រោងចក្រ​ផលិត​ស្រា​បៀរ​កម្ពុជា​ (CBL)​ បន្ត​ធ្វើ​យុទ្ធនាការ​ស្តី​ពី​ការ​ពិសា​​គ្រឿង​ស្រវឹង​ដោយ​ទទួលខុសត្រូវ​នៅ​តាម​បណ្តា​ហាង​ក្នុង​រាជធានី​ភ្នំពេញ​

ដោយ​ ៖ |ថ្ងៃទី 11 មិថុនា 2013 ម៉ោង 10:22:29

​ភ្នំពេញ​ ថ្ងៃ​ទី​៧​ មិថុនា​ ២០១៣​ ៖​  រោងចក្រ​ផលិត​ស្រា​បៀរ​កម្ពុជា​ (CBL)​ ដែល​ជា​អ្នក​ផលិត​ស្រា​បៀរ​ Tiger,​ ABC​ Extra​ Stout,​ Anchor​ និង​ Gold​ Crown​ ដ៏​ល្បី​ល្បាយ​នៅ​លើ​ពិភពលោក​ បាន​ធ្វើ​យុទ្ធនាការ​របស់​ខ្លួន​ស្តី​ពី​ “​តើ​ត្រូវធ្វើ​យ៉ាងណា​ដើម្បី​ឲ្យ​ពេល​រាត្រី​មាន​សុវត្ថិភាព​”​ នៅ​តាម​បណ្តា​ហាង​មួយ​ចំនួន​ក្នុង​រាជធានី​ភ្នំពេញ​ដូច​ជា​ ហាង​សួន​អាន់​ឆ័​រ​ គីឡូ​លេខ​៦​ប៊ី​ប៊ី​ឃ្យូ​ និង​ផ្ទះ​សាច់​អាំង​១​ក្នុង​គោលបំណង​ជំរុញ​អតិថិជន​ឲ្យ​ប្រកាន់​ឥរិយាបថ​វិជ្ជមាន​ចំពោះ​ការ​ទទួលទាន​គ្រឿង​ស្រវឹង​។​

​នៅ​ក្នុងអំឡុងពេល​យុទ្ធនាការ​នេះ​ ខ្សែ​វី​ដេ​អូ​ឃ្លី​ប​ជី​វច​ល​ដែល​មាន​ខ្លឹមសារ​៖​ “​ពិសា​គ្រឿង​ស្រវឹង​ កុំ​បើកបរ​”​ និង​ “​បរិភោគ​ឲ្យ​ឆ្អែត​មុន​ពិសា​គ្រឿង​ស្រវឹង​”​ នឹង​ត្រូវ​បាន​ចាក់​បង្ហាញ​លើ​ផ្ទាំង​អេ​ក្រង់​ធំ​ទាំង​ក្នុង​ និង​ខាងក្រៅ​ហាង​មួយ​ចំនួន​ក្នុង​រាជធានី​ភ្នំពេញ​ ហើយ​បណ្តោង​សោរ​រាប់​ពាន់​ ដែល​មាន​សរសេរ​អក្សរ​ថា​ “​ពិសា​គ្រឿង​ស្រា​វឹង​ កុំ​បើកបរ​”​  ត្រូវ​បាន​ផ្តល់​ជូន​ដោយ​ឥត​គិតថ្លៃ​ដល់​អតិថិជន​។​ លើស​ពី​នេះ​ទៅ​ទៀត​ អតិថិជន​អាច​រីករាយ​ទស្សនាការ​ប្រគំ​ត​ន្រី្ត​ខ្នាត​តូច​ដែល​សម្តែង​ដោយ​តារាចម្រៀង​ដ៏​មាន​ប្រជាប្រិយភាព​  ហើយ​និង​លេងល្បែង​កំសាន្ត​ និង​ឆ្លើយ​សំណួរ​អំពី​ចំណេះដឹង​ទូទៅ​ទាក់ទិន​នឹង​ឥរិយាបថ​ចំពោះ​ការ​ពិសា​ដោយ​ភាព​ទទួលខុសត្រូវ​ និង​ច្បាប់​ចរាចរណ៍​ដើម្បី​ឈ្នះ​រង្វាន់​ដ៏​អស្ចារ្យ​យ៉ាងច្រើន​សន្ធឹកសន្ធាប់​ទៀត​ផង​ ។​

​យុទ្ធនាការ​ដែល​អនុវត​តាម​បណ្តា​ហាង​មាន​គោលបំណង​ដើម្បី​អនុវត្ត​ប​នែ្ថ​ម​យុទ្ធនាការ​៖​ ‘​ត្រូវធ្វើ​យ៉ាងណា​ដើម្បី​ឲ្យ​ពេល​រាត្រី​មាន​សុវត្ថិភាព​’​ ដែល​មាន​រយៈពេល​បី​ខែ​ចាប់តាំងពី​ថ្ងៃ​ទី​ ២៧​ ខែមីនា​ ២០១៣​ រហូត​ដល់​ដំណាច់ខែ​មិថុនា​ ២០១៣​។​ ពី​ថ្ងៃ​ទី​ ២៧​ ខែមីនា​ ដល់​ ២៨​ ខែមេសា​ គំនូរជីវចល​អំពី​ដំបូន្មាន​បី​ប្រការ​៖​ “​ពិសា​គ្រឿង​ស្រា​វឹង​ កុំ​បើកបរ​”​  “​បរិភោគ​ឲ្យ​ឆ្អែត​មុន​ពិសា​គ្រឿង​ស្រវឹង​”​ និង​ “​ត្រូវ​ដឹង​ពី​កម្រិត​ដែល​ខ្លួន​អាច​ពិសា​បាន​”​ ព្រមទាំង​វិធីសាស្ត្រ​អំពី​ការ​ពិសា​ដោយ​ភាព​ទទួលខុសត្រូវ​ គឺ​បាន​ត្រូវ​ចាក់​ផ្សាយ​តាម​រយៈ​ទូរទស្សន៍​ វិទ្យុ​ និង​កាសែត​ទូ​ទាំង​ប្រទេស​។​ ពី​ថ្ងៃ​ទី​ ២៧​ ខែមីនា​ ដល់​ខែមិថុនា​ រ៉ឺ​ម៉ក​កង់​បី​(Tuk-Tuk)​ចំនួន​រាប់រយ​គ្រឿង​មាន​ដាក់​បដា​ដែល​មាន​ខ្លឹមសារ​៖“​ពិសា​គ្រឿង​ស្រា​វឹង​កុំ​បើកបរ​”​ នៅ​ពីក្រោយ​រ៉ឺ​ម៉ក​ ហើយ​បាន​ជិះ​ជុំវិញ​ទីក្រុង​ភ្នំពេញ​ និង​ខេត្តសៀមរាប​ដើម្បី​ជំរុញ​ឲ្យ​សាធារណជន​ ពិសា​ដោយ​ភាព​ទទួលខុសត្រូវ​ និង​ប្រើប្រាស់​មធ្យោបាយ​ដឹក​ជញ្ជូន​ផ្សេង​ទៀត​ដូច​ជា​ជិះ​រ៉ឺ​ម៉ក​កង់​បី​​ត្រឡប់​ទៅ​ផ្ទះ​ក្រោយ​ពេល​ពិសា​គ្រឿង​ស្រវឹង​។​

​ក្រៅពី​នេះ​សាធារណជន​ក៏​អាច​ចូល​ទៅ​កាន់​គេហទំព័រ​យុទ្ធនាការ​នេះ​ ៖ www.haveagoodnightout.com​  តាម​រយៈ​ការ​បង្ហោះ​រូបថត​ និង​សារ​របស់​ខ្លួន​ដើម្បី​ជំរុញ​មិត្ត​ភ័ក្តិ​ និង​មនុស្ស​ជាទី​ស្រឡាញ់​ពិសា​ដោយ​ភាព​ទទួលខុសត្រូវ​ ព្រមទាំង​ឈ្នះ​រង្វាន់​គួរ​ឲ្យ​ទាក់ទាញ​យ៉ាងច្រើន​សន្ធឹកសន្ធាប់​ទៀត​ ៕