Khmer
English
Chinese
Frence
Vietnamese
Thai
ចាំអ៊ុតមើលថាអ្នកប្រដាល់ថៃអាចស៊ូជាមួយកីឡាករខ្មែរបានប៉ុន្មានទឹកនៅថ្ងៃសៅរ៍នេះ
ដោយ ៖ យឺន ពន្លឺ ថ្ងៃទី 27 វិច្ឆកា 2012ម៉ោង 09:56:44
ភ្នំពេញ ៖ ជើងខ្លាំងទាំង៣របស់កម្ពុជា នឹងមកអង្រួនសង្វៀនប៉ុស៌្ត៍លេខ៥ ម្ដងទៀតហើយ នាល្ងាចថ្ងៃសៅរ៍ ទី១ ខែធ្នូ ចុងសប្ដាហ៍នេះ នៅកីឡដ្ឋានស្តាតចាស់ ដោយក្នុងនោះមានកីឡាករ ឡុង សុភី ត្រូវប្រកួតជាមួយនឹង កីឡាករ CHORM PRAB មកពីប្រទេសថៃ ឯលៀង ស៊ីពេជ្រ ត្រូវជួប PHAR NOIY មកពីថៃនិងកីឡាករ ប៉ឺត ខាំ ត្រូវប៉ះអ្នកខ្លាំងមកពីថៃដូចគ្នា ឈ្មោះ SEN CHHAY NOIY ។
គូអន្តរជាតិទាំង៣នេះ សុទ្ធតែត្រូវបានអ្នកទស្សនាស្គាល់ថាជាអ្នកប្រដាល់ខ្លាំងប្រចាំប្រទេស ។ ឡុង សុភី អ្នកប្រដាល់មកពីក្លឹបសាលវ័ន្តកីឡា ត្រូវប្រកួតជាមួយនឹងកីឡាករថៃ លើកនេះ មិនទាន់ធានាថា អាចស៊ូបាន ដល់ទឹក ចុងក្រោយឬក៍អត់នោះទេ ព្រោះថាមួយរយៈនេះ សុភី មិនសូវជាមានវត្តមាននៅ លើរេញប្រដាល់ឡើយ ដោយសារតែជាប់រវល់កិច្ចការផ្ទាល់ខ្លួន។
ឡុង សុភី អ្នកណាក៍ស្គាល់កីឡាកររូបនេះដែល ដែលមានប្រវត្តិប្រកួតរាប់មិនអស់នៅលើសង្វៀនប្រកួត មិនថា កីឡាករបរទេស ឬកីឡាករខ្មែរដូចគ្នានោះទេ សុទ្ធតែធ្លាប់សន្លប់ក្រោមថ្វីកែងរបស់ សុភី ទាំងអស់ ។ រីឯដៃគូប្រគួតរបស់ឡុង សុភីនោះ គឺកីឡាករសញ្ជាតិថៃ CHORM PRAB ដែលមានប្រវត្តិប្រកួតទើបតែបាន ៣៦ដងប៉ុណ្ណោះ ក្នុងនោះឈ្នះបាន២៥ដង ចាញ់១១ដង មិនដែលស្មើ ធ្លាប់ផ្ដួលគូប្រកួតឲ្យសន្លប់បាន១២ដង។ អ្នកប្រដាល់ជនជាតិថៃរូបនេះ បើតាមការបញ្ជាក់ពីលោក សេង កដិកា អ្នកគ្រប់គ្រងកីឡាប្រដាល់TV៥ បានឲ្យដឹងថា អ្នកប្រដាល់ CHORM PRAB នេះដ្បិតតែការប្រកួតរបស់គេតិចជាឡុង សុភី មែន តែកម្លាំង ស៊ូហ្វ របស់គេវាយបានប្រាំទឹកពេញ មិនងាយចុះចាញ់គូសត្រូវងាយៗឡើយ ហើយកីឡាករដែល ធ្លាប់បានយកឈ្នះ នឹងចាញ់គេនោះសុទ្ធតែឈឺសាច់មិនស្ទឺនោះទេ។ លោកបន្ថែមថា សម្រាប់ការប្រកួតលើក នេះឡុង សុភី គួរតែប្រយ័ត្នប្រយែងបន្តិចទៅ កុំស្ទុះវាយទាំងបង្ខំ។
លៀង ស៊ីពេជ្រ អ្នកប្រដាល់មកពីក្លឹប អប្សារាគុនខ្មែរ ជាអ្នកប្រដាល់ចាស់ដែរ តែមិនសូវជាបាន ឡើងប្រកួត នោះទេ តាំងពី ឆ្នាំចុងឆ្នាំ២០១០មកម្ល៉េះ ទើបតែនៅឆ្នាំ ២០១២ នេះឈ្មោះរបស់គេក៍ចាប់ ផ្ដើមល្បីដោយសារ វិជ្ជា គុនដ៍អស្ចារ្យរបស់គេ ហើយនៅគ្រប់ស្ថានីយ៍ប្រដាល់ទាំងអស់បានយកគេឡើងប្រកួតជារៀងរាល់ខែ ។ អ្នកប្រដាល់រូបនេះ មិនសូវជាបានឡើងប្រកួតជាមួយនឹងកីឡាករបរទេសឡើយ គឺទើបតែជួបអ្នកប្រដាល់ ថៃបាន២ ដងប៉ុណ្ណោះ ដោយក្នុងនោះមានឈ្នះ១ និងចាញ់១។
ដៃគូប្រកួតរបស់លៀង ស៊ីពេជ្រ នោះ គឺកីឡាករ PHAR NOIY ដែលមានប្រវត្តិប្រកួតគួសម អាចស៊ីសងជាមួយ នឹង ស៊ីពេជ្រ បាន គឺទើបតែបាន២៧ដងប៉ុណ្ណោះ ឈ្នះបាន២២ដង ចាញ់៥ដង មិនដែលស្មើ ធ្លាប់ផ្ដួលគូប្រកួត ឲ្យសន្លប់បាន៨ដង។
ចំណែកគូអន្តរជាតិចុងក្រោយ អ្នកប្រដាល់មិនដែលចាញ់កីឡាករបរទេស ប៉ឺត ខាំ មកពីក្លឹប សាលវ័ន្តកីឡា ត្រូវប្រកួតប៉ះ អ្នកប្រដាល់សញ្ជាតិថៃខ្លាំងគួសមដែរ ឈ្មោះ SEN CHHAY NOIY ដែលមានប្រវត្តិប្រកួត ៤៥ដង ឈ្នះ ៣០ដង ចាញ់១៣ដង ស្មើ២ដង និងផ្ដួលគូប្រកួតងឲ្យសន្លប់បាន៧ដង។ ចាំមើលថា តើការប្រកួតលើក នេះ អ្នកប្រដាល់ថៃអាចតស៊ូតជាមួយម្ចាស់ក្បាច់គុនបានប៉ុន្មានទឹកនាថ្ងៃសៅរ៍ ចុងបសប្ដាហ៍នេះ? ៕
.jpg)
