Khmer
English
Chinese
Frence
Vietnamese
Thai
រាជរដ្ឋាភិបាលកម្ពុជាបានកំណត់យ៉ាងច្បាស់វិសយ័ឯកជនជាកម្លាំងចលករនៃការអភិវឌ្ឍនិងជាក្បាលម៉ាស៊ីនជំរុញកំណើនសេដ្ឋកិច្ចជាតិ
ដោយ ៖ សំរិត ថ្ងៃទី 22 ធ្នូ 2012ម៉ោង 12:54:46
ភ្នំពេញ ៖ រាជរដ្ឋាភិបាលកម្ពុជាបានកំណត់យ៉ាងច្បាស់ថា ផ្នែកឯកជនគឺជាកម្លាំងចលករនៃការអភិវឌ្ឍ និងជាក្បាលម៉ាស៊ីនជំរុញកំណើនសេដ្ឋកិច្ចជាតិឱ្យមានការរីកចម្រើន និងលើកកំពស់ជីវភាពប្រជាជន ឱ្យរួចចាកផុតពីភាពក្រីក្រ ។ នេះបើតាមប្រសាសន៍បញ្ជាក់ឱ្យដឹងពីលោកឧបនាយករដ្ឋមន្រី្ដ សុខ អាន ក្នុងឱកាសសម្ពោធផលិតផលម៉ាកLG នៅរាជធានីភ្នំពេញ នាព្រឹកថ្ងៃទី ២២ ខែឆ្នូ ឆ្នាំ២០១២ ។
លោកឧបនាយករដ្ឋមន្ដ្រី សុខ អាន បានបញ្ជាក់ថា រាជរដ្ឋាភិបាលកម្ពុជាបាននិងកំពុងខិតខំប្រឹងប្រែងបង្កើតនូវយន្ដការ និងលិខិតបទដ្ឋានគតិយុត្ដជាច្រើនទៀត ដើម្បីសម្រួលដល់ធ្វើអាជីវកម្ម និងការធ្វើវិនិយោគនៅកម្ពុជា ដូចជាការបង្កើតក្រុមប្រឹក្សាអភិវឌ្ឍន៍កម្ពុជា ការរៀបចំឱ្យមានវេទិការរាជរដ្ឋាភិបាល និងវិនិយោគឯកជនយ៉ាងទៀងទាត់ការធ្វើកំណែទម្រង់ប្រពន្ធ័ធនាគារ និងហិរញ្ញវត្ថុ ការបង្កើតទីផ្សារភាគហ៊ុនកម្ពុជា ដោយមាន ការជួយជ្រោមជ្រែងរបស់សាធារណរដ្ឋកូរ៉េ និងការកែលម្អជាប្រចាំនូវបរិយាកាសសម្រាប់ ការវិយោគ និងការធ្វើធុរកិច្ច ។ លោកបន្ដថា កម្ពុជាបានធ្វើសមាហរណកម្មសេដ្ឋកិច្ចទៅក្នុងតំបន់ និងសកលលោកហើយបានក្លាយជាសមាជិកអាស៊ាន និងជាសមាជិកនៃអង្គការ ពាណិជ្ជកម្មពិភពលោកសំដៅបើកចំហសេដ្ឋកិច្ចកម្ពុជាឱ្យកាន់តែទូលំទូលាយថែមទៀត ព្រមទាំងកាត់បន្ថយរបាំងពាណិជ្ជកម្មអន្ដរជាតិ ដើម្បីជាប្រយោគន៍ ដល់ការអភិវឌ្ឍសេដ្ឋកិច្ចសង្គម និងការកាត់បន្ថយភាពក្រីក្រ ។ ជាក់ស្ដែង ការជួបជុំគ្នាថ្ងៃនេះមិនតែជាសក្ខីភាពបញ្ជាក់ឱ្យឃើញនូវការចូលរួមគាំទ្រចំពោះកិច្ចសហការ ធ្វើអាជិវកម្មរវាងក្រុមហ៊ុនក្នុងស្រុក និងក្រុមហ៊ុនបរទេសប៉ុនណ្ណោះទេ ប៉ុន្ដែថែមទាំងបានឆ្លុះបញ្ចាំងឱ្យឃើញនូវភាពជោគជយ័ ក្នុងការអនុវត្ដគោលនយោបាយរបស់រាជរដ្ឋាភិបាល ដើម្បីបង្កើនជំនឿ ជឿជាក់ របស់អ្នកវិនិយោគទុន ក៍ដូចជាធុរជនទាំងក្នុងនិងក្រៅប្រទេស ក្នុងការសម្រេចចិត្ដធ្វើអាជី វកម្មនៅកម្ពុជា សំដៅរួមចំណែកជុំរុញឱ្យមានកំណើនសេដ្ឋកិច្ច និងការងារ ។
លោកឧបនាយករដ្ឋមន្ដ្រី សុខ អាន បានបញ្ជាក់ថា កម្ពុជាមានការអភិវឌ្ឍលើគ្រប់វិសយ័ មានសុខសន្ដិភាពពេញលេញ មានស្ថេរភាពនយោបាយ មានលំនឹងម៉ាក្រូសេដ្ឋកិច្ច ជាពិសេសមានកំណើនសេដ្ឋកិច្ចខ្ពស់ និងអតិផរណាទាប ។ ផលិផលក្នុងស្រុកសរុបសម្រាប់ ប្រជាជនម្នាក់ៗ មានការកើនឡើងជាលំដាប់ពីប្រមាណ៧៣៨ ដុល្លាអាម៉េរិក នៅឆ្នាំ២០០៨ ដល់៩១៥ដុល្លាអាម៉េរិក នៅឆ្នាំ២០១២ ហើយត្រូវបានប៉ាន់ស្មានថានឹងកើនរហូតដល់ប្រមាណ១០០០ ដុល្លារអាម៉េរិក នៅឆ្នាំ២០១៣ ។ កំណើនទាំងនេះបានបញ្ជាក់យ៉ាងច្បាស់ថា អំណាចទិញរបស់ប្រជាជនកម្ពុជាមានការកើនឡើងជាបន្ដបន្ទាប់ដែល នេះបានបង្ហាញនូវសក្កានុពលដ៍ធំធេងរបស់កម្ពុជា សម្រាប់ក្រុហ៊ុនវិនិយោគនានា រួមទាំងក្រុមហ៊ុនLGនៅកម្ពុជាដែលកំពុងចរាចរសព្វថ្ងៃនេះផងដែរ ។
លោក សុខ ពិសិដ្ឋ អគ្គនាយកក្រុមហ៊ុនអិលជីបានបញ្ជាក់ថា វត្ដមានវិសយ័ឯកជននៅកម្ពុជាពិតជាបានរួមចំណែកក្នុងការជួយអភិវឌ្ឍន៍សេដ្ឋកិច្ចជាតិនៅកម្ពុជាបានលឿន ក្នុងការជួយកាត់បន្ថយភាពក្រីក្រនៅកម្ពុជាយ៉ាងពិតប្រាកដ ។ ជាក់ស្ដែងវត្ដមានក្រុមហ៊ុនអិលជីរបស់លោក នឹងរួមចំណែកក្នុងការបង្កើនធនធានមនុស្ស និងសេដ្ឋកិច្ចជាតិតាមរយៈសហគមន៍ធុរៈកិច្ចនិងប្រជាពលរដ្ឋទូទៅ ក្នុងការ សម្រួលការងារផ្នែកអាជីវកម្ម ទំនាក់ទំនង ក្នុងជីវភាពប្រចាំថ្ងៃ ក្នុងការស្រាវជ្រាវក្នុងទិសដៅអប់រំ និងសិក្សាធិការនៅក្នុងក្រមខណ្ឌ័ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណា ចក្រកម្ពុជា ។ ការចូលរួមរបស់វិសយ័ឯកជនពិតជានឹងក្លាយជាចលនាមួយបន្ថែមទៀតសម្រាប់ពន្លឿនទីផ្សារពត៌មានវិទ្យារបស់ ប្រទេសកម្ពុជាឱ្យកាន់តែខិតទៅជិតប្រទេសអភិវឌ្ឍន៍ឯទៀតៗ ក្នុងតំបន់ និងពិភពលោក ៕
.jpg)
.jpg)
.jpg)
