Khmer
English
Chinese
Frence
Vietnamese
Thai
ពេលវេលាដ៏សំខាន់ចុងក្រោយសម្រាប់លាសម្ដេចឪ សម្ដេចតា គឺនៅថ្ងៃទី៤ ខែកុម្ភៈ ដែលនឹងមានភ្ញៀវអន្ដរជាតិចូលរួមជាច្រើន
ដោយ ៖ ហេង សូរិយា ថ្ងៃទី 14 មករា 2013ម៉ោង 16:23:01
ភ្នំពេញ ៖ សម្ដេចតេជោនាយករដ្ឋ មន្ដ្រីបានអំពាវនាវឱ្យប្រជាពលរដ្ឋរាជ ធានីភ្នំពេញមេត្ដាយោគយល់ ដោយសារ នៅសល់ប៉ុន្មានថ្ងៃទៀតខាងមុខ នឹងមាន ព្រះរាជពិធីថ្វាយព្រះភ្លើងព្រះបរមសព ព្រះបិតាជាតិ ព្រះបរមរតនកោដ្ឋ ។ សេចក្ដីអំពាវនាវរបស់សម្ដេចតេជោ បានធ្វើឡើងនៅព្រឹកថ្ងៃទី១៤ ខែមករា ឆ្នាំ២០១៣ ក្នុងឱកាសអញ្ជើញជាអធិបតី ដ៏ខ្ពង់ខ្ពស់ប្រគល់សញ្ញាបត្រដល់និស្សិត សាកលវិទ្យាល័យបញ្ញាសាស្ដ្រ ។
សម្ដេចនាយករដ្ឋមន្ដ្រីបានមាន ប្រសាសន៍ថា ភ្ញៀវបរទេសនឹងមកកាន់ ព្រះរាជាណាចក្រកម្ពុជាក៏មានចំនួន ច្រើន ដូចជាមានថ្នាក់ជានាយករដ្ឋមន្ដ្រី, ប្រធានាធិបតី, ប្រធានសភា និងជាថ្នាក់ ព្រះអម្ចាស់...។ នៅពេលនោះក៏នឹងមាន ភ្ញេ្ញៀវច្រើន ហើយក៏ត្រូវមានការរក្សា សន្ដិសុខសណ្ដាប់ធ្នាប់នៅក្នុងរាជធានី ភ្នំពេញហ្មត់ចត់ផងដែរ ។ ដូច្នេះសូម ប្រជាពលរដ្ឋនៅរាជធានីភ្នំពេញមេត្ដា យោគយល់ ដោយនៅកន្លែងខ្លះមានការ បិទផ្លូវមួយចំនួន ។
ការរៀបចំនេះគឺបង្ហាញនូវការគោរព ព្រះបិតាជាតិរបស់យើង ដែលនឹងត្រូវ លាជាលើកចុងក្រោយនៅថ្ងៃទី៤ ខែកុម្ភៈ ឆ្នាំ២០១៣ ។ នៅថ្ងៃទី១ ខែកុម្ភៈ គឺជាថ្ងៃ ចាប់ផ្ដើមដង្ហែព្រះបរមសពចាកចេញពី ក្នុងព្រះបរមរាជវាំង ហើយដែលនៅពេល នោះក៏មានការបាញ់កាំភ្លើងធំចំនួន១០១ ណាត់ បាញ់លើកទី២នៅពេលព្រះបរម សពត្រូវរំកិលចូលទៅតម្កល់លើព្រះមេរុ មួយសាទៀត ។ បាញ់លើកទី៣ គឺនៅ ពេលដែលថ្វាយព្រះភ្លើងព្រះបរមសព និងបាញ់មួយដងចេញ៣គ្រាប់ ។
សម្ដេចតេជោនាយករដ្ឋមន្ដ្រីបាន មានប្រសាសន៍ថា ការរៀបចំនេះ គឺជា ការរៀបចំក្នុងទំហំធំ សូមប្រជាពលរដ្ឋ មេត្ដារក្សាសណ្ដាប់ធ្នាប់ឱ្យបានល្អ ហើយ ការផ្សាយបន្ដផ្ទាល់នឹងមានដាក់ទូរទស្សន៍ នៅតាមកន្លែងដែលបានគ្រោងទុក ។
ភ្ញៀវជាន់ខ្ពស់នឹងចាប់មកដល់នៅថ្ងៃ ទី៣ ខែកុម្ភៈជាបណ្ដើរៗ និងនៅមិនទាន់ សរុបឱ្យដឹងអំពីចំនួនភ្ញៀវដែលឆ្លើយតប នឹងការអញ្ជើញមកនោះទេ គឺត្រូវរៀបចំ រក្សាសណ្ដាប់ធ្នាប់ឱ្យបានល្អក្នុងពិធីថ្វាយ ព្រះភ្លើងផង ដើម្បីជាការតបស្នងសង គុណចំពោះរាជព្រះគុណូបការគុណដ៏ធំ របស់ព្រះអង្គក្នុងការទាមទារឯករាជ្យពី បារាំងមកជូនជាតិមាតុភូមិ ក៏ដូចជា ការកសាងប្រទេសនៅក្នុងដំណកា់កាល សង្គមរាស្ដ្រនិយម នៅក្នុងចន្លោះឆ្នាំ ១៩៥៤ ដល់ឆ្នាំ១៩៧០ ។ បន្ដមកទៀត ព្រះអង្គបានរួមក្រោមព្រះរាជកិច្ចដឹកនាំ របស់ព្រះអង្គក៏ដូចជាការបង្រួបបង្រួម ជាតិ ហើយដែលនៅក្នុងដំណាក់កាល មួយតួអង្គដ៏សំខាន់នៃការចរចាពិភាក្សា ដើម្បីទម្លុះទម្លាយភាពទាល់ច្រកទាំង ឡាយនាំឆ្ពោះទៅដល់ការចុះហត្ថលេខា នៃកិច្ចព្រមព្រៀងប៉ារីស ។ ដូច្នេះស្នាព្រះហស្ដរបស់ព្រះអង្គធំណាស់ ដែលយើងប្រារឰដើម្បីឆ្លើយតបក្នុងឋានៈជាកូន ជា ចៅ ចៅទួតដ៏កតញ្ញូ ។
សម្ដេចតេជោសូមអំពាវនាវដល់ បណ្ដាទូរទស្សន៍ និងផ្នែករង្គសាលនានា នៅក្នុងថ្ងៃនៃការកាន់ទុក្ខ សូមមេត្ដា ផ្អាកការផ្សាយរាំរែកនៅក្នុងរយៈពេល នេះ ។ មិនយូរទេពេលវេលា សូមមេត្ដាយោគយល់ ។ នៅក្នុងចន្លោះថ្ងៃទី១ ដល់ ថ្ងៃទី៧ គឺជាដំណាក់កាលនៃការកាន់ទុក្ខ ដូច្នេះកម្មវិធីវិទ្យុទាំងប៉ុន្មាន ត្រូវផ្អាក សិននៅក្នុងរយៈពេលនេះ ។ មិនខ្វះទេពេលវេលា យើងមានឪពុក មានជីតា ជីតាទួតតែមួយទេ ដែលត្រូវរៀបចំ ប្រារឰពិធីលាគ្នាចុងក្រោយ ដែលត្រូវ គោរពកាន់ទុក្ខក្នុងរយៈពេល១សបា្ដហ៍ ។ ព្រោះសារាចរបានណែនាំហើយ សូម្បី សហរដ្ឋអាមេរិកដែលត្រូវធ្វើសកម្មភាព យុវជនក្នុងការប្រឆាំងអំពើហិង្សា ដែលត្រូវធ្វើនៅខេត្ដស្ទឹងត្រែង ដែលចំថ្ងៃ ដែលត្រូវត្រៀមរៀបចំថ្វាយព្រះភ្លើងព្រះ បរមសពចំថ្ងៃដែលកាន់ទុក្ខ សំណូមពរ ទៅសហរដ្ឋអាមេរិកគេក៏បានកែសម្រួល លើកថ្ងៃធ្វើទៅថ្ងៃក្រោយវិញ ។
ការឆ្លើយតបសម្រាប់យើងទាំងអស់គ្នា ដែលកូនចៅជំនាន់ក្រោយដែលបាន ទទួលផលប្រយោជន៍ពីឯករាជ្យពីសន្ដិភាព នៅសម័យមុន ហើយនិងដំណាក់ក្រោយ នេះដែលយើងត្រូវលះបង់ជូនព្រះវររាជ បិតាជាតិរបស់យើង ៕
.jpg)
