Khmer
English
Chinese
Frence
Vietnamese
Thai
វាយប្រហារដាច់ដោយឡែកក្នុងថ្ងៃតែមួយស្លាប់និងរបួសជិត៣០នាក់នៅអ៊ីរ៉ាក់
ដោយ ៖ ថាច់ យ៉ាត ថ្ងៃទី 11 មករា 2013ម៉ោង 13:38:23
នៅថ្ងៃព្រហស្បតិ៍ ទី១០ ខែមករា ឆ្នាំ ២០១៣ ពលរដ្ឋអ៊ីរ៉ាក់សរុប១១នាក់បាន បាត់បង់ជីវិត និង១៥នាក់ទៀតរងរបួស នៅក្នុងហេតុការណ៍បំផ្ទុះគ្រាប់បែកនៅក្នុងរថយន្ដ និងការបាញ់ប្រហារនៅប៉ុស្ដិ៍ត្រួតពិនិត្យសន្ដិសុខ ដាច់ដោយឡែកផ្សេងពីគ្នាក្នុងថ្ងៃតែមួយ ។
អាជ្ញាធរអ៊ីរ៉ាក់បានថ្លែងក្នុងលក្ខខណ្ឌ មិនបញ្ចេញឈ្មោះឱ្យដឹងថា អគ្គនាយកសាកលវិទ្យាល័យ Diyala លោក Abass al-Dulaimai បានរងរបួសនៅក្នុង ហេតុការណ៍លួចវាយប្រហារដោយការ បង្កប់គ្រាប់បែកតាមដងផ្លូវ២ករណី បណ្ដាលឱ្យផ្ទុះចំរថយន្ដដឹកគណៈប្រតិភូ របស់គាត់នៅតំបន់ Baquba ស្ថិតក្នុងចម្ងាយ៦០គីឡូម៉ែត្រភាគខាងជើង ទីក្រុងបាដាដ ។
ក្នុងករណីផ្ទុះនេះបានសម្លាប់អង្គរក្ស របស់លោក Dulaimai ២នាក់ និង៣ នាក់ផ្សេងទៀតរងរបួស ។ ដូចគ្នានេះ ដែរនៅតំបន់ Taji ស្ថិតនៅចម្ងាយ២៩ គីឡូម៉ែត្រភាគឧត្ដរក្រុងបាដាដ មន្ដ្រី យោធា៣រូបបានបាត់បង់ជីវិត ខណៈ ដែលខ្មាន់កាំភ្លើងបើកការបាញ់ស្រោច ដោយកាំភ្លើងយន្ដ, គ្រាប់បែកដៃ និងរ៉ុក្កែតចូលក្នុងប៉ុស្ដិ៍ត្រួតពិនិត្យសន្ដិសុខ។
ដោយឡែកនៅឯខេត្ដទិសទក្សិណអ៊ីរ៉ាក់វិញ បាតុករដែលភាគច្រើនជាអ្នក កាន់សាសនាអ៊ិស្លាម និកាយស៊ីអីតរាប់ ពាន់នាក់បាននាំគ្នាធ្វើបាតុកម្មនៅថ្ងៃទី ១០នោះដែរ ។ ដំណាលគ្នានេះ យោធា អ៊ីរ៉ាក់ម្នាក់បានបាត់បង់ជីវិត ដោយសារ តែខ្មាន់កាំភ្លើងបានសម្រុកចូលផ្ទះ ហើយ បើកការបាញ់ប្រហារតែម្ដង ។ ចំណែក សមាជិកក្រុមប្រឹក្សា២រូបទៀតក៏បាន ស្លាប់ផងដែរ ខណៈដែលគ្រាប់បែកត្រូវ គេលួចបង្កៃផ្ទុះនៅក្បែរផ្ទះពួកគាត់នៅ ភាគឧត្ដរនៃតំបន់Baquba ។
អាជ្ញាធរដដែលបានបន្ដថា មនុស្ស ៣នាក់ទៀតបានស្លាប់ និង១១នាក់រង របួសនៅក្នុងហេតុការណ៍បំផ្ទុះគ្រាប់ បែកតាមរថយន្ដក្រុងកណ្ដាលក្រុង បាដាដដែលផ្ទុះនៅក្បែរស្ថានីយប៉ូលិស មួយកន្លែង ជិតសម្បូរដោយជនអ៊ិដស្លាម និកាយស៊ីអីតរស់នៅជាប់ព្រំប្រទល់ខេត្ដ Hurriya អ៊ីរ៉ាក់ ។
នៅក្នុងសបា្ដហ៍នេះ ស្ថានការណ៍តាន តឹងបានពុះកញ្ជ្រោលខ្លាំង ខណៈដែលបាតុ ករគាំទ្រអតីតរដ្ឋាភិបាលនិយមនិកាយ ស៊ីអីតបានចេញនៅតាមដងវិថីនានាធ្វើ បាតុកម្មប្រឆាំងរដ្ឋាភិបាលបច្ចុប្បន្ន ដែលដឹកនាំដោយលោក Nouri al-Maliki ជានាយករដ្ឋមន្ដ្រី ។ ក្រុមបាតុករ បានខឹងសម្បាជាមួយរដ្ឋាភិបាលដែល បានចាប់ខ្លួនអតីតរដ្ឋមន្ដ្រីក្រសួងហិរញ្ញវត្ថុ លោកRafai el-Essawi រួមជាមួយ អង្គរក្សរបស់គាត់២នាក់ថែមទៀត ៕
.jpg)
