Khmer
English
Chinese
Frence
Vietnamese
Thaiអារ.កសម្លាប់តារត់ម៉ូតូឌុបកណ្ដាលចម្ការកៅស៊ូប្លន់យកម៉ូតូ
ដោយ ៖ វណ្ណៈ|ថ្ងៃទី 29 មករា 2013 ម៉ោង 11:27:53
ខេត្ដកំពង់ចាម ៖ តាអាយុ៦១ឆ្នាំមានមុខរបររត់ម៉ូតូឌុបត្រូវជនមិនស្គាល់ មុខអារ.កនៅក្នុងចម្ការកៅស៊ូជាប់នឹង ចម្ការស្វាយចន្ទី ប្លន់យកម៉ូតូ ខណៈគេ ដឹងថា ជនរងគ្រោះឌុបជនសង្ស័យចេញ ពីផ្សារមេមត់សំដៅទៅភូមិតាម៉ៅ ឃុំ ជាំតាម៉ៅ ស្រុកមេមត់ ខេត្ដកំពង់ចាម។
សាកសពជនរងគ្រោះត្រូវបានប្រជា ពលរដ្ឋដឹកដំឡូងតាមរថយន្ដប្រទះឃើញ កាលពីវេលាម៉ោង៧និង២០នាទីយប់ ថ្ងៃទី២៨ ខែមករា ឆ្នាំ២០១៣ នៅ ចំណុចផ្លូវលំ(ចម្ការកៅស៊ូ និងចម្ការស្វាយចន្ទី) ខាងលិចភូមិជ្រៃ ចម្ងាយ ប្រមាណ៥០០ម៉ែត្រក្នុងឃុំទ្រមូង ស្រុក មេមត់ ខេត្ដកំពង់ចាម ។ ក្រោយពីការ ប្រទះឃើញសាកសព ពលរដ្ឋអ្នកដឹក ដំឡូងក៏បានរាយការណ៍ទៅនគរបាល ប៉ុស្ដិ៍រដ្ឋបាលឃុំទ្រមូងពីការប្រទះឃើញ សាកសពជនរងគ្រោះនេះ ។
ស្នងការរងនគរបាលខេត្ដកំពង់ចាម លោកវរសេនីយ៍ឯក ហេង សម្បត្ដិ ទទួលផែនសេនាធិការបានឱ្យដឹងនៅព្រឹក ថ្ងៃទី២៩ ខែមករា ឆ្នាំ២០១៣ថា ជនរង គ្រោះមានឈ្មោះ សេង សុង អាយុ៦១ឆ្នាំ មានមុខរបររត់ម៉ូតូឌុប បច្ចុប្បន្នស្នាក់ នៅក្នុងភូមិមេមត់ផ្សារ ឃុំ-ស្រុកមេមត់ ខេត្ដកំពង់ចាម ។ លោកស្នងការរងបាន បញ្ជាក់ថា ជនរងគ្រោះត្រូវជនមិនស្គាល់ មុខអារ.កពីចំហៀងខាងស្ដាំដាច់បំពង់ ខ្យល់ ហើយសាកសពត្រូវជនសង្ស័យ ដាក់ផ្កាប់មុខទៅដី ។ នៅក្បែរសាកសព ចម្ងាយ១៣ម៉ែត្រសមត្ថកិច្ចបានរក ឃើញមួកសុវត្ថិភាពពណ៌ខ្មៅមួយ ដែល គេសង្ស័យជាមួករបស់ជនរងគ្រោះ ។
លោកស្នងការរង ហេង សម្បត្ដិ បាន ឱ្យដឹងដែរថា ម៉ូតូដែលជនសង្ស័យយក ទៅនោះម៉ាងហុងដាឌ្រីមសេ១២៥ ស៊េរី ២០១២ តែនៅពុំទាន់ច្បាស់ស្លាកលេខ នោះទេ ។ លោកបានបន្ដទៀតថា ក្រោយ ការពិនិត្យ និងស្រាវជ្រាវសមត្ថកិច្ច បានសន្និដ្ឋានថា ឃាតកម្មប្លន់ខាងលើ នេះគឺជាករណីលួចមានស្ថានទម្ងន់ ដោយសម្លាប់ជនរងគ្រោះយកម៉ូតូ ព្រោះ បើតាមសាក្សីបានបំភ្លឺថា នៅវេលា ម៉ោង៦ល្ងាចថ្ងៃទី២៨ ខែមករា ឆ្នាំ ២០១៣ ជនរងគ្រោះបានឌុបមនុស្ស ម្នាក់ចេញពីផ្សារមេមត់ក្នុងទិសដៅទៅ កាន់ភូមិតាម៉ៅ ឃុំជាំតាម៉ៅ ស្រុក មេមត់ ក្នុងតម្លៃ២ម៉ឺនរៀល ។ លុះ រហូតដល់ម៉ោង៧និង២០នាទីយប់ ទើប សមត្ថកិច្ចបានទទួលព័ត៌មានថា ជនរង គ្រោះបានស្លាប់នៅចំណុចខាងលើ ហើយ ករណីនេះដែរ សមត្ថកិច្ចកំពុងធ្វើការ ស្រាវជ្រាវបន្ដ ។
សាកសពជនរងគ្រោះក្រោយពីសមត្ថ កិច្ចជំនាញពិនិត្យ និងធ្វើកោសល្យវិច័យ បានប្រគល់ឱ្យក្រុមគ្រួសារយកទៅធ្វើ បុណ្យនៅឯទីលំនៅជនរងគ្រោះ ៕
