Khmer
English
Chinese
Frence
Vietnamese
Thaiយីឌុបជាន់ហ្វ្រាំងមិនស៊ីជ្រុលបុកបង្កាន់ដៃស្ពាន ខូចផ្នែកខាងមុខយ៉ាងដំណំ
ដោយ ៖ យឹម សុថាន|ថ្ងៃទី 06 កុម្ភះ 2013 ម៉ោង 13:00:52
ខេត្ដស្វាយរៀង ៖ រថយន្ដម៉ាកហ៊ីយ៉ាន់ដាយ យីឌុប១គ្រឿង ដឹកសំណល់អេតចាយជាន់ហ្វ្រាំង ហ្វ្រាំងអត់ស៊ីច្រុលបុកបង្កាន់ដៃស្ពានបាឡេ បណ្ដាលឱ្យប្រេះ ចំណែករថយន្ដខូចខាតផ្នែកខាងមុខយ៉ាងដំណំ អ្នកបើកបរ និងព្រូម្នាក់រងរបួសស្រាល ។ ហេតុការណ៍នេះបានកើតឡើងកាលពីវេលាម៉ោង១១និង២០នាទីព្រឹក ថ្ងៃទី៦ ខែកុម្ភៈ ឆ្នាំ២០១៣ នៅចំណុចស្ពានបាឡេក្នុងភូមិសាម៉ ឃុំបុសមន ស្រុករំដួល ខេត្ដស្វាយរៀង ។
តាមសាក្សីនៅកន្លែងកើតហេតុ បានឱ្យដឹងថា រថយន្ដបង្កម៉ាកហ៊ីយ៉ាន់ដាយយីឌុប ពាក់ស្លាកលេខ ក.១៧១៩ ភព៣ (អ្នកបើកបរមិនទាន់ស្គាល់ឈ្មោះ) ធ្វើដំណើរពីកើតមកលិច ឆ្ពោះមកខេត្ដស្វាយរៀង លុះមកដល់ចំណុចកើតហេតុ ជាន់ហ្វ្រាំងរថយន្ដមិនស៊ី ក៏ជ្រុលទៅបុកនឹង បង្កាន់ដៃស្ពានបាឡេប្រវែងជាង១០ម៉ែត្រតែម្ដង។ បច្ចុប្បន្ន ភាគីរថយន្ដបង្កកំពុងដោះស្រាយជាមួយសមត្ថកិច្ច ៕
.jpg)
