Khmer
English
Chinese
Frence
Vietnamese
Thaiលោក ម៉ា សេរី ៖ ក្រុងសៀមរាបនឹងមានសង្វៀនប្រដាល់នៅ ចុងខែកុម្ភៈឬខែមីនា
ដោយ ៖ សារីម|ថ្ងៃទី 22 មករា 2013 ម៉ោង 15:24:08
ភ្នំពេញ ៖ យ៉ាងយូរបំផុតនៅដំណាច់ខែកុម្ភៈ ឬក៏ដើមខែមីនា ឆ្នាំ២០១៣ខាង មុខនេះក្រុងសៀមរាបនឹងមានសង្វៀន ប្រដាល់ក្បាច់គុនបុរាណខ្មែរមួយដំបូង គេបន្ទាប់ពីក្រុងភ្នំពេញទៅដែលបង្កើត ឡើងដោយស្ថានីយទូរទស្សន៍ស៊ីធីអិន ស្ថិតនៅតាមបណ្ដោយផ្លូវឆ្ពោះទៅប្រាសាទ អង្គរវត្ដមានចម្ងាយប្រមាណជិត៣គីឡូម៉ែត្រពីរមណីយដ្ឋានបេតិកភណ្ឌពិភព លោករបស់ប្រទេសកម្ពុជា ប៉ុន្ដែទន្ទឹម នឹងការលើកឡើងរបស់លោក ម៉ា សេរី នេះប្រធានមន្ទីរអប់រំយុវជននិងកីឡា ខេត្ដសៀមរាបប្រាប់ថាមិនដឹងទេ ព្រោះ មិនទាន់មានសំណើសុំ ។
ប្រធានផ្នែកគ្រប់គ្រងកីឡានៅសង្វៀន ប្រដាល់ស្ថានីយទូរទស្សន៍ស៊ីធីអិនលោក ម៉ា សេរី បានបង្ហើបប្រាប់សារព័ត៌ មាននគរវត្ដកាលពីល្ងាចថ្ងៃសុក្រ ទី១៨ ខែមករា ឆ្នាំ២០១៣ថា ស៊ីធីអិនជិតបើក សង្វៀនប្រដាល់ថ្មីមួយទៀតហើយ នៅ លើទឹកដីខេត្ដសៀមរាប ដោយសំណង់ នោះបានសាងសងជិតរួចរាល់មួយរយ ភាគរយទៅហើយដែរ ។ ប្រធានផ្នែក រូបនេះបន្ដទៀតថា មូលហេតុដែលស៊ីធី អិនបង្កើតសង្វៀនថ្មីនៅខេត្ដសៀមរាប នោះក៏ព្រោះតែចង់ពង្រឹងនិងពង្រីក វិស័យកីឡាប្រដាល់ឱ្យកាន់តែមានសក្ដា នុពលខ្លាំងក្លាថែមមួយកម្រិតទៀត ។
លោកបានបន្ដទៀតថា ដោយសារ តែសព្វថ្ងៃនេះ វិស័យកីឡាប្រដាល់សេរី ត្រូវបានទស្សនិកជនពេញនិយមទស្សនា ច្រើនហើយសិល្បៈក្បាច់គុនបុរាណខ្មែរ បែបប្រយុទ្ធការពារខ្លួនមួយនេះក៏កំពុង បានជួយទាក់ទាញភ្ញៀវទេសចរបរទេស ឱ្យចូលមកទស្សនាព្រះរាជាណាចក្រកម្ពុជា អច្ឆរិយៈបានមួយចំណែកផងដែរ ។
សម្រាប់ការប្រកួតនៅសង្វៀនថ្មី មួយនេះលោក ម៉ា សេរី ក៏មិនទាន់ ប្រាកដថា ធ្វើឡើងនៅថ្ងៃណាឱ្យពិតប្រាកដ នៅឡើយទេ ដោយលោកគ្រាន់តែបញ្ជាក់ ថា ការប្រកួតនេះគឺមិនធ្វើនៅចន្លោះថ្ងៃ សុក្រ សៅរ៍ និងថ្ងៃអាទិត្យដូចនៅភ្នំពេញ ទេ ។ វាអាចជាថ្ងៃពុធ ឬក៏ថ្ងៃព្រហស្បតិ៍ ក៏ថាបាន ប៉ុន្ដែយ៉ាងណាបងប្អូននៅឯ ខេត្ដសៀមរាបក៏អាចចូលទស្សនាដោយ ផ្ទាល់បាន ដោយគ្រាន់តែចំណាយលុយ ប្រមាណជា១៥ដុល្លារប៉ុណ្ណោះ ។ ប៉ុន្ដែ សម្រាប់សំបុត្រ១៥ដុល្លារនេះគឺមិនកំណត់ ថាជនបរទេសឬក៏ពលរដ្ឋខ្មែរនោះឡើយ។
លោក ម៉ា សេរី បានបន្ដទៀតថា ចំពោះការប្រកួតនៅសង្វៀនថ្មីនេះ គឺធ្វើ រៀងរាល់សបា្ដហ៍ដូចនៅភ្នំពេញដែរ ប៉ុន្ដែជាគោលដៅកីឡាករនៅតាមបណ្ដាខេត្ដគឺមានអាទិភាពច្រើនជាងកីឡាករ នៅក្រុងភ្នំពេញ បើរកកីឡាករតាមខេត្ដ មិនបានទេជម្រើសទី២គឺត្រូវយកកីឡា ករពីភ្នំពេញទៅជំនួស ។ សម្រាប់ការ ប្រកួត១សបា្ដហ៍ៗអាចមានកីឡាករបរ ទេសចាប់ពី១គូដល់៣គូផងដែរ ។
ដោយឡែកលោក តែម ម៉ឺន ប្រធាន សហព័ន្ធកីឡាប្រដាល់កម្ពុជាបានមាន ប្រសាសន៍ថា ចំពោះសង្វៀនប្រដាល់ថ្មី របស់ស៊ីធីអិនដែលគ្រោងបើកសម្ពោធនាដើមខែកុម្ភៈ ឆ្នាំ២០១៣ នៅឯខេត្ដ សៀមរាបនោះ លោកកំពុងតែរៀបចំ មន្ដ្រីប្រចាំការនៅទីនោះ ។
លោក តែម ម៉ឺនបានបន្ដទៀតថា សម្រាប់មន្ដ្រីចៅក្រមនិងអាជ្ញាកណ្ដាលដែលប្រចាំការនៅទីនោះ គឺយកសុទ្ធតែ គ្រូៗប្រដាល់នៅឯខេត្ដសៀមរាបទាំង អស់ ។ លោកបញ្ជាក់ថា ការដែលសហ ព័ន្ធធ្វើបែបនេះពីព្រោះសហព័ន្ធចង់ពង្រីកវិស័យកីឡាប្រដាល់ឱ្យកាន់តែផុលផុស ឡើងថែមទៀត ។
ចំណែកលោក អុង សេរីឌី ប្រធាន មន្ទីរអប់រំ យុវជន និងកីឡាខេត្ដសៀមរាប បានប្រាប់សារព័ត៌មាននគរវត្ដកាល ពីព្រឹកថ្ងៃទី២២ ខែមករាកន្លងមកថា ពាក់ព័ន្ធនឹងការបើកសង្វៀនប្រដាល់នៅ ឯខេត្ដសៀមរាបនេះលោកមិនទាន់បាន ទទួលដំណឹងឬក៏ពាក្យស្នើសុំអ្វីនៅឡើយ9 ៕
.jpg)
