Khmer
English
Chinese
Frence
Vietnamese
Thaiគេភ្ជង់ប្លន់រថយន្ដបាត់អស់ជិត៤ខែស្រាប់តែប្រទះឃើញបើកកាត់មុខ
ដោយ ៖ អារុណរះ|ថ្ងៃទី 15 មករា 2013 ម៉ោង 13:46:38
ភ្នំពេញ ៖ បុរសម្នាក់ដែលអះអាងថា ខ្លួនជាម្ចាស់រថយន្ដម៉ាកកាមរីឆ្លាមស៊េរី ៩៨ បានទូរស័ព្ទទៅកាន់សមត្ថកិច្ចនគរ បាលព្រហ្មទណ្ឌកម្រិតធ្ងន់ឱ្យជួយអន្ដរាគមន៍និងស្ទាក់ចាប់ជនដែលបើករថយន្ដ របស់គាត់ ដែលត្រូវបានជនសង្ស័យធ្វើ សកម្មភាពវាយនិងភ្ជង់គាត់យកទៅបាត់ ជិត៤ខែ យស្រាប់តែប្រទះឃើញជិះ នៅលើបណ្ដោយផ្លូវក្នុងរាជធានីភ្នំពេញ ។
ជនរងគ្រោះបាននិយាយឱ្យដឹងថា គាត់បានឈប់ម៉ូតូនៅមុខសណ្ឋាគារ ភ្នំពេញ ផ្លូវព្រះមុនីវង្ស សង្កាត់ស្រះចក ខណ្ឌដូនពេញ ក៏ស្រាប់តែប្រទះឃើញ រថយន្ដរបស់ខ្លួនដែលបាត់នោះត្រូវបាន បុរសម្នាក់កំពុងតែបើក ក៏រាយការណ៍ ទៅកាន់សមត្ថកិច្ចនគរបាលព្រហ្មទណ្ឌ កម្រិតធ្ងន់ឱ្យជួយអន្ដរាគមន៍ក្នុងករណី នេះរហូតឃាត់បាននៅក្នុងភូមិសាស្ដ្រ ខណ្ឌទួលគោកម្ដុំមន្ទីរពេទ្យព្រះកុសុមៈ (ពេទ្យលោកសង្ឃ)យកទៅកាន់ស្នងការ ដ្ឋានភ្លាមៗដើម្បីចាត់ការនិងស្រាវជ្រាវ រកជនដែលប្រព្រឹត្ដបទល្មើសនោះ ។
លោកចឹង កុសល ភេទប្រុស អាយុ ៤៦ឆ្នាំ ដែលមានមុខរបរជាអ្នករត់តាក់ ស៊ី មានទីលំនៅស្រុកខ្សាច់កណ្ដាល ខេត្ដ កណ្ដាល និងជាម្ចាស់រថយន្ដកាមរីឆ្លាម ស៊េរី៩៨ ពណ៌សំបកឪឡឹក ពាក់ស្លាក លេខ ភ្នំពេញ 2G-4575 បាននិយាយឱ្យ ដឹងថា រថយន្ដរបស់គាត់នេះត្រូវបានជន ល្មើសវាយនិងភ្ជង់ប្លន់យកទៅបាត់ជិត៤ ខែ ទើបតែប្រទះឃើញនៅថ្ងៃទី១៤ ខែ មករា ឆ្នាំ២០១៣ប៉ុណ្ណោះ ។ លោកបាន បន្ដទៀតថា កាលណោះមានបុរស៣នាក់ បានជួលរថយន្ដរបស់គាត់ឱ្យដឹកចេញពី ភ្នំពេញ ទៅកាន់ខេត្ដកំពង់ចាម ហើយក៏ បានត្រឡប់មកវិញចូលភ្នំពេញ តែធ្វើ ដំណើរមកដល់ចំណុចដីឡូត៍វាលមួយ ជិតកំបូល ក្នុងខណ្ឌពោធិ៍សែនជ័យ ពួក គេក៏បានធ្វើសកម្មភាពយកអាវុធខ្លីភ្ជង់និងវាយគាត់បណ្ដាលឱ្យរងរបួស ហើយ យករថយន្ដនេះគេចទៅបាត់ ។
បុរសជាម្ចាស់រថយន្ដខាងលើនេះបាន ឱ្យដឹងថា បន្ទាប់មកគាត់ក៏បានធ្វើពាក្យ បណ្ដឹងនៅក្នុងមូលដ្ឋានខណ្ឌពោធិ៍សែន ជ័យដើម្បីតម្កល់ទុកផងដែរ ហើយក៏មិន នឹកស្មានថារថយន្ដនេះអាចរកឃើញវិញ នោះទេ ។ លោកបានបញ្ជាក់ឱ្យដឹងថា ជនល្មើសបានធ្វើសកម្មភាពប្លន់នៅវេលា ម៉ោងជិត១២យប់ ថ្ងៃទី២០ ខែសីហា ឆ្នាំ ២០១២ ។
ចំពោះករណីពាក់ព័ន្ធនឹងរឿងរ៉ាវខាង លើនេះបុរសអ្នកបើករថយន្ដដែលសង្ស័យ នោះក៏ត្រូវបានឃាត់ខ្លួននិងសួរនាំ តែ បើតាមប្រភពព័ត៌មានបានបង្ហើបឱ្យដឹង ថា ជនដែលបើករថយន្ដរបស់ជនរង គ្រោះនេះក៏ជាជនរងគ្រោះដែរ គឺគាត់ បានទិញរថយន្ដនោះពីអ្នកផ្សេង តែក្នុង តម្លៃនៅមិនទាន់ដឹងនៅឡើយទេ ហើយ ករណីនេះដែរសមត្ថកិច្ចនគរបាលព្រហ្ម ទណ្ឌនៃស្នងការដ្ឋាននគរបាលរាជធានី ភ្នំពេញកំពុងបើកប្រតិបត្ដិការធ្វើការ ស្រាវជ្រាវដើម្បីរកមុខអ្នកដែលប្រព្រឹត្ដ ក្នុងករណីប្លន់រថយន្ដនេះ ៕
