Khmer
English
Chinese
Frence
Vietnamese
Thai
ធ្លាក់គ្រាប់នៅមហាវិទ្យាល័យអាឡែប៉ូស្លាប់-របួសជាង២០០នាក់
ដោយ ៖ ថាច់ យ៉ាត ថ្ងៃទី 16 មករា 2013ម៉ោង 15:10:22
ការវាយប្រហាររវាងកម្លាំងស្មោះ ត្រង់លោកអាល់អាសាដ នឹងក្រុមបះបោរ នៅស៊ីរីកាលពីថ្ងៃទី១៥ ខែមករា ឆ្នាំ ២០១៣នៅទីក្រុងអាឡែប៉ូបានបណ្ដាល ឱ្យបាត់បង់ជីវិត៨២នាក់ និងរបួសជាង១៦០នាក់ ខណៈដែលគ្រាប់ផ្លោងហោះ ចូលទៅក្នុងបរិវេណសាកលវិទ្យាល័យ ពេលដែលនិស្សិតជាច្រើនរយនាក់កំពុង ត្រៀមខ្លួនប្រឡងនៅថ្ងៃដំបូង ។
រដ្ឋាភិបាល និងក្រុមបះបោរប្រឆាំង បានរុញដាក់គ្នាក្នុងការទទួលខុសត្រូវ ហេតុការណ៍ស្លាប់និងរបួសខាងលើនេះ ។ អភិបាលក្រុងអាឡែប៉ូ លោកមូហា ម៉េដ វ៉ាហឺដ អាក់ខាត បានប្រាប់ប្រភព AFP ថា រហូតមកដល់ពេលនេះ និស្សិត សរុប៨២នាក់បានបាត់បង់ជីវិត និងជាង ១៦០នាក់ទៀតរងរបួស ដោយសារតែ ការវាយប្រហាររបស់ក្រុមភេរវកម្មដែល សំដៅមកលើក្រុមនិស្សិតក្នុងថ្ងៃដំបូង នៃការចាប់ផ្ដើមប្រឡងនៅសាកលវិទ្យា ល័យអាឡែប៉ូ ។
ក្រុមសង្កេតការណ៍សិទ្ធិមនុស្សស៊ីរី មានមូលដ្ឋាននៅអង់គ្លេសបានថ្លែងឱ្យ ដឹងថា អ្នកបាត់បង់ជីវិតមាន៨៣នាក់ និង របួស១៥០នាក់នៅក្នុងហេតុការណ៍ខាង លើនេះ។ បណ្ដាញទូរទស្សន៍SANA របស់ រដ្ឋស៊ីរីបានផ្សាយថា ការប្រឡងត្រូវបាន ផ្អាកបណ្ដោះអាសន្នដោយសារតែការ បាញ់ប្រហារគ្នា ។ ជនរងគ្រោះក្នុងហេតុ ការណ៍នេះភាគច្រើនជានិស្សិត និងអ្នក ដែលខ្ចាត់ព្រាត់ ពុំមានទីជម្រកច្បាស់ លាស់ មករស់នៅបណ្ដោះអាសន្ននៅ បរិវេណអគារសាកលវិទ្យាល័យ ។ ក្រុម និស្សិតជួបជុំគ្នាដើម្បីប្រឡងនៅថ្ងៃ ទីមួយហើយស្រាប់តែកើតមានហេតុ ការណ៍នេះតែម្ដង ។
ប្រភពដដែលនេះបានអះអាងថា ក្រុមភេរវកម្មបានបាញ់មីស៊ីល២គ្រាប់ ធ្លាក់ចូលចំអគារសាកលវិទ្យាល័យ ។ រីឯក្រុមបះបោរវិញអះអាងថា កម្លាំងរដ្ឋា ភិបាលបានប្រើយន្ដហោះចម្បាំងបាញ់ សំដៅមកលើក្រុមងខ្លួន ៕
.jpg)
.jpg)
