​ជនជាតិ​ស្បែក​ខ្មៅ​អនាថា​ម្នាក់​ដេក​ស្លាប់​នៅ​លើ​បង់​សង្ស័យ​គាំងបេះដូង​

ដោយ​ ៖ ស ​ដារ៉ា ថ្ងៃទី 11 មករា 2013ម៉ោង 10:47:09

​ភ្នំពេញ​ ៖​ កាលពី​វេលា​ម៉ោង​៧​និង​៣០​នាទី​ព្រឹក​ ថ្ងៃទី១១ ខែមករា ឆ្នាំ២០១៣ ប្រជាពលរដ្ឋ​និង​អ្នកដំណើរ​បាន​ប្រទះ​ឃើញ​ បុរស​ជនជាតិ​ស្បែក​ខ្មៅ​ម្នាក់​ ដែល​គេ​ដឹង​ជា​ជនអនាថា​ បាន​ដេក​ស្លាប់​នៅ​លើ​បង់​។​ នៅ​មុខ​ផ្ទះ​លេខ​1Eo​ ផ្លូវ​១៣០ ​កែង​ផ្លូវ​ព្រះ​ស៊ី​សុវត្ថិ​ ក្នុង​សង្កាត់​ផ្សារ​កណ្ដាល​១​ ខណ្ឌដូនពេញ​ ។​

​ប្រភព​ព័ត៌មាន​បានឱ្យ​ដឹង​ ជន​រង​គ្រោះ​មានឈ្មោះ​ ដេ​វី​ដ​ ជា​ជនអនាថា​តែងតែ​ដើរមក​ម្ដុំ​ផ្សារ​ កណ្ដាល​ជា​ញឹកញាប់​ ។​ នៅ​មុន​ពេល​កើតហេតុ​ គេ​ឃើញ​បុរស​រូប​នោះ​បាន​មក​ដេក​នៅ​លើ​បង់​ នោះ​តាំងពី​យប់​ លុះ​ព្រឹក​ឡើង​ក៏​ឃើញ​ស្លាប់​នៅ​ទីនោះ​តែ​ម្ដង​ ។​ ​ករណី​នេះ​ សមត្ថកិច្ច​សង្ស័យ​អាច​បណ្ដាល​មក​ពី​គាំងបេះដូង​ ៕