Khmer
English
Chinese
Frence
Vietnamese
Thai
ជំនឿទុកចិត្ដវិនិយោគជប៉ុននៅកម្ពុជាកាន់តែមានការកើនឡើង
ដោយ ៖ សហការី ថ្ងៃទី 07 កុម្ភះ 2013ម៉ោង 11:04:25
ភ្នំពេញ ៖ លោក Masafumi Kuroki ឯកអគ្គរាជទូតជប៉ុនប្រចាំព្រះរាជាណា ចក្រកម្ពុជា ដែលបញ្ចប់អាណត្ដិការទូត បានមានប្រសាសន៍ថាដោយកត្ដា សន្ដិភាព ស្ថិរភាពនយោបាយ សន្ដិសុខ និងទំនាក់ទំនងរវាងប្រទេសទាំងពីរកាន់តែ ល្អប្រសើរថែមទៀតនោះអ្នកវិនិយោគ ទុនជប៉ុននឹងមានការកើនឡើងបន្ថែម ទៀតនៅកម្ពុជា ។
លោក កុយ គួង អនុរដ្ឋលេខាធិការ និងជាអ្នកនាំពាក្យក្រសួងការបរទេស បានថ្លែងដូច្នេះប្រាប់អ្នកយកព័ត៌មាន ក្រោយជំនួបសម្ដែងការគួរសមនិង ជម្រាបលារបស់លោក ឯកអគ្គរាជទូត ជប៉ុនប្រចាំនៅកម្ពុជាជាមួយលោក ឧបនាយករដ្ឋមន្ដ្រីរដ្ឋមន្ដ្រីក្រសួងការ បរទេស និងសហប្រតិបត្ដិការអន្ដរជាតិ នាព្រឹកថ្ងៃទី០៦ ខែកុម្ភៈ ឆ្នាំ២០១៣ នៅ ទីស្ដីការក្រសួង។
លោកឯកអគ្គរាជទូតជប៉ុនបាន សម្ដែងនូវសេចក្ដីសោកស្ដាយដ៏ក្រៀម ក្រំជាថ្មីម្ដងទៀត ចំពោះការដែលកម្ពុជា បាត់បង់នូវព្រះមហាវីរក្សត្រមួយព្រះ អង្គ និងបានថ្លែងអំណរគុណចំពោះរាជ រដ្ឋាភិបាលកម្ពុជា ជាពិសេសតាម រយៈក្រសួងការបរទេសកម្ពុជា ដែលបាន ជួយសម្រួលការងារបេសកកម្មការ ទូតរយៈពេល៣ឆ្នាំកន្លះនៅកម្ពុជា ទទួលបានជោគជ័យយ៉ាងត្រចះត្រចង់ ។
លោកបានបញ្ជាក់ថា ក្នុងរយៈពេល ជាង៣ឆ្នាំមកនេះ លោកបានបំពេញការ ងារដែលធ្វើឱ្យទំនាក់ទំនងរវាងប្រទេស ទាំងពីរមានភាពជិតស្និទ្ធរឹងមាំបន្ថែម ទៀត ជាពិសេសមានការចុះហត្ថលេខា លើពិធីប្ដូរសារក្នុងការផ្ដល់ជំនួយជា ច្រើនដល់ប្រទេសកម្ពុជា ។
លោកឧបនាយករដ្ឋមន្ដ្រីហោ ណាំហុង ក៏បានថ្លែងអំណរគុណដល់ព្រះចៅអធិរាជជប៉ុន ក៏ដូចជារាជរដ្ឋាភិបាលជប៉ុន ដែល បានបញ្ជូនព្រះអង្គម្ចាស់អាគីស៊ីណូដឹក នាំគណៈប្រតិភូមកចូលរួមក្នុងព្រះរាជ ពិធីថ្វាយព្រះភ្លើងព្រះបរមសពព្រះ មហាវីរក្សត្រនាពេលកន្លងមកថ្មីៗនេះ។ លោកឧបនាយករដ្ឋមន្ដ្រីបានបញ្ជាក់ថា ព្រះករុណាព្រះមហាវីរក្សត្រមានទឹកព្រះ ទ័យស្រឡាញ់ប្រជាពលរដ្ឋកម្ពុជាទាំង អស់យ៉ាងជ្រាលជ្រៅ ហើយព្រះអង្គមិន គ្រាន់តែបិតាឯករាជ្យទេ ជាបិតាសន្ដិភាព បិតាបង្រួបបង្រួមជាតិ ហើយនៅលើ ឆាកអន្ដរជាតិ ព្រះអង្គបានចូលរួមយ៉ាង សកម្មក្នុងការធ្វើឱ្យមានសន្ដិភាព ស្ថិរ ភាពនិងសន្ដិភាពលើសកលោកផងដែរ។ ជាមួយនេះព្រះអង្គក៏ជា ស្ថាបនិកមួយ យ៉ាងពិសេសនៃអង្គការអន្ដរជាតិ ដូចជា ចលនាមិនចូលបក្សសម្ព័ន្ធក្រុមប្រទេស និយាយភាសាបារាំងហើយសកម្មភាពដ៏ ឆ្នើមមួយទៀតរបស់ព្រះអង្គ គឺក្នុងសម័យ សង្គ្រាមប្រទេសវៀតណាមព្រះអង្គខិតខំ ទប់ស្កាត់មិនឱ្យសង្គ្រាមនៅវៀតណាម នោះរាលដាលមកដល់ប្រទេសកម្ពុជា ទៀតផង ។
ម្យ៉ាងទៀតក្នុងសម័យសង្គមរាស្ដ្រ និយមក្រោមការដឹកនាំរបស់ព្រះអង្គ គឺនៅលើគ្រប់វិស័យមានការរីកចម្រើន ពិសេសលើវិស័យឧស្សាហកម្ម ហើយ បើគ្មានរដ្ឋប្រហារឆ្នាំ១៩៧០របស់ សេនាប្រមុខ លន់ នល់ និងរបបខ្មែរ ក្រហមនោះទេ គឺថាកម្ពុជាមានការ អភិវឌ្ឍស្មើនិងលើសពីសមាជិកអាស៊ាន មួយចំនួនទៀតផង។លោកឧបនាយករដ្ឋ មន្ដ្រីក៏បានថ្លែងអំណរគុណដល់រដ្ឋាភិបាល ជប៉ុន ដែលបានផ្ដល់ជំនួយជាច្រើនដល់ ការអភិវឌ្ឍក្នុងប្រទេសកម្ពុជាលើគ្រប់ វិស័យ ជាពិសេសវិស័យហេដ្ឋារចនា សម្ព័ន្ធកសិកម្មទឹកស្អាត ។ល។
ពិសេសការផ្ដល់ជំនួយសម្រាប់សាលាក្ដីខ្មែរក្រហម ហើយបើគ្មានការជួយ ជ្រោមជ្រែងពីរដ្ឋាភិបាលជប៉ុនទេនោះ សាលាក្ដីខ្មែរក្រហមក៏នឹងពិបាកកើត មានឡើងដែរ ។ លោកឧបនាយករដ្ឋមន្ដ្រី បានបញ្ជាក់ទៀតថា ជប៉ុនមិនគ្រាន់តែ ជាប្រទេសជិតស្និទ្ធនឹងកម្ពុជាទេជប៉ុនក៏ ជាប្រទេសដៃគូយុទ្ធសាស្ដ្ររបស់អាស៊ាន ផងដែរ ក្នុងនោះជប៉ុនបានផ្ដល់មូល និធិជាច្រើនសម្រាប់ការធ្វើសមាហរណ កម្មអាស៊ាន-ជប៉ុន ហើយក្នុងឆ្នាំនេះផង ដែរ កម្ពុជាដើរតួជាប្រទេសសម្រប សម្រួលរវាងអាស៊ាន-ជប៉ុនរយៈពេល៣ ឆ្នាំ២០១២ដល់ឆ្នាំ២០១៥ ។ ដូច្នេះ ក្នុង រយៈពេលនេះ កម្ពុជានឹងខិតខំធ្វើឱ្យ អាស៊ាន-ជប៉ុនកាន់តែខិតជិតគ្នាមាន កិច្ចសហប្រតិបត្ដិការល្អប្រសើរថែមទៀត។
កម្ពុជាមានកិច្ចសហប្រតិបត្ដិការ ជាមួយជប៉ុន ទាំងក្នុងក្របខ័ណ្ឌទ្វេភាគី ក្របខ័ណ្ឌមេគង្គ-ជប៉ុននិងក្របខ័ណ្ឌ អាស៊ានជប៉ុន ។ លោកឧបនាយករដ្ឋ មន្ដ្រីបានសម្ដែងនូវការស្វាគមន៍ចំពោះ អ្នកវិនិយោគជប៉ុន ពិសេសក្រុមប្រឹក្សា វិនិយោគធំៗ ដែលគ្រោងមកកាន់កម្ពុជា នាពេលឆាប់ៗខាងមុខនេះព្រោះការវិនិ យោគឯកជនបានផ្ដល់ប្រយោជន៍ដល់ កម្ពុជាបានយ៉ាងច្រើន ទាំងការងារនិង ការផ្ទេរបច្ចេកវិជ្ជាមកកម្ពុជាផងដែរ ។ ម្យ៉ាងទៀតឆ្នាំនេះ គឺជាឆ្នាំខួបទី៦០នៃ ទំនាក់ទំនងកម្ពុជា-ជប៉ុន ដូច្នេះភាគីទាំង ពីរក៏បានពិគ្រោះយោបល់គ្នាពិភាក្សា អំពីកម្មវិធីនានា ដើម្បីប្រារឰខួបនេះ ដែលធ្វើឱ្យទំនាក់ទំនងរវាងប្រទេសទាំង ពីរកាន់តែរឹងមាំ និងខ្លាំងក្លាថែមទៀត ជាពិសេសនាំមកនូវវិនិយោគជប៉ុនមក កាន់កម្ពុជាកាន់តែច្រើនថែមទៀត ។
គួរបញ្ជាក់ផងដែរថា ទំនាក់ទំនងការ ទូតរវាងកម្ពុជានឹងជប៉ុនត្រូវបានបង្កើត ឡើងនៅឆ្នាំ១៩៥៣ទំនាក់ទំនងនេះ ត្រូវបានកាត់ផ្ដាច់នៅសម័យខ្មែរក្រហម ហើយបានភ្ជាប់ឡើងវិញនៅឆ្នាំ១៩៩២។ ចំពោះទំហំពាណិជ្ជកម្មរវាងកម្ពុជានឹង ជប៉ុនក្នុងរយៈពេល៦ខែឆ្នាំ២០១២ សរុប មានជាង៤០០លានដុល្លារអាមេរិក ។ ជំនួយឥតសំណងរបស់ជប៉ុនមកកាន់ កម្ពុជាពីឆ្នាំ២០១០ដល់ឆ្នាំ២០១២មាន ចំនួនជាង៣០១លានដុល្លារអាមេរិក និងវិនិយោគទុនជប៉ុននៅកម្ពុជាឆ្នាំ ២០១១ មាន១២១លានដុល្លារអាមេរិក និងឆ្នាំ២០១២កើនដល់ ចំនួនជាង២៥៨ លានដុល្លារអាមេរិក ។ ចំពោះវិស័យ ទេសចរណ៍ជប៉ុនដែលមកទស្សនាកម្ពុជា មានជិត១៨ម៉ឺននាក់ ហើយជំនួយរបស់ ជប៉ុនទៅលើសាលាក្ដីខ្មែរក្រហមពីឆ្នាំ ២០១០ដល់ឆ្នាំ២០១២មានចំនួនជាង ៧៦លានដុល្លារអាមេរិក ៕
.jpg)
