គិត

ដោយ​ ៖ ទិល ចាន់លីន ថ្ងៃទី 03 មីនា 2011ម៉ោង 10:30:47

                                       (បទផ្កាឈូករីក)

- គិតមុនគូរសែនស្រស់                       គិតត្រូវទាំងអស់អ្នកណាមាន ?

គិតដើរទៅមុខត្រូវចាប់យាន                 គិតត្រូវគឺហ៊ានធ្វើកិច្ចការ ។

-គិតដើរត្រូវមានទិសដៅច្បាស់             គិតចង់ប្ដូរផ្លាស់ត្រូវពិចារ

គិតឱ្យគ្រប់ជ្រុងគ្មានបញ្ហា                     គិតសម្រេចការប្រាជ្ញាខ្ពស់។

- គិតឈានតាមគេត្រូវចេះច្នៃ              គិតរកកំរៃឱ្យខ្លួនរស់

គិតប្រព្រឹត្ដល្អនាមពីរោះ                       គិតឱ្យមានឈ្មោះអ្នកគិតត្រូវ។

-គិតគេគិតឯងសម្ដែងកាយ                 គិតចង់ទៅឆ្ងាយត្រូវស្គាល់ផ្លូវ

គិតសន្ដិភាពគ្មានសត្រូវ                       គិតស្រែគិតស្រូវរស់អាត្មា ។

-គិតចង់បានព្រទ្យត្រូវខំរក                    គិតខ្លួនពន្លកឱ្យថ្លៃថ្លា

គិតចង់ល្អរៀបចរិយា                          គិតរៀបផែនការខ្សែជីវិត៕

                                                         (សិស្សសមាគមអ្នកនិពន្ធខ្មែរ)