Khmer
English
Chinese
Frence
Vietnamese
Thaiចិនតម្រង់មីស៊ីលនិងរ៉ាដាសំដៅទៅលើនាវាចម្បាំងរបស់ជប៉ុន
ដោយ ៖ ម៉ែវ សាធី|ថ្ងៃទី 06 កុម្ភះ 2013 ម៉ោង 11:16:18
ក្រសួងការពារជាតិជប៉ុននៅថ្ងៃទី៦ ខែកុម្ភៈ បានប្រកាសឱ្យដឹងថា នាវាចម្បាំងរបស់ចិនបំពាក់រ៉ាដា បានតម្រង់ មកលើនាវារបស់ទាហានជើងទឹកជប៉ុន នៅតំបន់សមុទ្រចិនខាងកើត ហើយរដ្ឋាភិបាលទីក្រុងតូក្យូចាត់ទុកថា ទាំងនោះ ជាសកម្មភាពគ្រោះថ្នាក់ធ្វើឱ្យភាពតាន តឹងកាន់តែខ្លាំងឡើង ។
សកម្មភាពទាំងនោះជាការប្រឈម មុខដំបូងគេបង្អស់និងដោយផ្ទាល់រវាង កម្លាំងទាហានជើងទឹកប្រទេសទាំងពីរ ដែលឈរជើងនៅជិតតំបន់សមុទ្រដែល មានវិវាទ ហើយការព្រឈមមុខនោះ ធ្វើឱ្យក្រុមឯកទេសវិភាគយុទ្ធសាស្ដ្រ ព្រមានថា អាចបង្កឱ្យមានសង្គ្រាមជា ទ្រង់ទ្រាយធំនៅពេលដ៏ខ្លីខាងមុខ ។
រដ្ឋមន្ដ្រីក្រសួងការពារជាតិជប៉ុន លោក អ៊ីតស៊ូណូរ៉ី អូណូឌឺរ៉ា បាននិយាយ ទៅកាន់ក្រុមអ្នកសារព័ត៌មានថា“ប្រព័ន្ធ រ៉ាដាបញ្ជាមីស៊ីលបានតម្រង់ទៅលើនាវា ចម្បាំងរបស់កម្លាំងទាហានជើងទឹក ជប៉ុននៅតំបន់សមុទ្រជប៉ុន និងនៅ សមុទ្រចិនខាងកើត” ។ ក្រសួងការពារ ជាតិជប៉ុនបានបញ្ជាក់ទៀតថា រ៉ាដា កំណត់គោលដៅត្រូវបានប្រើប្រាស់ដើម្បី បញ្ជាមីស៊ីលវាយប្រហារទៅលើនាវា ចម្បាំងរបស់ជប៉ុន ។
លោកអូណូឌឺរ៉ា បញ្ជាក់ទៀតថា ឧទ្ធម្ភា គចក្រមួយគ្រឿងរបស់ជប៉ុនក៏ស្ថិតក្នុង គោលដៅឃ្លាំមើលរបស់ប្រព័ន្ធរ៉ាដា ចិន ប៉ុន្ដែលោកមិនបានបញ្ជាក់ថា ឧទ្ធម្ភាគចក្រនោះកំពុងតែហោះហើរនៅលើ ដែនអាកាស ឬមួយចតនៅលើនាវា នោះឡើយ ។
លោកអូណូឌឺរ៉ា បន្ដទៀតថា“ការដែល តម្រង់មីស៊ីល និងប្រព័ន្ធរ៉ាដាជារឿងមិន ធម្មតានោះឡើយ ហើយយើងចាត់ទុក ថានោះជាសកម្មភាពមួយបង្កគ្រោះ ថ្នាក់យ៉ាងខ្លាំងប្រសិនបើមានការភ្លាំង ភ្លាត់នោះ ។ យើងបានស្នើឱ្យភាគីចិន រក្សាការអត់ធ្មត់បញ្ចៀសនូវសកម្មភាព បង្កគ្រោះថ្នាក់ខាងលើ” ។
សកម្មភាពថ្មីនេះធ្វើឱ្យទំនាក់ទំនង មហាអំណាចសេដ្ឋកិច្ចទាំងពីរនៅអាស៊ី កាន់តែតានតឹងខ្លាំងឡើងជុំវិញប្រជុំកោះ ដែលមានវិវាទ ។ លោកអាយវ៉ាស៊ីម៉ា សមាជិកក្រុមស្រាវជ្រាវយោធាជាតិ របស់ជប៉ុនបានបញ្ជាក់ថា ចិនចាំបាច់ ត្រូវតែផ្ដល់ចម្លើយដល់អ្វីដែលកម្លាំង ទាហានជើងទឹករបស់ចិនដែលកំពុងតែ ធ្វើនេះ ។
គួររំលឹកថា នៅថ្ងៃទី៥ ខែកុម្ភៈ ឆ្នាំ២០១៣ រដ្ឋាភិបាលទីក្រុងតូក្យូបានកោះ ហៅមន្ដ្រីស្ថានទូតចិនចូលជួបបង្ហាញ ពីប្រតិកម្មក្រោយពេលនាវានេសាទ របស់ចិនចូលតំបន់សមុទ្រប្រជុំកោះ សេនកាគូជាបន្ដបន្ទាប់ ។
សារព័ត៌មាន AFP បានដកស្រង់ សម្ដីមន្ដ្រីការបរទេសជប៉ុនបានឱ្យដឹងថា ក្រសួងការបរទេសបានកោះហៅមន្ដ្រី ការទូតចិនចូលជួបជាបន្ទាន់ ក្រោយ ពេលនាវានេសាទរបស់ចិនបានចូលមក នេសាទតំបន់សមុទ្ររបស់ជប៉ុនឥតឈប់ឈរ ។
សកម្មភាពខាងលើកើតឡើងក្រោយ ពេលមាននាវានេសាទចិនបានចូលតំបន់ សមុទ្រជប៉ុនជាច្រើនម៉ោង ស្ថិតនៅប្រជុំ កោះសេនកាគូ ដោយនាវាទាំងនោះនៅ ក្នុងសមុទ្រជប៉ុនរហូតដល់១៤ម៉ោង ។ នាវានេសាទចិនតែងតែចូលទៅកាន់ តំបន់សមុទ្រខាងលើជាប់ៗគ្នាជាច្រើន ខែមកហើយ។
ក្រុមអ្នកស៊ើបអង្កេតបាន បញ្ជាក់ថា ទាំងនោះជាសកម្មភាពដើម្បី បង្កើតទៅជាទម្លាប់ដែលចិនតែងតែអះ អាងថា ជាអធិបតេយ្យភាពរបស់ខ្លួន ធ្វើឱ្យទីក្រុងតូក្យូត្រូវតែទទួលស្គាល់ជាអធិបតេយ្យភាពរបស់ចិន ។
កាលពីខែធ្នូយន្ដហោះចម្បាំងរបស់ ចិន ក៏បានចូលទៅដែនអាកាសប្រជុំកោះ ដែលមានវិវាទនោះ ធ្វើឱ្យជប៉ុនត្រូវ បញ្ជូនយន្ដហោះចម្បាំងទៅរារាំង ។ នៅ ក្នុងសបា្ដហ៍នេះ ប្រទេសទាំង២ក៏បាន បញ្ជូនយន្ដហោះយោធាទៅកាន់ទីនោះ ផងដែរ ប៉ុន្ដែមិនមានការប៉ះទង្គិចគ្នាណា មួយនោះឡើយ ៕
.jpg)
