពិសេសសាលា រាជធានីភ្នំពេញ និងបណ្ដាសាលាខណ្ឌ ដែលមានការពាក់ព័ន្ធ ក៏ដូចជាប្រជា ពលរដ្ឋដែលមានការយោគយល់បានល្អ បំពេញកាតព្វកិច្ចក្នុងឋានៈជាពលរដ្ឋ ម្ចាស់ផ្ទះដើម្បីកិត្ដិយសនិងសេចក្ដីថ្លៃថ្នូរ របស់ប្រទេសជាតិ។
គួរបញ្ជាក់ថា ស្ពានអាកាសស្ទឹងមាន ជ័យស្ថិតនៅមុំនៃសង្កាត់៣គឺ សង្កាត់ ស្ទឹងមានជ័យ ខណ្ឌមានជ័យ, សង្កាត់ ទំនប់ទឹក ខណ្ឌចម្ការមន និងសង្កាត់បឹង សាឡាង ខណ្ឌទួលគោក ដែលត្រូវសាង សង់ដោយក្រុមហ៊ុនវិនិយោគទុនអាណិក ជនកម្ពុជា (OCIC) ដែលត្រូវចំណាយ រយៈពេល២៨ខែ ពោលគឺត្រូវបញ្ចប់នៅ ថ្ងៃទី២៦ ខែមីនា ឆ្នាំ២០១៥ ៕
.jpg)
