ទុ​យ​ណេ​ស៊ី​ប្រកាសរំលាយ​រដ្ឋាភិបាល​

ដោយ​ ៖ ម៉ែវ​ សាធី ថ្ងៃទី 07 កុម្ភះ 2013ម៉ោង 13:18:20

​កាលពី​ថ្ងៃ​ទី​៦​ ខែកុម្ភៈ​ នាយក​រដ្ឋមន្ដ្រី​ទុ​យ​ណេ​ស៊ី​ លោក​ Hamadi​ Jebali​ បាន​ ប្រកាស​រំលាយ​រដ្ឋាភិបាលចម្រុះ​ដើម្បី​ បើកផ្លូវ​ឱ្យ​ការ​បង្កើត​រដ្ឋាភិបាល​ថ្មី​ដឹកនាំ​ ប្រទេស​ជាតិ​រហូត​ដល់​ការ​បោះ​ឆ្នោត​ជា​ថ្មី​ ។​ នាយក​រដ្ឋមន្ដ្រី​ Hamadi​ Jebali​ បន្ដ​ ទៀត​ថា​ តួនាទី​ចាំបាច់​បំផុត​របស់រ​ដ្ឋា​ភិ​ បាល​ថ្មី​ គឺ​ត្រូវ​រៀបចំ​ការ​បោះ​ឆ្នោត​សកល​ ឱ្យ​បាន​ឆាប់​បំផុត​ដែល​អាច​ធ្វើ​ទៅ​បាន​ ។​ ទាំងនោះ​គឺជា​ការ​យោគយល់​របស់រ​ដ្ឋា​ភិ​ បាល​ដល់​ក្រុមប្រឆាំង​ដែល​ស្នើ​ឱ្យរ​ដ្ឋា​ភិ​ បាល​កែទម្រង់​គណៈរដ្ឋមន្ដ្រី​ ។​

​នាយក​រដ្ឋមន្ដ្រី​ Hamadi​ Jebali​ បាន​ ប្រកាស​រំលាយ​រដ្ឋាភិបាល​ ក្នុង​ពេល​ដែល​ ក្រុម​បាតុករ​ដង្ហែ​ក្បួន​បាតុកម្ម​នៅ​តាម​ ទីក្រុង​ធំៗ​ទាមទារ​ឱ្យ​រដ្ឋាភិបាល​កែទម្រង់​ ក្រោយ​ពេល​ដែល​មេដឹកនាំ​ក្រុម​ស្រឡាញ់​ ប្រជាធិបតេយ្យ​ DPP​ ដឹកនាំ​ដោយ​លោក​ Chokri​ Belaid​ ត្រូវ​គេ​ធ្វើឃាត​នៅ​មុខ​ ផ្ទះ​របស់​លោក​ផ្ទាល់​នោះ​ ។​

​នាយក​រដ្ឋមន្ដ្រី​ Hamadi​ Jebali​ ចាត់​ ទុក​ការ​ធ្វើឃាត​នោះ​ជា​សកម្មភាព​ភេរវ​ កម្ម​ ដោយ​លោក​សន្យា​ថា​នឹង​ចាប់​ជន​ ល្មើស​មក​ផ្ដន្ទាទោស​តាម​ផ្លូវច្បាប់​ ។​ ក្នុង​ពេល​ជាមួយ​គ្នា​នោះ​ប្រធានាធិបតី​ ទុ​យ​ណេ​ស៊ី​ លោក​ Moncef​ Marzouki​ បាន​លុប​ចោលការ​ទៅ​ចូលរួម​កិច្ចប្រជុំ​ ជា​ប្រចាំ​របស់​អង្គការ​សហប្រតិបត្ដិការ​ អ៊ិ​ុ​ស្លា​ម​ OIC​ ដែល​រៀបចំ​ឡើង​នៅ​ទីក្រុង​ កាយ​រ៉ូ​ ប្រទេស​អេ​ហ្ស៊ី​ប​ ។​ រដ្ឋាភិបាល​ ទីក្រុង​វ៉ា​ស៊ី​ន​តោន​ និង​ប៉ា​រី​ស​ក៏​បាន​ថ្កោល​ ទោស​ការ​ធ្វើឃាត​មេដឹកនាំ​គណបក្ស​ ប្រឆាំង​ផង​ដែរ​ ។​

​តាម​ក្រសួងមហាផ្ទៃ​ទុ​យ​ណេ​ស៊ី​ ពលរដ្ឋ​ជាង​១​ពាន់​នាក់​បាន​ធ្វើ​បាតុកម្ម​ នៅ​ខាងក្រៅ​ទីស្នាក់ការ​ក្រសួង​ការពារ​ ជាតិ​ នៅ​រដ្ឋធានី​ទុ​យ​នី​ស​ កាលពី​ថ្ងៃ​ទី​៦​ កុម្ភៈ​ ហើយ​បាន​ប៉ះទង្គិច​ជាមួយ​ក្រុម​ ប៉ូលិស​ បណ្ដាល​ឱ្យ​ប៉ូលិស​ម្នាក់​បាត់បង់​ ជីវិត​ ។​

​តាម​គម្រោង​សម្ព័ន្ធ​គណបក្សប្រឆាំង​ ដែល​មាន​៤​គណបក្ស​នឹង​នាំ​គ្នា​ធ្វើ​កូដកម្ម​ នៅ​ថ្ងៃ​ទី​៧​ កុម្ភៈ​ ប្រឆាំង​ទៅ​នឹង​ការ​ធ្វើ​ ឃាត​មេដឹកនាំ​គណបក្សប្រឆាំង​ DPP​ ។​ ក្រៅពី​នេះ​សម្ព័ន្ធ​គណបក្សប្រឆាំង​ក៏​បាន​ អំពាវនាវ​ឱ្យ​តំណាង​របស់​ខ្លួន​ចាកចេញ​ ពី​គណៈកម្មាធិការ​បង្កើត​រដ្ឋធម្មនុញ្ញ​ ដែល​ទទួលខុសត្រូវ​តាក់តែង​រដ្ឋធម្មនុញ្ញ​ ៕