Khmer
English
Chinese
Frence
Vietnamese
Thai
សម្ដេចតេជោ ៖ បញ្ឈប់នយោបាយទឹកឡើងត្រីស៊ីស្រមោច ទឹកហោចស្រមោចស៊ីត្រី
ដោយ ៖ ហេង សូរិយា ថ្ងៃទី 14 មករា 2013ម៉ោង 20:25:00
ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃ ព្រះរាជាណាចក្រកម្ពុជា បានលើកឡើង ដោយគាំទ្រពេញទំហឹងឱ្យមានការបង្កើត ក្រមសីលធម៌សម្រាប់អ្នកនយោបាយ នៅក្នុងប្រទេសកម្ពុជា និងបានអំពាវនាវ ឱ្យបញ្ចប់នយោបាយទឹកឡើងត្រីស៊ី ស្រមោច ទឹកហោចស្រមោចស៊ីត្រី ។
ថ្លែងក្នុងពិធីចែកសញ្ញាបត្រដល់ និស្សិតសាកលវិទ្យាល័យបញ្ញាសាស្ដ្រ នៅវិទ្យាស្ថានជាតិអប់រំ កាលពីព្រឹកថ្ងៃ ចន្ទ ទី១៤ ខែមករា ឆ្នាំ២០១៣ សម្ដេច តេជោបានបង្ហាញការគាំទ្រចំពោះគំនិត ផ្ដួចផ្ដើមឱ្យមានក្រមសីលធម៌សម្រាប់ អ្នកនយោបាយ ដែលកំណត់កុំឱ្យមានការ ជេរប្រមាថក្នុងពេលឃោសនាបោះឆ្នោត តំណាងរាស្ដ្រ នាខែកក្កដា ឆ្នាំ២០១៣ ។
សម្ដេចតេជោបានមានប្រសាសន៍ថា គួរតែមានក្រមសីលធម៌ចំពោះអ្នក និយាយ ។ បើបានដូច្នេះគឺល្អ ខ្ញុំចូលចិត្ដ ណាស់ពាក្យហ្នឹង បើមានក្រមសីលធម៌ គឺជាការល្អ បើអ្នកឯងហ៊ានប្រើភាសា គ្មានក្រមសីលធម៌ គឺត្រូវជាប់ទោស “តើហ៊ានឬអត់?”។
សម្ដេចតេជោបានថ្លែងអំពាវនាវ ដល់គណបក្សនយោបាយទាំងអស់ត្រូវ ចូលរួម ហើយអនុម័តចំពោះបញ្ហាការ ផ្ដួចផ្ដើមឱ្យមានក្រមសីលធម៌សម្រាប់អ្នក នយោបាយនៅពេលខាងមុខ ។ សម្ដេច តេជោក៏បានលើកឡើងថា កន្លងមកអ្នក នយោបាយបក្សប្រឆាំងបានប្រើពាក្យជេរ ប្រមាថយ៉ាងធ្ងន់ធ្ងរមកលើគណបក្ស ប្រជាជនកម្ពុជា ពិសេសលើរូបសម្ដេច ដូចជាការប្រើពាក្យក្បាលយួនខ្លួនខ្មែរ និងពាក្យអាក្បត់ជាតិ ដែលជាការ ប្រមាថយ៉ាងធ្ងន់ធ្ងរ ។
សម្ដេចបានបញ្ជាក់យ៉ាងដូច្នេះថា “មានអ្នកនយោបាយបក្សខ្លះនិយាយមក ខ្លាំងពេក ប្រើពាក្យសុទ្ធតែក្បាលយួនខ្លួន ខ្មែរ...អាក្បត់ជាតិ... លុះដល់គេបកទៅ វិញដូចជាអាល្ងង់ទូ...ជាដើម ពាក្យនេះ ខ្ញុំខំរកមើល អត់ឃើញមានក្នុងវចនានុ ក្រមសម្ដេចព្រះសង្ឃរាជ ជួន ណាត”។
សម្ដេចបានមានប្រសាសន៍ថា ពេល គេបកត្រឡប់ទៅវិញថាគេឆ្លើយឆ្លង បើ មិនឆ្លើយឆ្លងវាអត់កើត ។ កន្លងទៅថ្មីៗ មានអាល្ងង់មួយទៀតចេះនិយាយថា ព្រះករុណា ព្រះបាទនរោត្ដម សុរាម្រិត អត់ទទួលស្គាល់ទេ ។
ឆ្លើយតបទៅនឹងបញ្ហានេះ សម្ដេច តេជោបានបំភ្លឺថា ព្រះករុណា ព្រះបាទ នរោត្ដម សុរាម្រិត ព្រះអង្គសោយទិវង្គត នៅឆ្នាំ១៩៦០ ហើយនៅឆ្នាំ១៩៦៤ បាន ព្រះករុណា ព្រះបាទសម្ដេចព្រះនរោត្ដម សីហនុ ព្រះអង្គយកផែនទីទាំងទឹកទាំង គោកយកទៅតម្កល់នៅអង្គការសហ ប្រជាជាតិ ដូច្នេះខុសគ្នា៤ឆ្នាំ ។ ដូច្នេះពិបាកដែរ បើសិនឆ្លើយតបទៅដូចជា មិនកើត ប៉ុន្ដែបើមិនឆ្លើយតប ប្រជាជន មិនយល់ ។
ជាមួយនឹងសេចក្ដីប្រកាសគាំទ្រដល់ ការបង្កើតក្រមសីលធម៌សម្រាប់អ្នក នយោបាយ សម្ដេចតេជោក៏បានអំពាវ នាវដល់អ្នកនយោបាយទាំងអស់កុំប្រើ ប្រាស់នយោបាយ“ទឹកឡើងត្រីស៊ីស្រមោច ទឹកហោចស្រមោចស៊ីត្រី” និងនយោ បាយថា“មានអញអត់អ្ហែង មានអ្ហែង អត់អញ”។
សម្ដេចបានលើកឡើងភាពជាក់ស្ដែង នៅសម័យលន់ នល់ ធ្វើរដ្ឋប្រហារ ទម្លាក់សម្ដេចនរោត្ដម សីហនុ ហើយ ពេលលោកលន់ នល់ បានដឹកនាំប្រទេស ក៏បានចាប់មនុស្សស្និទ្ធនឹងព្រះអង្គយក ទៅដាក់គុក ។ ក្រោយមកនៅពេល ប៉ុល ពត ឡើង កាន់អំណាចក៏បានកាប់សម្លាប់មនុស្សក្នុង សង្គមរាស្ដ្រនិយម និងសម័យ លន់ នល់ ជាដើម ។
សម្ដេចនាយករដ្ឋមន្ដ្រីបានមាន ប្រសាសន៍ថា ដូចការដែលលន់ នល់ ធ្វើ រដ្ឋប្រហារទម្លាក់សម្ដេចព្រះនរោត្ដម សីហនុ អ្នកដែលស្និទ្ធនឹងសម្ដេចព្រះ នរោត្ដម សីហនុ ត្រូវលន់ នល់ ចាប់ ដាក់គុក ដល់ប៉ុលពត ឡើងមកកម្ទេច ទាំងអស់ ។
សម្ដេចតេជោនាយករដ្ឋមន្ដ្រីបាន បញ្ជាក់ថា ឥឡូវនេះជាក់ស្ដែងយើងបាន ឃើញហើយ ពេលដែលគណបក្សប្រជា ជន ពេលដែលខ្ញុំនៅគ្រប់គ្រង អ្នកណាក៏ នៅបានដែរ ពិសេសអ្នកដែលជេរក៏នៅ បានដែរ ។ ប៉ុណ្ណឹងហើយគេនៅតែថាអត់ មានសិទ្ធិទៀត ខ្ញុំអត់យល់ដែរ ជេរនៅ ហ្នឹងមុខហើយ បានសុខហើយ...។ ដូច្នេះ យើងបញ្ចប់ទៅនយោបាយទឹកឡើងត្រីស៊ី ស្រមោច, ទឹកហោចស្រមោចស៊ីត្រី, នយោបាយមានឯងអត់អញ, នយោបាយ មានអញអត់ឯង...៕
.jpg)
