Khmer
English
Chinese
Frence
Vietnamese
Thai
ព្យុះបុបា្ពសម្លាប់មនុស្ស៧៤នាក់នៅហ្វីលីពីន
ដោយ ៖ សាធី ថ្ងៃទី 05 ធ្នូ 2012ម៉ោង 10:20:22
ខ្យល់ព្យុះដែលមានទ្រង់ទ្រាយធំបំផុត នៅឆ្នាំ២០១២ ដែលមានឈ្មោះ “បុបា្ព” បានវាយប្រហារបំផ្លាញកោះមីនដាណាវ ស្ទើរតែទាំងស្រុង បណ្ដាលឱ្យមនុស្ស៧៤ នាក់បាត់បង់ជីវិត ។
ព្យុះបុប្ផាបានបោកបក់ចូលតំបន់ភាគ ខាងត្បូងហ្វីលីពីននៅវេលាម៉ោង៩និង ៤៥នាទីទៀបភ្លឺ ថ្ងៃទី៣ ខែធ្នូ បានបំផ្លាញ ផ្ទះសម្បែងនិងកាត់ផ្ដាច់ប្រព័ន្ធអគ្គិសនី លើតំបន់ទ្រង់ទ្រាយធំ ក្នុងកោះមីនដាណាវ ។ ខ្យល់ព្យុះមានល្បឿនខ្យល់ដល់ទៅ ១៩៥គីឡូម៉ែត្រក្នុង១ម៉ោង អមដោយ ភ្លៀងធ្លាក់ខ្លាំងបង្កឱ្យមានការបាក់ដីដើម ឈើតូចធំ បង្គោលភ្លើង បង្គោលអង់តែន ដួលរលំពាសពេញផ្លូវ ។
សារព័ត៌មាន CBN បានផ្សព្វផ្សាយថា ខ្យល់ព្យុះបានធ្វើឱ្យបាក់ដីនៅតំបន់ ខួងយករ៉ែនៅកោះមីនដាណាវ។ ទឹកជំនន់ ដីបានហូរចូលជំរុំយោធានៅក្បែងរនោះ ។ មានសាកសពជាច្រើនត្រូវបានគេដាក់ នៅក្បែរជំរុំយោធានោះ។ តំណាងកងពល យោធាប្រចាំការនៅទីនោះ បានឱ្យដឹងថា មានមនុស្សបាត់ខ្លួនប្រមាណ២០នាក់ក្នុងនោះមានទាហាន៦នាក់ផងដែរ ។
លោក Liza Mazo មន្ដ្រីគ្រប់គ្រង គ្រោះមហន្ដរាយធម្មជាតិកោះមីនដាណាវ បានឱ្យដឹងថា ចំនួនអ្នកស្លាប់និងបាត់ខ្លួន បន្ដកើនឡើងទៀត ហើយកម្លាំងជួយ សង្គ្រោះកំពុងតែខិតខំស្វែងរកអ្នកបាត់ខ្លួន ។ ក្នុងពេលជាមួយគ្នានោះ ពលរដ្ឋដែល រងរបួសដោយសារដើមឈើបាក់រលំ សម្ភារផ្សេងៗត្រូវខ្យល់កួចវាយចំឬត្រូវ ទឹកជំនន់កួចបានបញ្ជូនទៅកាន់មន្ទីរពេទ្យ សង្គ្រោះបន្ទាន់ ។
អ្នកស្រី Felicitsao Cabusao ឈរ ក្បែរកូនស្រីអាយុ១២ឆ្នាំរបស់ខ្លួនដោយ និយាយបណ្ដើរយំបណ្ដើរថា “យើងខ្ញុំទទួល រងគ្រប់គ្រាន់ហើយ” ។ អ្នកស្រីរៀបចំឱ្យ ដឹងទៀតថា កូនស្រីរបស់នាងបានគេច ផុតពីក្ដីស្លាប់ដោយខ្យល់ព្យុះវ៉ាស៊ីកើតឡើង រយៈពេល១ឆ្នាំកន្លងមក ដល់ពេលនោះ កូនស្រីរបស់គាត់ត្រូវទឹកជំនន់កួចចេញ ទៅសមុទ្រ ក្រោយទឹកជំនន់គ្របដណ្ដប់ បំផ្លាញភូមិស្រុកជាច្រើនតាមបណ្ដោយ ឆ្នេរសមុទ្រ ។
គិតមកដល់រសៀលថ្ងៃទី៤ធ្នូ មានពលរដ្ឋ១៥០ពាន់នាក់ត្រូវបានភៀសខ្លួន ។ អ្នកដំណើរតាមផ្លូវទឹកជាង៣ពាន់នាក់ត្រូវ ជាប់គាំង ដោយសារតែសាឡាង នាវា ចម្លងផ្អាកដំណើរការ ។ ជើងហោហើរ ចេញ-ចូលកោះមីនដាណាវក៏ត្រូវផ្អាកផងដែរ ។
នៅក្នុងប្រទេសហ្វីលីពីនជារៀងរាល់ ឆ្នាំ មានខ្យល់ព្យុះយ៉ាងតិច២០លើកវាយ ប្រហារប្រទេសនេះបានបំផ្លាញយ៉ងដំណំ ទាំងទ្រព្យសម្បត្ដិនិងអាយុជីវិត ។ កាលពី ឆ្នាំ២០១១ ខ្យល់ព្យុះវ៉ាស៊ីវាយប្រហារ កោះមីនដាណាវសម្លាប់មនុស្ស១.៥០០ នាក់ ។
ខ្យល់ព្យុះបុបា្ពកំពុងតែរំកិលខ្លួនឆ្ពោះ ទៅកាន់ទិសខាងលិចនិងពាយ័ព្យ ហើយ នឹងធ្វើដំណើរទៅដល់សមុទ្រចិនខាងត្បូងនាថ្ងៃទី៦ខែធ្នូ ៕
.jpg)
