ស្លៀកខ្លី

ដោយ​ ៖ ហម វុទ្ធា ថ្ងៃទី 10 កុម្ភះ 2011ម៉ោង 11:09:50

                                          (បទពាក្យប្រាពីរ)

-ស្លៀកខ្លីស្លៀកខំសមចេញរាង             ស្លៀកខ្លីនួននាងផ្ទៀងម៉ូដថ្មី

ស្លៀកខ្លីចេញសាច់ៗសខ្ចី                     ស្លៀកខ្លីចង់ល្បីក្នុងសង្គម ។

-ស្លៀកខ្លីស្លៀកខើចស្លៀកនាំខាត         ស្លៀកខ្លីសង្វាតខ្នាតតូចធំ

ស្លៀកខ្លីមិនបាំងឱ្យជិតជុំ                      ស្លៀកខ្លីនិយមតាមសាសន៍គេ ។

-ស្លៀកខ្លីមិនគិតរឹតគ្រាន់បើ                 ស្លៀកខ្លីស្លៀកដើរៗរាំរេ

ស្លៀកខ្លីស្លៀកក្លាយចាយសាច់ទ្វេ         ស្លៀកខ្លីមាសមេចង់ហ៊ឺហា ។

-ស្លៀកខ្លីៗខ្លាំងចាំងសាច់ភ្លៅ                ស្លៀកខ្លីមើលទៅស្លុងកាមា

ស្លៀកខ្លីនាំស្អិតចិត្ដប្រាថ្នា                    ស្លៀកខ្លីនាំសារឱ្យកាមគុណ ៕