Khmer
English
Chinese
Frence
Vietnamese
Thai
កាមរីគូទស្វិតបើកលឿនដល់ផ្លូវកោងជ្រុលចង្កូតបុកមនុស្សបាក់.កស្លាប់
ដោយ ៖ ឦសាន ថ្ងៃទី 12 មករា 2013ម៉ោង 10:41:18
ខេត្តមណ្ឌលគិរី ៖ ក្មេងស្រីវ័យជំទងម្នាក់បានបាត់បង់ជីវិតនៅនឹងកន្លែងភ្លាមៗ ដោយសាររថយន្តកាមរីគូទស្វិតបើកលឿន រេចង្កូតជ្រុលទៅបុកជនរងគ្រោះនៅខាងឆ្វេងដៃកំពុងជិះម៉ូតូ ចេញពីតូបលក់ទំនិញ កាលវេលាម៉ោង១និង១០នាទីរសៀល ថ្ងៃទី១១ ខែមករា ឆ្នាំ២០១៣ នៅចំណុចផ្លូវកោងលូបាក់ ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ។
សាក្សីកន្លែងកើតហេតុបានឲ្យដឹងថា រថយន្តបង្កម៉ាកកាមរីគូទស្វិត ពណ៌ប្រផេះ ពាក់ស្លាកលេខ ង.៩២៥០.ភព២ បើកបរមានគ្នា៣នាក់ បើកពីជើងទៅត្បូងយ៉ាងលឿន ពេលមកដល់ផ្លូវកោងបានជាន់ហ្វ្រាំង ហើយរេចង្កូតទៅខាងឆ្វេងដៃ ជ្រុលទៅបុកក្មេងស្រីរងគ្រោះដែលកំពុងជិះម៉ូតូម៉ាកវ៉េវចេញពីទិញទំនិញ ផ្លោងជាង១០ម៉ែត្រ បណ្តាលឲ្យជនរងគ្រោះបាក់.កស្លាប់ភ្លាមៗនៅនឹងកន្លែងកើតហេតុ ហើយរថយន្តជ្រុលទៅធ្លាក់ប្រឡាយ តែអ្នកបើកបរមិនបណ្តាលឲ្យរងរបួសទេ បាននាំគ្នាបើកទ្វារឡានរត់គេចខ្លួនបាត់អស់។
លោកវរសេនីយ៍ត្រី ស៊ុន ប៊ុនធឿន អធិការនគរបាលស្រុកកែវសីមា បានឲ្យដឹងថា ក្មេងស្រីរងគ្រោះមានឈ្មោះ នូវ គៀន ហៅម៉ាប់ ភេទស្រីអាយុ១៦ឆ្នាំ រស់នៅភូមិអូរអាម ឃុំស្រែខ្ទុម ស្រុកកែវសីមា ជាសិស្សសាលាបានបាត់បង់ជីវិតនៅនឹងកន្លែង ដោយសារមានរបួសធ្ងន់ធ្ងរត្រង់ករ(បាក់ករ)។
បច្ចុប្បន្នរថយន្តនឹងម៉ូតូសមត្ថកិច្ចជំនាញយកមករក្សាទុកនៅអធិការដ្ឋាននគរបាលស្រុក ដើម្បីស្រាវជ្រាវរកអ្នកបើកបរបង្ក កសាងសំណុំរឿងចាត់ការទៅតាមនីតិវិធីច្បាប់ ។ សពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ៕
.jpg)
