Khmer
English
Chinese
Frence
Vietnamese
Thaiអ្នកគ្រូចំណាស់ម្នាក់ត្រូវឃាតកវាយសម្លាប់ញាត់ចូលក្នុងពាងទឹក
ដោយ ៖ វិច្ឆិកា|ថ្ងៃទី 28 មករា 2013 ម៉ោង 17:08:26
ខេត្ដបន្ទាយមានជ័យ ៖ មានករណី ភ្ញាក់ផ្អើលឆោឡោពីប្រជាពលរដ្ឋសិស្សានុសិស្សលោកគ្រូអ្នកគ្រូនៅចំណុចភូមិ-ឃុំគត្ដសត ស្រុកអូរជ្រៅ ខេត្ដបន្ទាយ មានជ័យ ខណៈឃើញអ្នកគ្រូចំណាស់ម្នាក់ បង្រៀននៅសាលាបឋមសិក្សាគត្ដសត ត្រូវឃាតកមិនស្គាល់មុខវាយសម្លាប់ យកទៅញាត់ចូលក្នុងពាងទឹកពេលដែលជនរងគ្រោះដើរចេញពីសាលាមកបត់ ជើងនៅផ្ទះឪពុកមាដែលស្ថិតនៅខាង ក្រោយឆៀងខាងលិចសាលារៀនប្រមាណ ១០០ម៉ែត្រគ្រាដែលគ្មានមនុស្សនៅ ចាំផ្ទះហើយសាកសពជនរងគ្រោះត្រូវ បានកូនសិស្សប្រទះឃើញក្នុងពាងទឹក នាវេលាម៉ោង១០ព្រឹកថ្ងៃទី២៨ ខែមករា ឆ្នាំ២០១៣ ពេលទៅបើកគម្របពាង បម្រុងដងទឹកផឹក ។
បើតាមការឱ្យដឹងពីលោកនាយក សាលាបឋមសិក្សាគត្ដសតបញ្ជាក់ថាមុនពេលកើតហេតុអ្នកគ្រូឈ្មោះ ឡ មួយសាយ អាយុ៥៨ឆ្នាំ រស់នៅភូមិ-ឃុំ ខាងលើគាត់បានសុំចេញមុនសិស្ស ចេញលេងហើយទៅបត់ជើងនៅផ្ទះឪពុកមា របស់ខ្លួននាវេលាម៉ោង៩និង៤៥នាទី ព្រឹកដែលមានចម្ងាយពីសាលាប្រមាណ ១០០ម៉ែត្រ ។ លុះរំលងបាន១៥នាទី ក្រោយមកកូនសិស្សដល់ម៉ោងចេញ លេងក៏មានសិស្សស្រីម្នាក់បានដើរទៅ កន្លែងពាងទឹកខាងលើដើម្បីរកដងទឹក ផឹកនៅពេលបើកគំរបពាងឡើងស្រាប់ តែឃើញសពអ្នកគ្រូ ឡ មួយសាយ ត្រូវឃាតកវាយសម្លាប់ញាត់ចូលក្នុង ពាងទឹកនោះ ។ ភ្លាមៗនោះក៏មានការ ភ្ញាក់ផ្អើលដល់ប្រជាពលរដ្ឋ លោកគ្រូ អ្នកគ្រូ សិស្សានុសិស្សនាំគ្នាផ្អើលឈូឆរ ទៅចោមរោមមើលសព ។ បន្ដិច ក្រោយមកទើបសមត្ដកិច្ចដឹកនាំកម្លាំង ដោយលោកវរសេនីយ៍ទោ សិទ្ធ ឡោះ ស្នងការរងនគរបាលកណ្ដាលព្រហ្មទណ្ឌ ខេត្ដបានចុះទៅត្រូតពិនិត្យសពនៅកន្លែង កើតហេតុ ។
លោកនាយកសាលាបានបន្ដថា ស្ដ្រី រងគ្រោះមានប្ដីឈ្មោះ ដួង រ៉ាន់ អាយុ៥៨ ឆ្នាំ គ្រួសារនេះពុំមានកូននោះទេ ហើយ ពេលដែលអ្នកគ្រូមួយសាយទៅបត់ជើងគឺម្ចាស់ផ្ទះឈ្មោះ យ៉ាវ សែ អាយុជាង ៦០ឆ្នាំ ត្រូវជាឪពុកមាស្ដ្រីរងគ្រោះមិន បាននៅផ្ទះទេ ដោយគាត់បានជូនកូនទៅ ខេត្ដបាត់ដំបងដោយទុកកូនស្រីបង្កើត និងកូនប្រសាប្រុសឱ្យនៅចាំផ្ទះ ។ ប៉ុន្ដែ មុនពេលកើតហេតុអ្នកទាំង២នាក់ត្រូវ បានគេឃើញកំពុងលក់នំនៅក្នុងសាលា រៀន ។ តាមការបញ្ជាក់ពីសំណាក់លោក គ្រូម្នាក់ឱ្យដឹងថា អ្នកគ្រូ ឡ មួយសាយ មានពាក់ខ្សែកមាសមួយខ្សែទម្ងន់៥ជី ចិញ្ចៀន១វង់ និងក្រវិល១គូ នៅពេល គាត់ស្លាប់គ្រឿងអលង្ការទាំងនោះបាត់ អស់ពីខ្លួន ។
បើតាមប្រភពព័ត៌មានពីសមត្ថកិច្ចបានឱ្យដឹងថា ស្ដ្រីរងគ្រោះត្រូវឃាតក វាយត្រូវចំកញ្ចឹងកខាងក្រោយមាន ស្នាមខ្មៅ ហើយនៅកន្លែងកើតហេតុ សមត្ដកិច្ចរកឃើញកាំបិតផ្គាក់១ ដែល មានស្នាមប្រឡាក់ឈាមត្រូវសមត្ថកិច្ច សង្ស័យថា ឃាតកយកខ្នងកាំបិតផ្គាក់ នោះវាយទៅលើស្ដ្រីរងគ្រោះ បន្ទាប់មក អូសយកទៅញាត់ក្នុងពាងទឹកឯ កាំបិត ផ្គាក់សមត្ថកិច្ចរកឃើញនៅក្នុងផ្ទះបាយ។
ករណីនេះសមត្ថកិច្ចពុំទាន់សន្និដ្ឋាន ថា ជាអំពើប្លន់ឬជារឿងគំនុំនៅឡើយ នោះទេ ដោយកំពុងស្រាវជ្រាវដើម្បីស្វែង រកមុខសញ្ញាជនដៃដល់ ។
ប្រភពព័ត៌មាននៅកន្លែងកើតហេតុបានឱ្យដឹងថា ស្ដ្រីរងគ្រោះកាលនៅរស់ គាត់មិនដែលមានទំនាស់ជាមួយអ្នក រស់នៅក្នុងភូមិជាមួយគ្នានោះទេ ដោយ ប្រជាពលរដ្ឋលើកឡើងថា ករណីឃាត កម្មនេះពួកគាត់សង្ស័យថា ជាអំពើប្លន់ យកមាសព្រោះជនរងគ្រោះមានពាក់ខ្សែក ចិញ្ចៀន និងក្រវិលមាសជាប់ខ្លួន។
ព័ត៌មានចុងក្រោយ នៅរសៀលថ្ងៃទី២៨ ខែមករា ឆ្នាំ២០១៣ ជនសង្ស័យត្រូវបានសមត្ថកិច្ចឃាត់ខ្លួនយកមកសាកសួរពាក់ព័ន្ធករណីវាយសម្លាប់
អ្នកគ្រូបង្រៀនវ័យចំណាស់ខាងលើ ដែលសមត្ថកិច្ចអះអាងថា ជនដែលត្រូវឃាត់ខ្លួនត្រូវជាកូនបង្កើតរបស់ឪពុកមារស្រ្តីរងគ្រោះម្ចាស់ផ្ទះកន្លែង
កើតហេតុ។ សមត្ថកិច្ចបន្តថា ជនសង្ស័យបើទោះជាសមត្ថកិច្ចឃាត់ខ្លួន ប៉ុន្តែរូបគេមិនទាន់ឆ្លើយសារភាពនៅឡើយទេ ចំពោះករណីឃាតកម្មខាងលើ ប៉ុន្តែសមត្ថកិច្ចនៅតែបន្តដុតដៃដុតជើង ដើម្បីវាយរកមុខសញ្ញាជនសង្ស័យយកមកផ្តន្ទាទោសតាមផ្លូវច្បាប់៕
.jpg)
.jpg)
