Khmer
English
Chinese
Frence
Vietnamese
Thai
ខ្សឹបដាក់ត្រចៀក ៖ ព្រៃនៅក្នុងដែនជម្រកសត្វស្នួលកំពុងត្រូវបានកាប់បំផ្លាញ
ដោយ ៖ សហការី ថ្ងៃទី 17 មករា 2013ម៉ោង 10:28:42
ព្រៃនៅក្នុងដែនជម្រកសត្វស្នួលកំពុងត្រូវបានកាប់បំផ្លាញ និងឈានទៅរកការ បាត់ឈ្មោះទាំងស្រុងក្នុងពេលឆាប់ៗនៃដំណាក់កាលកាន់កាប់អំណាចរបស់លោក ងីម ។ គេរាយការណ៍ថា ដីព្រៃត្រូវបានកាប់បំផ្លាញ រានយកដីធ្វើជាកម្មសិទ្ធិផ្ទាល់ ខ្លួន ដែលខ្លះជាមន្ដ្រីយោធាប្រើអំណាចសង្កត់ទៅលើប្រធានដែនជម្រកសត្វ និងខ្លះ ទៀតឃុបឃិតជាមួយលោកប្រធានងីម កាប់ព្រៃយកធ្វើជាកម្មសិទ្ធិ ។
ប្រភពព័ត៌មានបានរាយការណ៍ថា បើគេមើលពីខាងក្រៅ ឃើញថាមានព្រៃ គួរសមដែរ ប៉ុន្ដែបើចូលទៅក្នុងព្រៃនៃដែនជម្រកសត្វស្នួល គឺមិនមានព្រៃ ឬដើម ឈើធំៗនោះទេ ។ ក្រៅពីបទល្មើសព្រៃឈើនៃការកាប់ឈើប្រណីត គឺការកាប់រាន យកដីធ្វើជាកម្មសិទ្ធិកំពុងកើតមានគគ្រឹកគគ្រេងក្នុងទឹកដីនៃដែនសមត្ថកិច្ចជម្រក សត្វស្នួលនេះ ។ លោកងីម ត្រូវគេអះអាងថា បានដាក់កម្លាំងរបស់ខ្លួនពេញព្រៃ ដើម្បីដើរប្រមូលប្រាក់ពីបទល្មើសទាំងនោះ ។
ប្រជាពលរដ្ឋក៏ដូចជាផ្នែកជំនាញផ្សេងទៀតអះអាងថា ព្រៃឈើក្នុងតំបន់ជម្រក សត្វស្នួល ខេត្ដក្រចេះ នឹងត្រូវរលាយក្រោមស្នាដៃរបស់លោកងីម ។ ករណីនេះ ក្រសួងបរិស្ថានគួរពិនិត្យមើលផង ៕
.jpg)
