លួច​ស៊ី​ជួប​គ្នា​

ដោយ​ ៖ ថ្ងៃទី 03 មីនា 2011ម៉ោង 10:23:12

មាន​ប្ដី​ប្រពន្ធ​ពីរ​នាក់​ជា​អ្នក​ចូល​ចិត្ដ​លួច​ស៊ី​ដូច​គ្នា​ ​។ ថ្ងៃមួយ​នាង​ប្រពន្ធ​ ​ត្រឡប់​មក​ពី​ស្រែ​វិញ​ ​ឃើញ​នៅ​លើ​ជើងក្រាន​មានបាន​ដំណើប​មួយ​ឆ្នាំង​ទើបតែ​ ​ឆ្អិន​ ​។ កំពុង​ឃ្លាន​ផង​ ​នាង​ក៏​ចាប់​មួយ​ក្ដាប់​ឈរ​ក្រោយ​ទ្វារ​ហូប​ ​។ ហូប​ពុំ​ទាន់​ ​អស់​ផង​ ​ស្រាប់តែ​ប្ដី​មក​ដល់​ធុមក្លិន​ឈ្ងុយ​បាន​ដំណើប​ ​នាយ​ប្ដី​ចង់​ហូប​ណាស់​ ​ដែរ​ ​តែ​ខ្លាច​ប្រពន្ធ​ដឹង​ ​។ ងាកចុះងាកឡើង​ ​ឃើញ​កៀន​ទ្វារ​ជា​កន្លែង​ស្ងាត់​ល្អ​ ​ហើយ​ទំនង​ទៀត​ ​នាយ​ក៏​ចាប់​បាយដំណើប​មួយ​ក្ដាប់​ធំ​ដើរ​តម្រង់​ទៅ​ទ្វារ​នោះ​ ​ទើបតែ​ទាញ​ទ្វារ​ចេញ​ ​ឃើញ​ប្រពន្ធ​ខ្លួន​កំពុង​ឈរ​ក្នុង​នោះ​ស៊ី​បាយដំណើប​ ​នាយ​ ​ភ្ញាក់​ព្រើត​លាន់មាត់​ថាៈ

-អូ​ ​! អូន​ឯង​ទេតើ​ ​?

ឃើញ​នៅ​ដៃ​ប្រពន្ធ​ខ្លួន​មាន​កាន់​បាយដំណើប​ផង​ ​នាយ​នោះ​ក៏​ប្រញាប់​ ​និយាយ​បន្ដៈ

-បង​ស្មានថា​អូន​ឯង​ហូប​អស់ហើយ​ ​បានជា​ខំ​យក​មក​ថែម​មួយ​ក្ដាប់​នេះ​ទៀត​ ​!