Khmer
English
Chinese
Frence
Vietnamese
Thai
ក្រុមខ្លាំង ស្ថាបនា លីមីតធីត ឈ្នះពានរង្វាន់សមាគមន៏មីក្រូហិរញ្ញវត្ថុកម្ពុជាឆ្នាំ២០១២ជាលើកដំបូង
ដោយ ៖ សហការី ថ្ងៃទី 18 ធ្នូ 2012ម៉ោង 13:12:10
ភ្នំពេញ៖ បន្ទាប់ពីក្រុមខ្លាំងស្ថាបនាលីមីតធីតបានទម្លាក់ក្រុមអម្រិត ហត្ថាកសិករ AMK, Cam Capital រួចក៏បានឆ្លងទៅដល់វគ្គផ្តាច់ព្រ័តជាមួយក្រុមខ្លាំងប្រាសាក់។ ពេលនេះក្រុមទាំង2ក៏បានជួបគ្នានៅពហុកីឡាដ្ឋានជាតិអូឡាំពិក នាព្រឹកថ្ងៃ១៦ ខែធ្នូ ឆ្នាំ២០១២ កន្លង ទៅថ្មីៗនេះ។ នៅក្នុងព្រឹត្តិការណ៏នៃការប្រគួតនៅវគ្គផ្តាច់ព្រ័តនេះ ក៏មានវត្តមានចូលរួមពីសំណាក់ លោកបណ្ឌិត ប៊ុន មុនី ប្រធានសមាគមន៏មីក្រូហិរញ្ញវត្ថុ កម្ពុជា ប្រធាននាយកប្រតិបត្តិគ្រឹះស្ថានមីក្រូហិរញ្ញវត្ថុនានា និងភ្ញៀវកិត្តិយសជាច្រើនរូបទៀត។
នៅមុនពេលប្រគួតចាប់ផ្តើម លោកប្រធានសមាគមន៏មីក្រូហិរញ្ញវត្ថុកម្ពុជា បានថ្លែងសុន្ទរកថាបើកកាប្រគួត និងមានចំណាប់អារម្មណ៏ដោយគូសបញ្ជាក់ថាសមាគមន៏មីក្រូហិរញ្ញវត្ថុបានរៀបចំការប្រកួតបាល់ទាត់នេះឡើងក្នុងគោលបំណង៣សំខាន់៖
ទី១.កីឡាដើម្បីសុខភាព ទី២.ដើម្បីរឹតចំណងសាមគ្គីភាព និងមិត្តភាព រវាងសមាជិកសមា-គមន៏មីក្រូហិរញ្ញវត្ថុកម្ពុជា និងទី៣.ដើម្បីគាំទ្រវិស័យកីឡាបាល់ទាត់និងផ្តល់រង្វាន់លើកទឹកចិត្តចំពោះស្ថាប័នដែលទទួលបានជ័យលោភី។ ការប្រគួតនេះមាន គ្រឹះស្ថានមីក្រូហិរញ្ញវត្ថុចំនួន ១២ ចូលរួម ហើយការប្រគួតចាប់ផ្តើមពីថ្ងៃទី ០៦ ខែតុលា ឆ្នាំ ២០១២ ដោយរូបមន្តនៃការប្រគួត ត្រូវបានបែងចែកជា ៤ ពូល ក្នុង១ពូល មាន៣ក្រុម ហើយធ្វើការប្រគួតវិលជុំនៅក្នុងពូល ហើយត្រូវជម្រុះចោល១ ក្រុម។
ការប្រកួតចំនួន៤វគ្គដូចខាងក្រោមៈ
1. វគ្គជំរុះក្នុងពូល
2. វគ្គ Play off
3. វគ្គពាក់កណ្តាលផ្តាច់ព្រ័ត
4. វគ្គផ្តាច់ព្រ័ត
ដោយវគ្គផ្តាច់ព្រ័តនេះគឺមានក្រុមកីឡាគ្រឹះស្ថានមីក្រូហិរញ្ញវត្ថុស្ថាបនា លីមីតធីត និងប្រាសាក់ធ្វើការប្រកួតដើម្បីដណ្តើមពានរង្វាន់ជ័យលោភីលេខ១ និងលេខ២ ប្រចាំឆ្នាំ២០១២។
គ្រាន់តែលោកអាជ្ញាកណ្តាលផ្លុំកញ្ចែចាប់ផ្តើមការប្រគួតភ្លាម ក្រុមទាំង២ មានការវាយ សម្រុកគ្នាទៅវិញទៅមកយ៉ាងខ្លាំង ធ្វើឲ្យអ្នកទស្សនា ភ្លេចអស់កំដៅព្រះអាទិត្យ។ ដោយនៅតង់ទី១ ក្រុមស្ថាបនាបានធ្វើការវាយលុកទៅលើក្រុមប្រាសាក់ដើម្បីរកគ្រាប់បាល់បញ្ចូលទី ដែលសកម្មភាពនេះញាំងឲ្យមានការស្រែកហ៊ោកញ្ច្រៀវពីបណ្តាអ្នកគាំទ្រយ៉ាងខ្លាំង។ នៅនាទីទី១៨កីឡាករពាក់លេខ៨ ឈ្មោះ គាន់ ណារិទ្ធ របស់ស្ថាបនា លីមីតធីត បានទាត់ បញ្ចូលទីនាំមុខលើក្រុមប្រាសាក់ ១ - 0 ។ ហើយនៅនាទីទី៣០ កីឡាករ លេខ៩របស់ក្រុម ប្រាសាក់បានទាត់បញ្ចូលទីស្ថាបនាវិញដោយលទ្ធផល ១ - ១ ។ តែទោះជាយ៉ាងណាកីឡាករ លេខ១០ ហឿង សុខហេង របស់ស្ថាបនាបានជួយឲ្យក្រុមរបស់ខ្លួននាំមុខវិញនៅនាទី ទី៣៦ ដោយលទ្ធផល២-១។នៅនាទីទី៤១កីឡាករគាន់ ណារិទ្ធ លេខ៨របស់ស្ថាបនាបានទាត់បាល់ ទម្លុះសំណាញ់សំរេចនូវគ្រាប់បាល់ទី២របស់ខ្លួន អោយក្រុមដោយលទ្ធផលបណ្តោះអាសន្ន ៣-១នៅតង់ទី១។ ចូលមកដល់តង់ទី២កីឡាករពាក់ផ្លាកលេខ១០របស់ក្រុមប្រាសាក់ បានរកគ្រាប់បាល់បញ្ចូលទី១គ្រាប់ឲ្យក្រុមរបស់ខ្លួនវិញ ដែលបានផ្តល់ក្តីសង្ឃឹមដ៏ស្តួចស្តើងដល់ក្រុមប្រាសាក់ ព្រោះគ្រាប់បាល់នោះរកបាននៅម៉ោងបន្ថែមក្នុងតង់ទី២ នាទី ទី៩០បូក៦ទៅហើយដោយទទួលបានលទ្ធផល ៣-២វិញ ។
កញ្ចែបញ្ចប់ការប្រកួតក៏បានបន្លឺឡើង ដោយលទ្ធស្វ័យប្រវត្តិ ស្ថាបនា៣ ប្រាសាក់២។ ជាលទ្ធផលនៃការប្រកួតនេះក្រុមម្ចាស់ជើងឯក ស្ថាបនា លីមីតធីត ទទួលបានពានរង្វាន់មួយរួម ជាមួយនឹងទឹកប្រាក់ចំនួន៦00$ សហរដ្ឋអាមេរិក៕
.jpg)
