Nokorwat Media Center | ពិធីសម្ពោធស្ដូបគោរពវិញ្ញាណក្ខន្ធជាតិនិងអន្ដរជាតិដែលបានស្លាប់និងបាត់ខ្លួនក្នុងសម័យសង្គ្រាមនៅកម្ពុជា១៩៧០-១៩៧៥

NOKORWAT NEWS DAILY
ថ្ងៃ សុក្រ ទី24 ឧសភា 2013

Language

Khmer

English

Chinese

Frence

Vietnamese

Thai

ពិធីសម្ពោធស្ដូបគោរពវិញ្ញាណក្ខន្ធជាតិនិងអន្ដរជាតិដែលបានស្លាប់និងបាត់ខ្លួនក្នុងសម័យសង្គ្រាមនៅកម្ពុជា១៩៧០-១៩៧៥

ដោយ ៖ ប្រាថ្នា ថ្ងៃទី 06 កុម្ភះ 2013ម៉ោង 17:37:26

ភ្នំពេញ ៖ នៅរសៀលថ្ងៃទី៦ ខែកុម្ភៈ ឆ្នាំ២០១៣ នៅសួនច្បារមុខសណ្ឋាគារ ឡឺ រ៉ូយ៉ាល់ មានរៀបចំពិធីសម្ពោធស្ដូប សម្រាប់គោរពវិញ្ញាណក្ខន្ធអ្នកកាសែត ជាតិ និងអន្ដរជាតិដែលបានស្លាប់និងបាត់ ខ្លួនក្នុងសម័យសង្គ្រាមនៅកម្ពុជាឆ្នាំ ១៩៧០-១៩៧៥ ។

ពិធីនេះមានការចូលរួមជាអធិបតីពី លោក ខៀវ កាញារីទ្ធ រដ្ឋមន្ដ្រីក្រសួង ព័ត៌មាន, លោក ឆាំង សុង អតីតរដ្ឋមន្ដ្រី ក្រសួងឃោសនាការ សម័យសាធារណ រដ្ឋខ្មែរ(របបលន់ លន់) និងមានការចូល រួមពីអ្នកកាសែតជាតិ អន្ដរជាតិប្រមាណ ជាង២០០នាក់ផងដែរ ។

ថ្លែងនៅក្នុងឱកាសនោះ លោក ឆាំង សុង អតីតរដ្ឋមន្ដ្រីក្រសួងឃោសនាការ សម័យសាធារណរដ្ឋខ្មែរនៃរបបលន់ លន់ បានលើកឡើងអំពីជីវប្រវត្ដិអ្នកកាសែត ជាតិនិងអន្ដរជាតិជាច្រើន បានធ្វើពលិកម្ម យកព័ត៌មាននៅក្នុងប្រទេសកម្ពុជា ដោយ បានស្លាប់និងបាត់ខ្លួនអស់ជាច្រើននាក់ ។ លោក ឆាំង សុង បានបញ្ជាក់ថា មកដល់ ពេលនេះ អ្នកកាសែតជាតិ ជាពិសេស អ្នកកាសែតអន្ដរជាតិមកពីបណ្ដាប្រទេស ជាច្រើនដូចជា ជប៉ុន, បារាំង, អាមេរិក, ហ្វីលីពីន, ថៃ...នៅបាត់ខ្លួនរកមិនទាន់ ឃើញនៅឡើយ ដូច្នេះហើយទើបយើង ប្រារឰពិធីក្នុងថ្ងៃនេះ ដើម្បីរំលឹកដួង វិញ្ញាណក្ខន្ធអ្នកទាំងនោះដែលស្លាប់ និង បាត់ខ្លួន ដោយបានធ្វើជាស្ដូបមួយនេះ ឡើងសម្រាប់ឧទ្ទិសដល់ដួងវិញ្ញាណក្ខន្ធ អ្នកទាំងនោះ ព្រមទាំងចារឹកទុកកេរ្ដិ៍ឈ្មោះ ឱ្យក្រុមគ្រួសារអ្នកទាំងនោះឱ្យបាន ដឹងផង ។

ជាមួយគ្នានោះដែរលោក ខៀវ កាញារីទ្ធ រដ្ឋមន្ដ្រីក្រសួងព័ត៌មានបាន បញ្ជាក់ឱ្យ ដឹងថា យើងយកថ្ងៃទី៦ ខែកុម្ភៈ ធ្វើជា ទិវារំលឹកគុណដល់អ្នកកាសែតប្រយោជន៍ ឱ្យជនជាតិបរទេសបានដឹង បានស្គាល់ អំពីការយកចិត្ដទុកដាក់របស់រាជរដ្ឋាភិ បាល លើកកម្ពស់វិស័យសារព័ត៌មាននៅ កម្ពុជា ។

លោកបានបញ្ជាក់ទៀតថា ការធ្វើស្ដូប នេះឡើង គឺស្របពេលដែលអ្នកកាសែត បរទេសដែលធ្លាប់ធ្វើការនៅក្នុងប្រទេស កម្ពុជា មកចូលរួមគោរពព្រះវិញ្ញាណក្ខន្ធ ព្រះបរមសពព្រះករុណាព្រះមហាវីរក្សត្រ បានគោរពវិញ្ញាណក្ខន្ធអ្នកកាសែតដែលបានស្លាប់និងបាត់ខ្លួននៅក្នុងប្រទេសកម្ពុជា សម័យ លន់ លន់ និងម្យ៉ាងទៀតគឺមាន ផលចំណេញជាច្រើនដូចជា យើងទុកស្នាដៃឱ្យក្រុមគ្រួសារអ្នកកាសែតដែលបាន ស្លាប់និងបាត់ខ្លួនមក គោរពវិញ្ញាណក្ខន្ធ នៅស្ដូបមួយនេះ ។ លើសពីនេះទៀត បានបញ្ជាក់ឱ្យឃើញថាវិស័យព័ត៌មាននៅ កម្ពុជាត្រូវបានយកចិត្ដទុកដាក់ដោយ រាជរដ្ឋាភិបាល ដូច្នេះហើយទើបយើង សាងស្ដូបនេះនៅខាងក្រោយអតីតក្រសួង ឃោសនាការចាស់និងសណ្ឋាគារឡឺរ៉ូយ៉ាល់ ប្រយោជន៍ឱ្យភ្ញៀវដែលមកកម្សាន្ដនៅ កម្ពុជាដែលចូលសម្រាកនៅសណ្ឋាគារ ឡឺរ៉ូយ៉ាល់បានដឹងនិងបានឃើញផងដែរ ៕