Khmer
English
Chinese
Frence
Vietnamese
Thai
របួសជិត៩០០នាក់ដោយធ្លាក់ព្រឹលនៅជប៉ុន
ដោយ ៖ ម៉ែវ សាធី ថ្ងៃទី 16 មករា 2013ម៉ោង 14:53:35
ព្រឹលធ្លាក់យ៉ាងក្រាស់នៅតំបន់ភាគ ខាងកើតប្រទេសជប៉ុនបណ្ដាលឱ្យមាន មនុស្សម្នាក់បាត់បង់ជីវិត និងជិត៩០០ នាក់រងរបួសដោយសារតែផ្លូវថ្នល់រអិល។ ក្នុងរយៈពេល៩ម៉ោង ព្រឹលធ្លាក់មានកម្រាស់រហូតដល់៨សង់ទីម៉ែទ្រនៅ តំបន់ភាគខាងកើតក្លាយទៅជាកន្លែង ដែលមានព្រឹលធ្លាក់ច្រើនជាងគេបំផុត មិនធ្លាប់មានចាប់តាំងពីឆ្នាំ២០០៧ មក។ តំបន់យ៉ូកូហ៊ីម៉ា មានព្រឹលធ្លាក់ រហូតដល់១៣សង់ទីម៉ែត្រ ចំណែកតំបន់ ភ្នំជុំវិញទីក្រុងតូក្យូមានព្រឹលធ្លាក់កម្រាស់ រហូតដល់៣០សង់ទីម៉ែត្រ ។
អាកាសធាតុត្រជាក់នោះបណ្ដាលឱ្យលោកតា វ័យ៧១ឆ្នាំម្នាក់បាត់បង់ជីវិតដោយសារ តែរអិលជើងធ្លាក់ចូលលូនៅពេលដែល កំពុងបោសសម្អាតព្រឹលនៅជុំវិញផ្ទះ របស់ខ្លួន ។
បណ្ដាញទូរទស្សន៍ NHK របស់ជប៉ុន បានផ្សព្វផ្សាយថា យ៉ាងហោចណាស់ មានមនុស្ស៨៩១នាក់រងរបួសនៅទីក្រុង តូក្យូនិងតំបន់ជិតខាង នោះភាគច្រើន ពលរដ្ឋមានវ័យចាស់ៗ ដោយសារតែ រអិលជើងដួល និងអ្នកបើកបរនៅតាម ដងផ្លូវគ្របដណ្ដបដោយព្រឹលយ៉ាងរអិល នោះ ។សេវាកម្មដឹកជញ្ជូនតាមផ្លូវដែកក៏ ត្រូវបានបិទទ្វារមួយរយៈពេលដើម្បីឱ្យ ក្រុមបោសសម្អាតព្រឹលត្រួសត្រាយផ្លូវ ឱ្យរថភ្លើងបន្ដដំណើរទៀត ។
កាលពីថ្ងៃទី ១៤ ខែមករា បណ្ដាក្រុមហ៊ុនអាកាសចរណ៍ ជប៉ុនបានលុបចោលជើងហោះហើរក្នុង ស្រុករហូតដល់៤៦០ជើងនៅក្នុងអា-កាសយានដ្ឋានហាណេដា ក្នុងទីក្រុងតូក្យូ ដើម្បីឱ្យក្រុមបោសសម្អាតព្រឹលបោស សំអាតទីលានហោះហើរ ។ ក្រៅពីនេះ នៅមានអ្នកដំណើររហូតដល់៣៤០០ នាក់ត្រូវស្នាក់នៅបណ្ដោះអាសន្នពេញ មួយយប់នៅអាកាសយានដ្ឋានណារ៉ីតា នៅផងដែរ ដោយសារតែព្រឹលធ្លាក់ ក្រាស់ខ្លាំងពេក ។ នៅថ្ងៃទី១៦ ខែមករា អាកាសយានដ្ឋានទាំងនោះបានបើក ដំណើរឡើងវិញជាធម្មតា ៕
.jpg)
