Khmer
English
Chinese
Frence
Vietnamese
Thaiករណីរំលោភបូកកើតឡើងទៀតហើយក្នុងប្រទេសឥណ្ឌា
ដោយ ៖ ម៉ែវ សាធី|ថ្ងៃទី 14 មករា 2013 ម៉ោង 13:55:57
ប៉ូលិសឥណ្ឌាកាលពីថ្ងៃទី១៣ ខែ មករាបានឃាត់ខ្លួនបុរស៦នាក់ដែល ចូលរួមប្រព្រឹត្ដអំពើអានាចារ្យចាប់ រំលោភទៅលើស្ដ្រីអ្នកដំណើរម្នាក់លើរថ យន្ដក្រុង ក្នុងពេលដែលករណីរំលោភ បូកទៅលើនិស្សិតពេទ្យរហូតដល់បាត់ បង់ជីវិតនោះបង្កការខឹងសម្បាយ៉ាងខ្លាំង ពីប្រជាពលរដ្ឋមិនទាន់ស្ងប់ស្ងាត់ផង នោះ ។
ជនរងគ្រោះត្រូវបានគេចាប់ជំរិត កាលពីថ្ងៃទី១១ ខែមករា នៅពេលដែល នាងរង់ចាំរថយន្ដក្រុងធ្វើដំណើរទៅផ្ទះ ស្វាមីភាគខាងជើងខេត្ដពុនចាប់ ប្រទេសឥណ្ឌា ។ ក្រោយមកនាងត្រូវបាន ក្រុមជនល្មើសបញ្ជូនទៅកាន់ទីក្រុង អាមរីស្ដារ ដែលជាតំបន់គ្រប់គ្រងតាម បែបសាសនា SIKH ។ ស្នងការប៉ូលិស ទីក្រុងអាមរីស្ដារ លោករ៉ាចេតហ្សាន បានឱ្យដឹងថា ជនរងគ្រោះត្រូវបានអ្នក លក់សំបុត្ររថយន្ដ និងបុរស៥នាក់ផ្សេង ទៀតបញ្ជូនទៅកាន់ភូមិមួយដោយមិន ដឹងទីតាំងតាមម៉ូតូ រួចប្ដូរវេនគ្នារំលោភ ម្នាក់ម្ដងៗរហូតដល់គ្រប់គ្នាទើបនាំនាង មកដាក់នៅខាងក្រៅភូមិដែលស្វាមី របស់នាងរស់នៅនាព្រឹកថ្ងៃទី១២ ខែ មករា ឆ្នាំ២០១៣ ។
ស្នងការប៉ូលិសទីក្រុងអាមរីស្ដារបន្ដ ឱ្យដឹងទៀតថា ជនជាប់ចោទ៦នាក់ត្រូវ បានឃាត់ខ្លួន ដោយរងការចោទប្រកាន់ ពីបទរំលោភទៅលើស្ដ្រីវ័យ២៩ឆ្នាំម្នាក់ នាយប់ថ្ងៃទី១១ ខែមករា ហើយពេល នេះប៉ូលិសកំពុងតែស្វែងរកចាប់ខ្លួន បុរសទី៧ដែលបានចូលរួមសប្បាយជា មួយគ្នានោះដែរ ។ ប៉ូលិសបន្ដឱ្យដឹងទៀតថា ក្រោយពេល ត្រូវបានចាប់ជំរិត ជនរងគ្រោះត្រូវ បុរសល្មោភកាមទាំង៧នាក់ផ្លាស់ប្ដូរគ្នា រំលោភម្នាក់ម្ដងៗពេញមួយយប់ ។ ដល់ ព្រឹកថ្ងៃបន្ទាប់មក ជនល្មោភកាមទាំង នោះក៏បានដោះលែងនាងនៅក្បែរផ្ទះ ស្វាមី ហើយនាងបានរៀបរាប់ទាំងស្រុង ពីការឈឺចាប់ តក់ស្លុតដែលត្រូវបុរស ធ្វើទារុណកម្មលើរាងកាយផ្លូវភេទនោះ។
មកទល់ពេលនេះគេមិនទាន់អាច សន្និដ្ឋានបានពីកម្រិតនៃការរងរបួស របស់ជនរងគ្រោះនោះនៅឡើយ ។ ការ រំលោភផ្លូវភេទបូកជាលើកទី២នេះបាន ធ្វើឱ្យពលរដ្ឋឥណ្ឌាកាន់តែខឹងសម្បាដូច ករណីដែលបានកើតឡើងទៅលើនិស្សិត វ័យ២៣ឆ្នាំកាលពីថ្ងៃទី២៣ ខែធ្នូ ឆ្នាំ ២០១២ នៅទីក្រុងញូវដេលីបណ្ដាលឱ្យ បាត់បង់ជីវិតក្រោយបញ្ជូនទៅព្យាបាល នៅក្នុងសិង្ហបុរី ។
សកម្មភាពរំលោភផ្លូវភេទតែងតែ កើតឡើងស្ទើរជារៀងរាល់ថ្ងៃក្នុងប្រទេស ឥណ្ឌាធ្វើឱ្យពលរដ្ឋរាប់សិបពាន់នាក់នាំ គ្នាដង្ហែក្បួនបាតុកម្មទាមទារបង្កើន ច្បាប់ដាក់ទោសដល់ជនល្មើសឱ្យធ្ងន់ បំផុត និងបង្កើនការការពារនៅគ្រប់ ទិសទី ពិសេសគឺនៅពេលយប់ ។
នៅពេលដែលករណីរំលោភបូកទាំង ពីរលើកខាងលើកំពុងក្លាយជាប្រធានបទ ក្ដៅគគុកក្នុងប្រទេសឥណ្ឌាដែលចាប់ បាច់ត្រូវចាត់វិធានការទប់ស្កាត់នោះ ពេលនេះក៏បានកើតនូរឿងរ៉ាវដ៏សោក សង្រេងរបស់ក្មេងស្រីអាយុ៩ឆ្នាំដែល ត្រូវរំលោភហើយសម្លាប់ចោលយ៉ាង សាហាវព្រៃផ្សៃ ។
សារព័ត៌មាន Press Trust of India បានផ្សព្វផ្សាយថា ប៉ូលិសបានឃាត់ខ្លួន បុរសវ័យ៣៥ឆ្នាំដោយរងការចោទប្រ-កាន់ពីបទរំលោភសម្លាប់ទៅលើក្មេងស្រី វ័យ៩ឆ្នាំម្នាក់ ។ ប៉ូលិសបានឱ្យដឹងថា ជនល្មើសបានចាប់ក្មេងស្រីតាំងពីថ្ងៃទី ២៨ ខែធ្នូ ឆ្នាំ២០១២មកម្ល៉េះនៅក្នុងសឺឌី រដ្ឋមហារ៉ាស្ដារ ។ ក្រោយពេលរំលោភ ហើយសម្លាប់ ជនល្មើសក៏បាននាំយក សាកសពទៅបោះចោលនៅក្បែរស្ថានីយ រថភ្លើងរហូតដល់យប់ថ្ងៃទី១១ ខែមករា ទើបគេរកឃើញសាកសពកុមារីរង គ្រោះនោះ ។
សារព័ត៌មានដដែលនោះបានបញ្ជាក់ ទៀតថា ជនល្មើសទើបតែបានដោះលែង ចេញពីគុកកាលពីខែឧសភា ឆ្នាំ២០១២ ក្រោយបញ្ចប់ទោសពីបទរំលោភនិង សម្លាប់មនុស្សដែលជាកុមារីម្នាក់ផ្សេង ទៀតនោះ ។ ពេលនោះជនល្មើសជាប់ គុក១៧ឆ្នាំ ប៉ុន្ដែក្រោយមកថយចុះត្រឹម ១០ឆ្នាំប៉ុណ្ណោះ ។ ប៉ុន្ដែក្រោយចេញពីគុក មិនបានប៉ុន្មានខែក៏បាននឹកឃើញផ្លូវ ចាស់ដែលខ្លួនធ្លាប់ដើរជាថ្មីម្ដងទៀត ។
ករណីរំលោភជាបន្ដបន្ទាប់គឺជា សញ្ញាប្រកាសអាសន្នមួយនៅក្នុងប្រ- ទេសឥណ្ឌា ។ តាមមជ្ឈមណ្ឌលថែរក្សា ឯកសារបទល្មើសជាតិឥណ្ឌាបានឱ្យដងថា មានតែ២៦ភាគរយប៉ុណ្ណោះក្នុង ចំណោម២៤២០៦ករណី ដែលបានកត់ ត្រាទុកនៅក្នុងឆ្នាំ២០០៦ស្ដីពីបទល្មើស ផ្លូវភេទ ។ តាមក្រុមការពារសិទ្ធិស្ដ្រីនៅ ឥណ្ឌាបានបញ្ជាក់ថា ក្នុងរយៈពេល២៥ នាទី គឺមានស្ដ្រីម្នាក់ត្រូវគេរំលោភផ្លូវ ភេទ ប៉ុន្ដែមានតែ១ភាគ១០ប៉ុណ្ណោះ ដែលបានចេញរបាយការណ៍ ។
ប្រព័ន្ធច្បាប់នៅឥណ្ឌាត្រូវបានគេ ចាត់ទុកថាមានប្រតិកម្មយឺតយ៉ាវទៅ លើបទល្មើសរំលោភផ្លូវភេទ ។ តាម របាយការណ៍របស់ Indian Express នៅរដ្ឋ ប្រាដែស នាពេលកន្លងមកថ្មីៗ ជនល្មើសបានចាប់និស្សិតស្រីម្នាក់ឡើង លើរថយន្ដក្រុងរំលោភតែម្ដង ប៉ុន្ដែមិន ត្រូវបានផ្ដន្ទាទោសនោះឡើយ គ្រាន់តែដកហូតប័ណ្ណបើកបរប៉ុណ្ណោះ ។
ករណីរំលោភផ្លូវភេទនៅទីក្រុងញូវ ដេលី និងពុនចាប់នាពេលកន្លងមកថ្មីៗ នេះបានធ្វើឱ្យក្រុមសកម្មជនសិទ្ធិមនុស្ស បានដាក់សំណួរសួរថា ហេតុអ្វីបានជា ប៉ូលិសមើលរំលងមិនត្រួតពិនិត្យឱ្យបាន តឹងតែងនូវរថយន្ដដែលធ្វើដំណើរនា ពេលយប់ ។
នៅថ្ងៃទី២៨ ខែធ្នូ ឆ្នាំ២០១២ មាន ព័ត៌មានផ្សព្វផ្សាយថា ស្ដ្រីវ័យ១៧ឆ្នាំ ត្រូវបានគេចាប់រំលោភបូក ហើយនាង បានត្រឹមតែព្យាយាមធ្វើអត្ដឃាតប៉ុណ្ណោះ ក្រោយមកប៉ូលិសព្យាយាមបញ្ចុះបញ្ចូល នាងឱ្យបោះបង់ការប្ដឹងផ្ដល់ជាថ្នូរនឹងការ សងប្រាក់ជំងឺចិត្ដ និងរៀបការជាមួយ បុរសម្នាក់ក្នុងចំណោមបុរសដែលចូល រួមរំលោភនាងនោះ ៕
