Khmer
English
Chinese
Frence
Vietnamese
Thai
ថ្ងៃទី៦ ៖ ព្រះរាជពិធីបុណ្យព្រះបរមសពព្រះបរមរតនកោដ្ឋ
ដោយ ៖ ប្រាថ្នា ថ្ងៃទី 06 កុម្ភះ 2013ម៉ោង 11:01:51
ភ្នំពេញ ៖ ថ្ងៃទី៦ ខែកុម្ភៈ ឆ្នាំ២០១៣ ត្រូវនឹងថ្ងៃពុធ ១១រោច ខែបុស្ស ឆ្នាំរោង ព.ស ២៥៥៦ គឺជាថ្ងៃទី៦ បន្ទាប់ពីថ្ងៃទី៥ ប្រារឰព្រះរាជពិធីរើសព្រះបរមអដ្ឋិ និងព្រះរាជ ពិធីដង្ហែព្រះអង្គារ ទៅកាន់ទន្លេចតុមុខតាម ព្រះរាជកម្មវិធីគ្រោងទុក គឺ ៖
ម៉ោង១០ -វេរភត្ដាហារប្រគេនព្រះ សង្ឃ៣២អង្គ ដែលចម្រើនព្រះបរិត្ដពី ល្ងាច (មានតែមន្ដ្រីរាជការក្រសួងព្រះ បរមរាជវាំង ចាត់ចែងកិច្ចការ) ។
ម៉ោង១៦ -សម្ដេចអគ្គមហាធម្ម ពោធិសាល សម្ដេចអគ្គមហាពញាចក្រី និងលោកជំទាវ សម្ដេចអគ្គមហាសេនា បតីតេជោា និងលោកជំទាវកិត្ដិព្រឹទ្ធ បណ្ឌិត ព្រះរាជវង្សានុវង្ស ចៅជិត ចៅចម ជំទាវ ខុនណាង យាងនិងអញ្ជើញស្ដាប់ ព្រះធម៌ទេសនា នៅទីលានព្រះមេរុ ។
ម៉ោង១៧ ៖ ព្រះករុណាជាអម្ចាស់ជីវិត លើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ ស្ដេចយាងដល់ (កងកិត្ដិយស និងត្រែទ័ពថ្វាយព្រះរាជ វន្ទនកិច្ច) ។
-ព្រះធម្មកថិក៣អង្គ ទេសនាសង្កាយ នាអានត្រៃ៤អង្គ ហត្ថបាស៩០អង្គ នៅក្នុងព្រះពន្លាខាងត្បូង ។
-ក្រោយចប់ព្រះរាជពិធី ព្រះករុណា ជាអម្ចាស់ជីវិតលើត្បូង និងសម្ដេចព្រះ មហាក្សត្រី ព្រះវររាជមាតាជាតិខ្មែរ ស្ដេចយាងនិវត្ដវិញ (កងកិត្ដិយស និង ត្រែទ័ព ថ្វាយព្រះរាជវន្ទនកិច្ច) ។
ម៉ោង១៨៖៣០ -អុជប្រទីបជ្វាលានៅ ព្រះមេរុ និងបរិវេណជុំវិញ ។
ម៉ោង២០៖០០ -អុជកាំជ្រួច ភ្ញីទៀន។
ដោយឡែក តាមព្រះរាជកម្មវិធី គ្រោងទុកសម្រាប់ថ្ងៃស្អែក ដែលជាថ្ងៃ បញ្ចប់ នឹងមានព្រះរាជពិធីដង្ហែព្រះបរម អដ្ឋិទៅតម្កល់លើព្រះមហាបញ្ចា ក្នុងព្រះ ទីនាំងមហាមន្ទីរផងដែរ ៕
.jpg)
