Khmer
English
Chinese
Frence
Vietnamese
Thaiពិធីបុណ្យ“ធ្វើទារុណកម្ម”របស់សាសនិកហិណ្ឌូ
ដោយ ៖ ម៉ែវ សាធី|ថ្ងៃទី 22 មករា 2011 ម៉ោង 08:14:24
សាសនិកហិណ្ឌូរាប់ពាន់នាក់នៅឥណ្ឌាក៏ដូចជានៅម៉ាឡេស៊ី និងសិង្ហបុរីបានស្មគ្រចិត្ដផ្ដល់សរីរាង្គកាយរបស់ខ្លួនសម្រាប់ពិធីបុណ្យតាមទំនៀមទម្លាប់ប្រកបដោយការឈឺចាប់ គឺយកដែកមុត ស្រួចចាក់ទំលុះសាច់ , ស្បែក មាត់ ក្នុង ពិធីបុណ្យសាសនា Thaipusam ដែលបានចាប់ផ្ដើមឡើងតាំងពីថ្ងៃទី២០ ខែមករា។
តាមទំនៀមទម្លាប់ពិធីបុណ្យប្រពៃណី នេះ គឺជាពេលវេលាហូបបួសដ៏តឹងតែង បំផុត ហើយក៏ជាថ្ងៃសម្រាប់ថ្លែងអំណរ គុណ សារភាពនូវទោសកំហុស និងជា ថ្ងៃរំលឹកដល់ព្រះអាទិទេព ព្រះម៉ែ Hindu Pavarthi ដែលផ្ដល់ឱ្យកូនប្រុស ព្រះអាទិ ទេព Muruga នូវវត្ថុទិព្វ ដើម្បីកំចាត់ ព្រាយបីសាច ។
ជនជាតិហិណ្ឌូ ជឿជាក់ថា ពួកគេនឹង ត្រូវបានលប់លៀងទោសទាំងឡាយដែល បានធ្វើខុសនាពេលកន្លងមក តាមរយៈ ពិធីបុណ្យសាសនាដ៏តឹងតែង និងពិធីបួង សួង នៅក្នុងថ្ងៃបុណ្យ Thaipusam ។ សាសនិកជាច្រើន បានដើរដោយបាត ជើងទទេ និងភ្ជាប់មកជាមួយនូវសម្ភារៈ តុបតែងខ្លួនមានទម្ងន់រាប់សិបគីឡូក្រាម តុបតែងជារូបសិល្បផ្សេងៗដ៏ល្អប្រណីត។ ក្រៅពីនេះ ក៏មានសាសនិកជាច្រើនស្មគ្រ ចិត្ដយកដែកមុតស្រួច ចាក់ទម្លុះមាត់ អណ្ដាត ខ្នង ជាដើម ក្នុងគោលបំណងសុំ លប់លៀងនូវបាបកម្មទាំងឡាយ ដែល ពួកគេបានសាងនាពេលកន្លងមក ៕
