ខំគិតគូរ

ដោយ​ ៖ ហម វុទ្ធា ថ្ងៃទី 01 កុម្ភះ 2011ម៉ោង 11:04:03

(បទពាក្យប្រាំបួន)

ខំគិតគូរ                      រករៀនសូត្រ                          គ្រប់វិជ្ជា

ខំគិតគូរ                      ធ្វើការងារ                              មានខ្លឹមសារ

ខំគិតគូរ                      គិតដោះស្រាយ                     រាល់កិច្ចការ

ខំគិតគូរ                      ប្រើបញ្ញា                                គិតផ្លូវល្អ ។

ខំគិតគូរ                      កុំគិតធូរ                                 គិតបណ្ដោយ

ខំគិតគូរ                      ក្រែងស្ដាយក្រោយ                 ស្ដាយក្រោយក្រ

ខំគិតគូរ                      គិតហើយគិត                         គិតតៗ

ខំគិតគូរ                      គិតបង្ក                                   គិតចែកចាយ ។

ខំគិតគូរ                      គិតតស៊ូ                                  ស៊ូព្យាយាម

ខំគិតគូរ                      ខំគិតភ្លាម                               គិតវែងឆ្ងាយ

ខំគិតគូរ                      គិតត្រាប់គ្រូ                            គិតរូបកាយ

ខំគិតគូរ                      គិតពុកម្ដាយ                          គិតតបគុណ ។

ខំគិតគូរ                      កុំរអ៊ូ                                        ចាស់ប្រដៅ

ខំគិតគូរ                      កុំគិតក្រៅ                               គិតស៊យស៊ុន

ខំគិតគូរ                      គិតល្អន់ល្អិត                          គិតទុកមុន

ខំគិតគូរ                      គិតទុកទុន                              គិតសន្សំ ៕