Khmer
English
Chinese
Frence
Vietnamese
Thai
ក្រុមណាខ្លះអាចរកបាន៣ពិន្ទុក្នុងជុំទី២នៃព្រឹត្ដិការណ៍ Hun Sen’s cup 2013
ដោយ ៖ សារីម ថ្ងៃទី 02 មករា 2013ម៉ោង 15:46:57
ភ្នំពេញេ ៖ ការប្រកួតបាល់ទាត់ ដណ្ដើមពានរង្វាន់សម្ដេចតេជោ ហ៊ុន សែន ឆ្នាំ២០១៣ វគ្គ១៦ក្រុមចុងក្រោយ នាល្ងាចថ្ងៃព្រហស្បតិ៍ទី៣ ខែមករា ឆ្នាំ ២០១៣នេះគឺជាការប្រកួតជុំទី២ក្នុងពូល AនិងពូលBដែលមាន៤ប្រកួតស្មើនឹង៨ ក្រុមលើទីលាន២ផ្សេងគ្នា ។
សម្រាប់ការប្រកួតក្នុងពូលA ក្រុម បាល់ទាត់ខណ្ឌចំការមនជួបជាមួយក្រុមខ្លាំងណាហ្គាខបដែលប្រកួតនៅទីលាន ពហុកីឡដ្ឋានជាតិអូឡាំពិក ។ ចំពោះ ក្រុមចំការមនកាលពីជុំទី១បានប្រកួត ចាញ់ក្រុមក្រសួងការពារជាតិ០ទល់៣ ពេលនេះមកប៉ះចំណាហ្គាខបទៀតមិនដឹង ថាត្រូវចាញ់ប៉ុន្មានគ្រាប់ទៀតនោះទេ ។
ចំណែកមួយគូទៀតនៅក្នុងពូលAនេះ ដែរគឺក្រុមខេត្ដក្រចេះប្រកួតជាមួយ ក្រុមក្រសួងការពារជាតិដែលលេងនៅ លើទីលានស្ដាតចាស់ ។ ក្រចេះជុំទី១ក៏ ចាញ់ដែរគឺប្រកួតចាញ់ណាហ្គាខប០ទល់១០ឯណោះ ។ សម្រាប់ការប្រកួតក្នុង ជុំទី២នេះក្រចេះក៏ប្រហែលមិនរំពឹងថា អាចយកឈ្នះក្រុមក្រសួងការពារជាតិ បានដែរពីព្រោះជាក្រុមខ្លាំងមួយនៅក្នុង League ។
ចំពោះការប្រកួតក្នុងពូលBវិញជា ការជួបគ្នារវាងក្រុមវេស្ទើនយូនីអែហ្វស៊ីនឹងក្រុមអគ្គស្នងការដ្ឋាននគរបាល ជាតិដែលលេងនៅលើទីលានពហុកីឡ ដ្ឋានជាតិ ។ ក្រុមអគ្គស្នងការនេះកាលពី ជុំទី១គេបានបំបាក់ក្រុមខេត្ដកំពតរហូតដល់ទៅ៦ទល់០ ឯក្រុមវេស្ទើនយូនីអែហ្វ ស៊ីមិនទាន់មានពិន្ទុនៅឡើយទេ ដោយជុំទី១ក្រុមនេះលេងចាញ់ក្រុមបៀល ប្រាយយូណាយធីត០ទល់៣ ។
ចំពោះក្រុមវេស្ទើនយូនីអែហ្វស៊ី ជួប ជាមួយក្រុមអគ្គស្នងការដ្ឋាននគរបាល ជាតិនៅជុំទី២នេះក៏ពិបាករកបានពិន្ទុដែរ ពីព្រោះប្រហែលជាមិនអាចយកឈ្នះ ក្រុមអគ្គស្នងការដ្ឋាននគរបាលជាតិបានទេ ដោយសារតែក្រុមនេះក៏ជាក្រុមខ្លាំង មួយក្នុង League ដែរ ។
មួយប្រកួតទៀតក្នុងពូលBនេះដែរ គឺក្រុមខេត្ដកំពតត្រូវជួបជាមួយក្រុមបៀលប្រាយ ។ កំពតគ្មានសង្ឃឹមរកបាន ពិន្ទុសម្រាប់ការជួបជាមួយក្រុមបៀល ប្រាយនេះទេ ។ កាលពីជុំទី១កំពតត្រូវក្រុម ប៉ូលិសលត់៦-០ឯណោះ ។ ទោះជាយ៉ាង ណាក្នុងជុំទី២នេះបៀលប្រាយគេសង្ឃឹម អាចរកបាន៣ពិន្ទុបន្ថែមទៀត ៕
.jpg)
