មាន​តែ​ព្រលឹង​មួយ​គត់​

ថ្ងៃមួយ​យមរាជ​មាន​ជំងឺ​ជា​ទម្ងន់​ ​ព្រះ​អង្គ​ក៏​បញ្ជា​ឱ្យ​យមបាល​ម្នាក់​ឡើង​មក​ ​ឋានមនុស្ស​ ​ដើម្បី​អញ្ជើញ​គ្រូពេទ្យ​ចុះ​ទៅ​ព្យាបាល​ដោយ​បញ្ជាក់​ថា​ ​៖

ឯង​ត្រូវ​ជ្រើសរើស​គ្រូពេទ្យ​ណា​ដែល​មានព្រលឹង​ខ្មោច​ឈរ​នៅ​មាត់ទ្វារ​តិច​បំផុត​ ​។

ឡើង​មក​ដល់​ឋានមនុស្ស​ ​យមបាល​ខំ​ដើរ​រក​ស្ទើរ​គ្រប់​ទីកន្លែង​ ​តែ​រក​ពុំ​ឃើញ​ ​គ្រូពេទ្យ​ណាមួយ​សោះ​ ​ព្រោះ​នៅ​មុខ​ផ្ទះ​គ្រូពេទ្យ​ណា​ក៏​មានព្រលឹង​ខ្មោច​រាប់​សិប​នាក់​ទាំងអស់​ ​។ រៀបនឹង​វិល​ត្រឡប់​ទៅ​វិញ​ ​ស្រាប់តែ​ក្រឡេក​ឃើញ​នៅ​មុខ​ផ្ទះ​ ​គ្រូពេទ្យ​ម្នាក់​នោះ​មានព្រលឹង​ខ្មោច​តែ​មួយ​គត់​ ​យមបាល​ត្រេង​អរ​យ៉ាង​ខ្លាំង​ក៏​អញ្ជើញ​គ្រូពេទ្យ​នោះ​ទៅ​តាម​ភ្លាម​។​ ​យមរាជ​អរ​ណាស់​ ​ក៏​សួរ​គ្រូពេទ្យ​នោះ​ថា​៖

--តើ​ឯង​ធ្វើ​គ្រូពេទ្យ​ប៉ុន្មាន​ឆ្នាំ​ហើយ​ ​បានជា​ពូកែ​យ៉ាងនេះ​ ​?

គ្រូពេទ្យ​ឆ្លើយ​៖

---ក្រាបទូល​ ​ខ្ញុំ​ទើបតែ​ធ្វើ​គ្រូ​បាន​តែ​ប៉ុន្មាន​ថ្ងៃ​នេះឯង​ ​ហើយ​ក៏​ទើបតែ​ព្យា​បាល​មនុស្ស​ម្នាក់​គត់​ ​ឯ​ព្រះ​អង្គ​គឺជា​អ្នក​ទី​ពីរ​ ​៕