Khmer
English
Chinese
Frence
Vietnamese
Thaiយក្ស កោះយ៉ឈ្នះ Vo Va ក៏គ្មានតម្លៃដែរនៅសង្វៀនស្ដាតចាស់
ដោយ ៖ សារីម|ថ្ងៃទី 31 ធ្នូ 2012 ម៉ោង 14:26:16
ភ្នំពេញ ៖ ការប្រកួតកីឡាប្រដាល់ ក្បាច់គុនបុរាណខ្មែរប្រចាំខែធ្នូ ឆ្នាំ២០១២ របស់ទូរទស្សន៍អប្សរាប៉ុស្ដិ៍លេខ១១ កាលពីរសៀលថ្ងៃសៅរ៍ ទី២៩ ខែធ្នូ ឆ្នាំ ២០១២ ដែលមានកីឡាករបរទេស២ គូ ក្នុងនោះមានគូវាយដណ្ដើមខ្សែក្រវាត់ ១គូនិងគូទី៥មួយគូត្រូវបានទស្សនិកជនការរិះគន់ ព្រោះការផ្គូផ្គងហាក់បីដូចជា មិនស័ក្ដិសមឬក៏មិនពេញលក្ខណៈដែលទស្សនិកជនចង់បានឡើយ ។
ប្រភពព័ត៌មានគួរឱ្យទុកចិត្ដបាន បង្ហើបប្រាប់ភ្នាក់ងារយកព័ត៌មាននគរ វត្ដមុនពេលចាប់ផ្ដើមការប្រកួតថា គូ ពិសេសទី៥កីឡាករ យក្ស កោះយ៉ មកពី សមាគមកីឡាប្រដាល់ខេត្ដកោះកុង ជាកូនសិស្សលោក អេ ភូថង និងលោក ងួន និត ដែលដើមឡើយត្រូវគណៈកម្ម ការរៀបចំការប្រកួតផ្គូផ្គងឱ្យជួបប្រកួតជាមួយកីឡាករ យ៉ា ស៊ីន ជនជាតិបែលហ្ស៊ិកក្នុងប្រភេទ ទម្ងន់១១០គីឡូក្រាមនោះ ត្រូវអាក់ខាន វិញដោយសារតែកីឡាករ យ៉ា ស៊ីនមាន បញ្ហាលិខិតឆ្លងដែន ។ នេះបើតាមពិធី កររបស់សង្វៀនប៉ុស្ដិ៍អប្សរាប្រកាសជា សាធារណៈប្រាប់ដល់ទស្សនិកជន ។ ប៉ុន្ដែ មានប្រភពមួយផ្សេងទៀតបានបញ្ជាក់ ថា អ្វីដែលទស្សនិកជនអស់សង្ឃឹមទៅ លើអ្នកផ្គូផ្គងនិងថ្លឹងទម្ងន់នោះ គឺដោយ សារតែយកកីឡាករ Vo Va ជនជាតិ រុស្ស៊ីមកជំនួស យ៉ា ស៊ីន ដើម្បីបំភ័ន្ដ ភ្នែកប្រិយមិត្ដដែលតែងតែនិយមគាំទ្រវិស័យកីឡាប្រដាល់សេរីរបស់ស្ថានីយ ទូរទស្សន៍អប្សរាទៅវិញដោយអ្នកផ្គូផ្គង ទាំងនោះយល់ឃើញថា Vo Va មានលក្ខណ សម្បត្ដិអាចបន្លំភ្នែកអ្នកទស្សនាបាន ។
ប្រភពដដែលបានបញ្ជាក់បន្ថែមថា កីឡាករយក្ស កោះយ៉ និងកីឡាករ Vo Va នេះទម្ងន់របស់ពួកគេទាំង២នាក់មិនស្មើ គ្នាដូចអ្វីដែលទស្សនិកជនបានឃើញ តាមរយៈកញ្ចក់ទូរទស្សន៍អប្សរាបាន បង្ហាញឱ្យឃើញនោះទេ តាមពិតទម្ងន់ របស់យក្ស កោះយ៉ មានរហូតដល់១១២ គីឡូក្រាមឯណោះ ។ ចំណែកឯកីឡាករ Vo Va វិញទម្ងន់ពិតរបស់គេបានត្រឹម តែ៨៩គីឡូក្រាមប៉ុណ្ណោះ ។
ដូច្នេះហើយបានជាកីឡាករទាំង២នាក់ នេះប្រកួតគ្នាហាក់បីដូចគ្មានភាពជក់ ចិត្ដ ហើយដោយសារទម្ងន់មិនស្មើគ្នា នោះទើបធ្វើឱ្យកីឡាករ យក្ស កោះយ៉ មានលទ្ធភាពយកឈ្នះពិន្ទុ Vo Va រហូត ដល់ទៅ៥ទឹក បើទោះបី Vo Va ប្រើ កណ្ដាប់ដៃវាយម៉ាត់ចំផ្ទៃមុខយក្ស កោះ យ៉ស្ទើរតែអ្នកធ្វើអត្ថាធិប្បាយបាត់មាត់បាត់កអស់ទៅហើយក៏ដោយក៏យក្ស កោះយ៉ ដីរពើងទ្រូងធ្វើព្រងើយដដែល ៕
.jpg)
