Khmer
English
Chinese
Frence
Vietnamese
Thai
រដ្ឋធានីហាណូយនឹងបន្ដសហការជាមួយរាជធានីភ្នំពេញ
ដោយ ៖ ហេង សូរិយា ថ្ងៃទី 14 ធ្នូ 2012ម៉ោង 14:05:22
ភ្នំពេញ ៖ កាលពីរសៀលថ្ងៃទី១៣ ខែធ្នូ ឆ្នាំ២០១២ នៅអគារវិមានសន្ដិភាព សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រីនៃរាជរដ្ឋាភិបាល កម្ពុជាបានអនុញ្ញាតឱ្យលោក ផាម ខ្វាងងី លេខាបក្សទីក្រុងហាណូយ និងជាសមា ជិកការិយាល័យនយោបាយមជ្ឈិមបក្ស កុម្មុនិស្ដវៀតណាមចូលជួបសម្ដែងការ គួរសម។ នៅក្នុងឱកាសនោះលោក ផាម ខ្វាងងី តាងនាមប្រតិភូទាំងអស់ និងប្រជាជននៃទីក្រុងហាណូយសូមសម្ដែង នូវការចូលរួមរំលែកទុក្ខជាមួយរាជរដ្ឋា ភិបាល និងប្រជាជនកម្ពុជាចំពោះការ បាត់បង់ដ៏ធំធេងដែលសម្ដេចព្រះ នរោត្ដម សីហនុ បានយាងចូលព្រះទិវង្គត។
លោក ផាម ខ្វាងងី បានជម្រាបជូន សម្ដែងតេជោនាយករដ្ឋមន្ដ្រីថា លោក បានចរចាជាមួយសាលារាជធានីភ្នំពេញ ផ្លាស់ប្ដូរព័ត៌មាន, បទពិសោធន៍ និងការ ដាក់ចុះទិសដៅ កិច្ចសហប្រតិបត្ដិការ រវាងទីក្រុងទាំង២។ លោកមានប្រសាសន៍ បន្ដថា លោកបានមកកាន់ព្រះរាជាណា ចក្រកម្ពុជានៅឆ្នាំ២០០២-២០០៥ ហើយនៅពេលនេះ លោកបានមើល ឃើញមានការផ្លាស់ប្ដូររីកចម្រើនយ៉ាង ច្រើនទាំងវិស័យសេដ្ឋកិច្ច និងវិស័យ ផ្សេងៗទៀតដែលមានស្ថិរភាព។
ក្នុងន័យនេះ លោកផាម ខ្វាងងី បាន អបអរសាទរចំពោះការរីកចម្រើនដែល កើតឡើងដោយការឈ្លាសវៃ ក្រោម ការដឹកនាំរបស់សម្ដេចអគ្គមហាសេនា បតីតេជោ ហ៊ុន សែន និងសូមអបអរ សាទរយ៉ាងជ្រាលជ្រៅចំពោះការទទួល បានជោគជ័យយ៉ាងត្រចះត្រចង់ដែល កម្ពុជាទទួលបាន ពេលធ្វើជាប្រធាន អាស៊ានដឹកនាំកិច្ចប្រជុំកំពូលអាស៊ាន, អាស៊ានបូក, កិច្ចប្រជុំកំពូលអាស៊ីបូព៌ា និងកិច្ចពិភាក្សាជាសាកលផងដែរ។
លោក ផាម ខ្វាងងី បានបន្ដថា ទីក្រុង ហាណូយ នឹងបន្ដកិច្ចសហប្រតិបត្ដិការ ជាមួយសាលារាជធានីភ្នំពេញដើម្បីធ្វើ យ៉ាងណាពង្រឹង និងពង្រីកកិច្ចសហប្រតិ បត្ដិការមិត្ដភាព-សាមគ្គីភាពរវាង ទីក្រុងទាំងពីរផង ក៏ដូចជាប្រជាជនទាំង២ផង។
ជាការឆ្លើយតប សម្ដេចតេជោនាយក រដ្ឋមន្ដ្រីបានថ្លែងអំណរគុណចំពោះការ ចូលរួមរំលែកព្រះមរណទុក្ខ និងថ្លែង អំណរគុណចំពោះការអបអរសាទរនូវ ជោគជ័យទាំងលើវិស័យសេដ្ឋកិច្ច និង កិច្ចប្រជុំកំពូលផងដែរ។
សម្ដេចតេជោនាយករដ្ឋមន្ដ្រីក៏បាន ជម្រាបជូនលោក ផាម ខ្វាងងី អំពីកំណែ ទម្រង់ដែលមានចរិតជាប្រវត្ដិសាស្ដ្រ គឺ ការវាស់វែងដីធ្លីផ្ដល់កម្មសិទ្ធិជូនប្រជា ជនកម្ពុជា និងកំណែទម្រង់ឡូនេសាទ ដែលឡូនេសាទទាំងអស់ត្រូវបានលុប ចោល និងប្រគល់ជូនប្រជាជនសម្រាប់ ប្រកបរបរនេសាទជាលក្ខណៈគ្រួសារ។
ទន្ទឹមនឹងនេះ សម្ដេចនាយករដ្ឋមន្ដ្រី ក៏បានលើកទឹកចិត្ដឱ្យទីក្រុងទាំង២បន្ដ កិច្ចសហប្រតិបត្ដិការជាមួយគ្នាឱ្យបាន រឹងមាំថែមទៀត ៕
.jpg)
