Khmer
English
Chinese
Frence
Vietnamese
Thai
ស្លាប់កើនដល់១៥នាក់ក្នុងគ្រោះទឹកជំនន់នៅឥណ្ឌូនេស៊ី
ដោយ ៖ ម៉ែវ សាធី ថ្ងៃទី 19 មករា 2013ម៉ោង 15:29:19
អ្នកស្លាប់ដោយគ្រោះទឹកជំនន់ជនលិចកណ្ដាលទីក្រុងហ្សាការតាបានកើនដល់១៥ នាក់ហើយនៅថ្ងៃទី១៩ ខែមករា ឆ្នាំ២០១៣ ។ លោក Rikwanto អ្នកនាំពាក្យស្នងការប៉ូលិសបាននិយាយថា ការស្លាប់ដោយ គ្រោះទឹកជំនន់ដែលបានកើតឡើងក្នុងអំឡុងមួយសបា្ដហ៍នៅទីក្រុងហ្សាការតានេះ បានកើនឡើងរហូតដល់១៥នាក់ ។ នៅថ្ងៃសៅរ៍នេះ ក្រុមការងារជួយសង្គ្រោះបានរក ឃើញសាកសព៤នាក់បន្ថែមទៀត ដែលម្នាក់ជាសន្ដិសុខឯកជនយាមតាមផ្ទះ និង ម្នាក់ជាវិស្វករសំណង់ ។
កាលពីថ្ងៃព្រហស្បតិ៍ អាជ្ញាធរបានចេញប្រកាសអំពាវនាវពលរដ្ឋឱ្យប្រុងប្រយ័ត្ន ចំពោះបញ្ហាដែលបន្ដជនលិចនៅទីក្រុងហ្សាការតាអូសបន្លាយជាច្រើនថ្ងៃបណ្ដាល ឱ្យតំបន់សេដ្ឋកិច្ចសំខាន់ៗមួយចំនួនទទួលរងការខូចខាត ។
លោក Sutopo Purwo Nugroho អ្នកនាំពាក្យក្រសួងគ្រប់គ្រងគ្រោះមហន្ដរាយ ឥណ្ឌូនេស៊ីបានថ្លែងថា ពលរដ្ឋប្រមាណ១៨.០០០នាក់ត្រូវជម្លៀសទៅរកទីសុវត្ថិភាព ហើយរហូតដល់ថ្ងៃសៅរ៍នេះ ក្រុមការងារនៅតែបន្ដជួយជម្លៀសខ្លួនពលរដ្ឋនៅឡើយ។ នេះជាគ្រោះទឹកជំនាន់ធំបំផុតមិនធ្លាប់មាននៅឥណ្ឌូនេស៊ី គិតចាប់តាំងពីឆ្នាំ២០០៧ រហូតមក ដែលកាលណោះឥណ្ឌូនេស៊ីបានទទួលរងគ្រោះដោយទឹកជំនន់បណ្ដាលឱ្យ មនុស្សស្លាប់រហូតដល់៥០នាក់ ៕
.jpg)
