Khmer
English
Chinese
Frence
Vietnamese
Thai
កម្ពុជាទទួលសិទ្ធិធ្វើម្ចាស់ផ្ទះកិច្ចប្រជុំសន្និសីទកីឡាអន្ដរជាតិថ្នាក់តំបន់
ដោយ ៖ យឺន ពន្លឺ ថ្ងៃទី 05 កុម្ភះ 2013ម៉ោង 17:45:53
ភ្នំពេញ ៖ ជាកិត្ដិយសដ៏ធំមួយសម្រាប់ព្រះរាជាណាចក្រកម្ពុជាដែលបានទទួលសិទ្ធិធ្វើជាម្ចាស់ផ្ទះរៀបចំកិច្ច ប្រជុំសន្និសីទកីឡាអន្ដរជាតិថ្នាក់តំបន់ អាស៊ីអាគ្នេយ៍ និងអាស៊ីខាងកើតស្ដីពី ការចុះឈ្មោះលើកទី១នៃការចូលរួម ប្រកួតកីឡាយុទ្ធសិល្ប៍ចម្រុះ ការប្រកួត កីឡាអាស៊ីលើកទី៤នៅ Inchoen ប្រទេស កូរ៉េខាងត្បូងដែលធ្វើនៅចុងខែមិថុនា ដល់ដើមខែកក្កដា ឆ្នាំ២០១៣ និងការ ចុះឈ្មោះការប្រកួតកីឡាយុវជនអាស៊ី លើកទី២ដែលធ្វើនៅទីក្រុងណានជីង ប្រទេសចិន ខែសីហា ឆ្នាំ២០១៣ ។
អគ្គលេខាធិការនៃគណៈកម្មាធិការ ជាតិអូឡាំពិកកម្ពុជាលោក វ៉ាត់ ចំរើន បានឱ្យដឹងថា កិច្ចប្រជុំធ្វើឡើងនៅខេត្ដ សៀមរាបដែលមានបណ្ដាអ្នកដឹកនាំកំពូល ផ្នែកកីឡាមកពីប្រទេស២៤ចូលរួម ក្នុងនោះ១១ប្រទេសមកពីតំបន់អាស៊ី អាគ្នេយ៍និង១៣ប្រទេសមកពីតំបន់ អាស៊ីខាងកើត ។ ក្រៅពីនោះក៏មានមេ ដឹកនាំកីឡាដែលសុទ្ធតែប្រធានអូឡាំពិក និងអគ្គលេខាធិការអូឡាំពិក៧០នាក់នឹងចូលរួមក្នុងសន្និសីទដ៏ធំនេះ ។
នេះជាកិច្ចប្រជុំមួយដែលដ៏ធំសម្រាប់ កម្ពុជា ខណៈដែលពីមុនមកកម្ពុជាមិន ដែលរៀបចំឡើយហើយកិច្ចប្រជុំនេះ មានរយៈពេល២ថ្ងៃនៅក្នុងខុងខែកុម្ភៈ ឆ្នាំ២០១៣ ។ ខេត្ដសៀមរាបគឺជាតំបន់ ទេសចរណ៍ប្រវត្ដិសាស្ដ្រដ៏មានសក្ដានុ ពលបំផុតរបស់ព្រះរាជាណាចក្រដែល មានភ្ញៀវទេសចរម្រុះជាតិសាសន៍ធ្វើ ដំណើរមកកម្សាន្ដក្នុងមួយឆ្នាំៗរាប់លាន នាក់ ។ ដូច្នេះកិច្ចប្រជុំនេះយើងមិនត្រឹម តែទទួលបានផលចំណេញធ្វើជាម្ចាស់ផ្ទះប៉ុណ្ណោះទេ ផលចំណេញមួយទៀតគឺ ពេលដែលតំណាង២៧ប្រទេសដែលមកដល់កម្ពុជាដើម្បីចូលរួមកិច្ចប្រជុំនេះនឹងថតទិដ្ឋភាពមួយចំនួនពីខេត្ដសៀមរាប នេះ ជាពិសេសប្រាសាទអង្គរវត្ដយកទៅ ផ្សព្វផ្សាយនៅប្រទេសរបស់គេក្រោយពីពួកគេចូលរួមកិច្ចប្រជុំនេះចប់ ។
លោកអគ្គលេខាធិការបញ្ជាក់ថា កិច្ចប្រជុំនេះ រាជរដ្ឋាភិបាលកម្ពុជាបាន ឯកភាពឱ្យគណៈកម្មាធិការជាតិអូឡាំពិកកម្ពុជារៀបចំសន្និសីទកីឡាអន្ដរជាតិនៅខេត្ដសៀមរាបនាខែក្រោយនេះ ហើយ សន្និសីទនេះនឹងមានការចូលរួមពីមន្ដ្រី ជាន់ខ្ពស់ទទួលបន្ទុករៀបចំការប្រកួត កីឡាកម្រិតអាស៊ីទាំង២ព្រឹត្ដិការណ៍ធំៗ ខាងលើនេះ ៕
.jpg)
.jpg)
