Khmer
English
Chinese
Frence
Vietnamese
Thai
ព្យុះព្រិលធ្វើឱ្យអាកាសយានដ្ឋានធំជាងគេបំផុតនៅស៊ុយអែតជាប់គាំង
ដោយ ៖ សាធី ថ្ងៃទី 06 ធ្នូ 2012ម៉ោង 15:21:30
ចរាចរនៅក្នុងអាកាសយានដ្ឋានទីក្រុងស្ដុកឃម ប្រទេសស៊ុយអែត ត្រូវកកស្ទះ ទាំងស្រុងតាំងពីថ្ងៃទី៥ ធ្នូ ដោយព្យុះព្រិល ជាទ្រង់ទ្រាយធំវាយប្រហារទៅលើតំបន់ នោះ ធ្វើឱ្យបុគ្គលមួយចំនួនទៅទទួលពាន រង្វាន់ណូប៊ែល ជួបផលលំបាកយ៉ាងខ្លាំង ។ សារព័ត៌មាន AP បានដកស្រង់សម្ដីអ្នក នាំពាក្យមន្ទីរគ្រប់គ្រងចរាចរណ៍ដែន អាកាស ស្វីតដាវី បានឱ្យដឹងថា ផ្លូវហោះ ហើរនៅអាកាសយានដ្ឋានអាឡែនដា ទីក្រុងស្ដុកឃម មិនអាចដំណើរការបាន ធ្វើឱ្យជើងហោះហើរជាច្រើនត្រូវផ្អាក ឬ លុបចោល ។ ព្រិលធ្លាក់មានកម្រាស់ ដល់ទៅ២០សង់ទីម៉ែត្រ វាយប្រហារ ទីក្រុងស្ដុកឃម កាលពីថ្ងៃទី៥ ធ្នូ ។ មក ទល់ពេលនេះមិនទាន់មានតួលេខពិត ប្រាកដស្ដីពីអ្នកដំណើររងផលប៉ះពាល់ នៅក្នុងអាកាសយានដ្ឋាននោះឡើយ ។
ជារៀងរាល់ថ្ងៃមានអ្នកដំណើរប្រមាណ ៥ម៉ឺននាក់ធ្វើដំណើរតាមអាកាសយាន ដ្ឋានអាឡែនដា ។ កាលពីថ្ងៃទី៥ ធ្នូ ក៏ជា ថ្ងៃដែលអាកាសយានដ្ឋានខាងលើទទួល ស្វាគមន៍ម្ចាស់ពានរង្វាន់ណូប៊ែលជា ច្រើនដែលធ្វើដំណើរមកទីនេះទទួលរង្វាន់ ត្រូវផ្ដល់នៅថ្ងៃទី១០ ធ្នូ ។
លោកអែននីកា ប៉ុនទីឃីស អ្នកនាំ ពាក្យមូលនិធិណូប៊ែល បានបញ្ជាក់ថា មនុស្ស៥នាក់ក្នុងចំណោម៩នាក់ដែល មកទទួលរង្វាន់ណូប៊ែល មានវត្ដមាន នៅទីក្រុងស្ដុកឃម ចំណែក៤នាក់ទៀត មិនទាន់មកដល់ ដោយសារតែព្រិលធ្លាក់ ក្រាស់ខ្លាំងពេក ។
ចរាចរតាមផ្លូវដែក ផ្លូវថ្នល់នៅក្នុង ទីក្រុងក៏ត្រូវជាប់គាំងផងដែរ ។ ក្រុមហ៊ុន ចរាចរណ៍ផ្លូវដែក SJ បានប្រកាសថា អ្នកដំណើររាប់ពាន់នាក់នៅភាគកណ្ដាល ប្រទេសស៊ុយអែត ត្រូវជាប់គាំងដោយ ប្រព័ន្ធអគ្គិសនីនៅទីនោះត្រូវកាត់ផ្ដាច់ ៕
.jpg)
