Khmer
English
Chinese
Frence
Vietnamese
Thai
សមត្ថកិច្ចចុះចាប់សាច់សត្វព្រៃនៅផ្សារស្ទឹងត្រែង
ដោយ ៖ ឡុង សំបូរ ថ្ងៃទី 11 មករា 2013ម៉ោង 08:48:46
ខេត្ដស្ទឹងត្រែង ៖ មន្ដីរ្រដ្ឋបាលព្រៃឈើ ថ្នាក់កណ្ដាល និងជាប្រធានក្រុមចល័ត ក្នុងការបង្ក្រាបបទល្មើសការបរបាញ់ សត្វព្រៃអមដោយកម្លាំងកងរាជអាវុធហត្ថលើផ្ទៃប្រទេស រួមសហការជាមួយមន្ដ្រីខណ្ឌរដ្ឋបាលព្រៃឈើខេត្ដស្ទឹងត្រែង បានធ្វើប្រតិបត្ដិការចុះចាប់សាច់សត្វ ព្រៃ ត្រូវបានគេយកមកដាក់តាំងលក់ នៅលើទីផ្សារបានចំនួនជាង១២១គីឡូ ក្រាមបញ្ជូនទៅកាន់ខណ្ឌរដ្ឋបាលព្រៃឈើខេត្ដស្ទឹងត្រែង តែគេមិនបានធ្វើការ ឃាត់ខ្លួនមេឈ្មួញលក់សាច់សត្វព្រៃ នោះឡើយ ។ នៅនាបច្ចុប្បន្ននេះបើ តាមការឱ្យដឹងពីក្រុមអាជីវករបានឱ្យ ដឹងថា សាច់សត្វព្រៃនៅតែបន្ដមាន ដាក់លក់នៅលើទីផ្សារក្នុងខេត្ដស្ទឹងត្រែង ដែលជាការបង្ហាញឱ្យឃើញពីសកម្ម ភាពបទល្មើសក្នុងការប្រមាញ់សត្វព្រៃលួចលាក់នៅតែកើតមានច្រើនករណី ។ ចំណែកប្រតិបត្ដិការចុះបង្ក្រាបខាងលើ នេះបានប្រព្រឹត្ដទៅនៅព្រឹកថ្ងៃទី៩ ខែមករា ឆ្នាំ២០១៣ ។
លោក ព្រុំ ណុល មន្ដ្រីរដ្ឋបាលព្រៃ ឈើថ្នាក់កណ្ដាល និងជាប្រធានក្រុម ចល័តក្នុងការបង្ក្រាបបទល្មើសការ បរបាញ់សត្វព្រៃបានបញ្ជាក់ថា ករណី បទល្មើសលួចបរបាញ់សត្វព្រៃយកសាច់មកលក់នៅទីផ្សារនេះ គឺជាការសម្លាប់ ជីវិតសត្វទាំងតូចទាំងធំធ្វើឱ្យហិនហោចពូជសត្វព្រៃ ដែលយើងកំពុងរួមគ្នា ធ្វើការអភិរក្សនោះ ។ លោកសូមធ្វើការ អំពាវនាវដល់ប្រជាពលរដ្ឋយើងត្រូវចូល រួមកុំប្រព្រឹត្ដបទល្មើសនេះ ពីព្រោះវាមាន ទោសដូចនេះបងប្អូនអាជីករក្ដី ឬអ្នក ប្រមាញ់ក្ដីត្រូវបញ្ឈប់បទល្មើសនេះជា បន្ទាន់ បើនៅតែប្រព្រឹត្ដនោះសមត្ថកិច្ច នឹងចាប់ខ្លួនដាក់ទោសទៅតាមផ្លូវច្បាប់ ឬក៏ទទួលការវិន័យជាមិនខាន ។
ក្រុមអាជីវករនៅក្នុងខេត្ដស្ទឹងត្រែង បាននិយាយថា ពួកគាត់គាំទ្រចំពោះ ការចុះបង្ក្រាបបទល្មើសនេះ តែការ ចាប់យកសាច់នៅក្នុងទីផ្សារវាមិនចំ គោលដៅនោះទេសុំស្នើទៅចាប់អ្នក ប្រមាញ់ ឬដាក់អន្ទាក់វិញទើបវាសម ពីព្រោះអ្នកលក់ដូរពួកគាត់ទិញពីអ្នក បរបាញ់នៅតាមភូមិដាច់ស្រយាល ។
សូមបញ្ជាក់ថា ការចុះបង្ក្រាប ចាប់យកសាច់សត្វព្រៃនៅផ្សារខេត្ដស្ទឹង ត្រែងនេះកម្លាំងជំនាញ និងសមត្ថកិច្ច អាវុធហត្ថរឹបអូសយកបានជាង១២១ គីឡូក្រាមក្នុងនោះមានសាច់ជ្រូកព្រៃ៩៤គីឡូក្រាម សាច់ប្រើស២៣គីឡូក្រាម សាច់ឈ្លូសជាង៤គីឡូក្រាម ហើយយកទៅ ដុតកម្ទេចចោលនៅក្នុងទីតាំងខណ្ឌរដ្ឋបាល ព្រៃឈើខេត្ដស្ទឹងត្រែង ៕
.jpg)
