រើស​កូនប្រសា​ខ្ជិល​ ​!

ដោយ​ ៖ ថ្ងៃទី 20 មករា 2011ម៉ោង 10:16:27

មាន​សេដ្ឋី​កម្ជិល​ម្នាក់​ ​មានកូន​ក្រមុំ​យ៉ាង​ស្អាត​មួយ​រូប​ ​។ គាត់​ប្រកាស​ថា​ ​នឹង​លើក​កូនស្រី​របស់​គាត់​ទៅ​ឱ្យ​បុរស​ណា​ម្នាក់​ដែល​ខ្ជិល​ជាង​គាត់​ទៅ​ទៀត​ ​។

ឮ​ដូច្នោះ​បុរស​កម្ជិល​ជា​ច្រើន​បាន​នាំ​គ្នា​មក​សុំ​ដណ្ដឹង​កូនស្រី​គាត់​ជា​បន្ដបន្ទាប់​ ​តែ​សេដ្ឋី​កម្ជិល​នោះ​ពុំ​ទាន់​ពេញចិត្ដ​មួយ​ណា​សោះ​ ​។ គាត់​អស់សង្ឃឹម​ជា​ខ្លាំង​ ​ភ្លាម​នោះ​ក៏​ស្រាប់តែ​មាន​បុរស​ម្នាក់​ស្លៀកពាក់​ខោអាវ​រយ៉ីរយ៉ៃ​ ​ហើយ​ដើរ​ថយ​ ​ក្រោយ​ចូល​ផ្ទះ​គាត់​ ​។

សេដ្ឋី​នោះ​ឆ្ងល់​ណាស់​ក៏​ស្រែកសួរ​ទៅ​បុរស​នោះ​៖

---ឯង​មក​មានការ​អ្វី​? ម្ដេច​ក៏​ឯង​ដើរ​ថយក្រោយ​បែរខ្នង​មក​រក​យើង​អ៊ីចឹង​?

បុរស​ចម្លែក​ឆ្លើយ​តប​៖

--ខ្ញុំ​មក​សុំ​ស្ដីដណ្ដឹង​កូនស្រី​លោក​ ​ហើយ​ប្រ​សិន​ណា​ជា​លោក​មិន​យល់ព្រម​ ​ខ្ញុំ​នឹង​វិល​ទៅ​វិញ​ ​ដោយ​មិនបាច់​ពិបាក​បែរខ្នង​ឡើយ​ ​។

សេដ្ឋី​នោះ​ស្ដាប់​ចប់​ហើយ​ក៏​គិត​ថា​ ​ចៅ​នេះ​បាន​ចំ​ជា​មនុស្ស​ខ្ជិល​ផុត​លេខ​ ​ហើយ​បាន​ប្រាប់​ទៅ​បុរស​នោះ​ថា​៖​ ​យើង​នឹង​លើក​កូនស្រី​ទៅ​ឱ្យ​ឯង​ ​!

បុរស​កម្ជិល ៖ អុញ​ ​!