Khmer
English
Chinese
Frence
Vietnamese
Thai
ជនសង្ស័យល្មោភកាមម្នាក់ឆ្លើយថាមកពីផឹកស្រវឹងរំលោភក្មេងអាយុ៥ឆ្នាំ
ដោយ ៖ វណ្ណៈ ថ្ងៃទី 07 កុម្ភះ 2013ម៉ោង 09:16:43
ខេត្ដកំពង់ចាម ៖ ជនសង្ស័យចិត្ដតិរច្ឆានម្នាក់ បានធ្វើសកម្មភាពចាប់រំលោភក្មេងស្រីអាយុ៥ឆ្នាំ បន្ទាប់ពីរូបគេនិងមិត្ដភក្ដិ៨នាក់ទៀត បានផឹកស្រាបៀរអស់៥កេស ហើយបានឆ្លើយសារភាពថា មកពីស្រវឹង ។ ហេតុការណ៍នេះ កើតឡើងនៅវេលាម៉ោង៩យប់ថ្ងៃទី៤ ខែកុម្ភៈ ឆ្នាំ២០១៣ នៅចំណុចលើផ្ទះក្មេងស្រីរងគ្រោះ ក្នុងភូមិ ត្រពាំងកក់ ឃុំអូរស្វាយ ស្រុកកំពង់សៀម ខេត្ដកំពង់ចាម ។
ជនសង្ស័យចិត្ដតិរច្ឆានខាងលើមានឈ្មោះ ណុល តុល អាយុ២១ឆ្នាំ រស់នៅភូមិ ឃុំជាមួយក្មេងស្រីរងគ្រោះ ចំណែកក្មេងស្រីរងគ្រោះ ម.ស.ណ អាយុ៥ឆ្នាំ រស់នៅភូមិ ឃុំកើតហេតុខាងលើ ។
តាមសារភាពរបស់ជនសង្ស័យថា មកពីគេផឹកស្រាបៀរស្រវឹងអស់ចំនួន៥កេស ជាមួយមិត្ដភក្ដិ៨នាក់ទៀត កាលពីល្ងាចម៉ោង៥ នៅរោងលក់អីវ៉ាន់ចាបហួយក្នុងភូមិ លុះស្រវឹងគេក៏បើកម៉ូតូទៅផ្ទះក្មេងស្រីរងគ្រោះ ធ្វើសកម្មភាពរំលោភតែម្ដង ។ បច្ចប្បន្នជនសង្ស័យត្រូវនគរបាលស្រុកកំពង់សៀម ឃាត់ខ្លួនតាមពាក្យបណ្តឹងម្តាយក្មេងស្រីរងគ្រោះ ដើម្បីកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការបន្តតាមនីតិវិធី ៕
(3).jpg)
.jpg)
