ការ​ប្រកួត​ឆ្កែ​ខាំ​គ្នា​នៅ ​អា​ហ្វ​ហ្គា​នី​ស្ថាន​

ដោយ​ ៖ ម៉ែ​វ​ ​សា​ធី​ ថ្ងៃទី 26 កុម្ភះ 2011ម៉ោង 07:48:09

ពលរដ្ឋ​អា​ហ្វ​ហ្គា​នី​ស្ថាន​បែរ​ជា​ចូល​ចិ​ត្ដ​យ៉ាង​ខ្លាំង​ជាមួយ​ការ​ប្រកួត​ឱ្យ​ឆ្កែ​ខាំ​គ្នា​ ​ហើយ​បើ​ឆ្កែ​មួយ​ណា​អាចយ​ក​ជ័យ​ជម្នះ​បាន​នឹង​ទទួល​ប្រាក់​រង្វាន់​យ៉ាង​ច្រើន​សន្ធឹក​សន្ធាប់​ ​។

ពលរដ្ឋ​អា​ហ្វ​ហ្គា​នី​ស្ថាន​មិន​ចូល​ចិ​ត្ដ​ ​មើល​ជល់​ក្របី​ ​គោ​ ​ឬ​ជល់​មាន់​ឡើយ​ ​តែ​ពួក​គេ​បែរ​ជា​ចូល​ចិ​ត្ដ​មើល​ការ​ ​ប្រកួត​ឆ្កែ​ខាំ​គ្នា​ទៅ​វិញ​ ​។ ការ​ប្រកួត​ឆ្កែ​ ​ខាំ​គ្នា​ធ្វើ​ឡើង​នៅ​ទី​ក្រុង​កា​ប៊ូ​ល​ប្រទេស​ ​អា​ហ្វ​ហ្គា​នី​ស្ថាន​ ​។ ឆ្កែ​ដែល​ចូល​រួម​ ​ប្រកួត​នោះ​នឹង​ត្រូវ​ហ្វឹក​ហាត់​ពី​កម្លាំង​ ​កាយ​យ៉ាង​មាំ​មួន​ ​។ ពាន​រង្វាន់​ជ័យ​លា​ភី​ ​លេខ​១នឹង​ទទួល​បាន​ប្រាក់​រង្វាន់​រហូត​ ​ដល់​៥ម៉ឺន​ដុល្លារ​ ​។ ទាំង​នោះ​ជា​ឱកាស​ ​មួយ​ដ៏​ល្អ​សម្រាប់​ពលរដ្ឋ​ដែល​រស់​នៅ​ ​ក្នុង​ប្រទេស​ក្រី​ក្រ​មួយ​នេះ​ ​មាន​ឱកាស​ ​ក្លាយ​ជា​អ្នក​មាន​ទ្រព្យ​ស​ម្ប​ត្ដិ​អាស្រ័យ​ ​លើ​សត្វ​ឆ្កែ​ ​។

ការ​ប្រកួត​ឆ្កែ​ខាំ​គ្នា​ត្រូវ​គេ​ហាម​ឃាត់​ក្នុង​របប​តា​លី​បង់​គ្រប់គ្រង​​ប៉ុន្ដែចាប់​តាំង​ពី​ឆ្នាំ​២០០១មក​ការ​ប្រកួត​ឆ្កែ​ខាំ​គ្នា ​ក្លាយ​ជា​ទី​ពេញ​និយម​បំផុត​នៅ​ក្នុង​ប្រទេស​នេះ ៕