Khmer
English
Chinese
Frence
Vietnamese
Thai
ប្រធានគណបក្សប្រជាជនកម្ពុជាអរគុណគណបក្សហ្វ៊ុនស៊ិនប៉ិច
ដោយ ៖ ហេង សូរិយា ថ្ងៃទី 12 មករា 2013ម៉ោង 11:04:04
ភ្នំពេញ ៖ សម្ដេចអគ្គមហាធម្មពោធិ៍សាល ជា ស៊ីម ប្រធានគណបក្សប្រជា ជនកម្ពុជាកាលពីថ្ងៃទី១០ ខែមករា ឆ្នាំ ២០១៣ បានសរសេរលិខិតមួយច្បាប់ ផ្ញើជូនលោក កែវ ពុទ្ធរស្មី មគ្គុទ្ទេសក៍គណបក្សហ្វ៊ុនស៊ិនប៉ិច ដើម្បីថ្លែងអំណរ គុណចំពោះការប្រកាសគាំទ្របេក្ខភាពសម្ដេចតេជោ ហ៊ុន សែន ធ្វើជានាយក រដ្ឋមន្ដ្រីសម្រាប់អាណត្ដិទី៥បន្ដទៀត ។
លិខិតរបស់សម្ដេច ជា ស៊ីម បានបរិយាយថា សម្ដេចនិងសម្ដេច ហ៊ុន សែន បានទទួលរួចហើយលិខិតចុះថ្ងៃ ទី៨ ខែមករា ឆ្នាំ២០១៣ របស់លោក កែវ ពុទ្ធរស្មី មគ្គុទ្ទេសក៍គណបក្សហ្វ៊ុន ស៊ិនប៉ិច ដែលបានអបអរសារទរដល់ ទិវារំលឹកខួបអនុស្សាវរីយ៍លើកទី៣៤ នៃទិវាជ័យជម្នះ៧មករា ។
លិខិតរបស់សម្ដេច ជា ស៊ីម បានបន្ដថា សម្ដេច និងសម្ដេច ហ៊ុន សែន សូមថ្លែងអំណរគុណចំពោះគណបក្ស ហ្វ៊ុនស៊ិនប៉ិច ដែលបានវាយតម្លៃខ្ពស់ នូវសុរន្ទកថា របស់សម្ដេច ហេង សំរិន និងបានគាំទ្របេក្ខភាពសម្ដេច ហ៊ុន សែន ធ្វើជានាយករដ្ឋមន្ដ្រីសម្រាប់អាណត្ដិទី៥។ ចំពោះបញ្ហាទំនាក់ទំនងរវាងគណ បក្សប្រជាជនកម្ពុជា និងគណបក្សហ្វ៊ុន ស៊ិនប៉ិចនោះសម្ដេច ជា ស៊ីម បានវាយ តម្លៃខ្ពស់ និងជូនពរឱ្យចំណងទាក់ទងនៃ កិច្ចសហប្រតិបត្ដិការរវាងគណបក្ស ទាំងពីរកាន់តែត្រូវបានពង្រឹងនិងពង្រីក ដើម្បីជាឧត្ដមប្រយោជន៍របស់ព្រះរាជាណាចក្រកម្ពុជាតទៅទៀតមុខទៅ ។
នៅក្នុងអង្គមីទ្ទិញរំឭកខួបទី៣៤ឆ្នាំ នៃទិវាជ័យជម្នះ ៧ មករា កាលពីថ្ងៃទី៧ ខែមករា ឆ្នាំ២០១៣កន្លងទៅនេះ សម្ដេច ហេង សំរិន ប្រធានកិត្ដិយសគណបក្ស ប្រជាជនកម្ពុជាបានប្រកាសថា ក្នុងនាម គណបក្សប្រជាជនកម្ពុជា សម្ដេចបញ្ជាក់ ជាថ្មីទៀតនូវការគាំទ្របេក្ខភាពសម្ដេច ហ៊ុន សែន ជានាយករដ្ឋមន្ដ្រីសម្រាប់ នីតិកាលទី៥និងនីតិកាលបន្ដបន្ទាប់ទៀត។
គួរបញ្ជាក់ថា គណបក្សប្រជាជន កម្ពុជានិងគណបក្សហ្វ៊ុនស៊ិនប៉ិច គឺជា ដៃគូរសហការគ្នានៅក្នុងជួររាជរដ្ឋា ភិបាលនាពេលបច្ចុប្បន្ននេះ ៕
.jpg)
