ព័ត៌មានទាន់ហេតុការណ៍៖

Grab ទម្លាយថា មនុស្សជាច្រើនធ្វើដំណើរទៅជប់លៀងច្រើនកន្លែងនៅរាត្រីចុងឆ្នាំ២០១៨

ចែករំលែក៖

ភ្នំពេញ៖ មានមនុស្សជាច្រើនដែលធ្វើដំណើរទៅជប់លៀងច្រើនកន្លែង ដែលក្នុងនោះអ្នកធ្វើដំណើរជាង ៧០.០០០ នាក់ ទូទាំងតំបន់អាស៊ីអាគ្នេយ៍ បានជិះយានជំនិះរបស់ Grab ចាប់ពីពីរដងឡើងទៅ ចន្លោះពីម៉ោង ៩ ល្ងាច ដល់ម៉ោង ៣ ទៀបភ្លឺ ហើយមានអ្នកធ្វើដំណើរបីនាក់ ដែលបានជិះរហូតដល់ ទៅ ៨លើកក្នុងរាត្រីនោះ។ នេះបើផ្អែកលើការកក់សេវាចន្លោះពីម៉ោង ៥ ល្ងាច ថ្ងៃទី ៣១ ធ្នូ ២០១៨ ដល់ ម៉ោង ០១ រំលងអាធ្រាត្រ ថ្ងៃទី ០១ មករា ២០១៩។

យោងតាមទិន្នន័យរបស់Grabបានពិនិត្យមើលឃើញនូវព័ត៌មានគួរឲ្យចាប់ អារម្មណ៍ជាច្រើន ពីរបៀបដែលប្រជាជននៅអាស៊ីអាគ្នេយ៍អបអរឆ្នាំថ្មី។ ការធ្វើដំណើរមួយលើកមានអ្នកជិះយ៉ាងហោចម្នាក់ និងអ្នកកបើកបរ ដូច្នេះ មានន័យថា មានមនុស្សជាង ៦៣.០០០ នាក់ បានស្វាគមន៍ឆ្នាំថ្មី ដោយស្ថិតក្នុងយានជំនិះជាមួយ Grab។

ប្រជាជនក៏បានផ្ញើសារជជែកឆ្លើយឆ្លងគ្នាខ្លាំងផងដែរ នៅរាត្រីឆ្លងឆ្នាំ! សារតាម GrabChat១ ចំនួនប្រមាណ ៩,៧៥ លានសារ ត្រូវបានផ្ញើឲ្យគ្នាទៅវិញទៅមកចន្លោះពីម៉ោង ៥ ល្ងាច ដល់កណ្ដាលរាត្រីនៃថ្ងៃទី ៣១ ធ្នូ ២០១៨ ដោយក្នុងនោះរាប់បញ្ចូលទាំងសារជារូបភាព និងជាសំឡេងផងដែរ។ពេលវេលាដែលប្រជាជននៅក្នុងតំបន់អាស៊ីចេញទៅអបអររាត្រីឆ្លងឆ្នាំ គឺប្រមាណជា ម៉ោង ១០ ដល់ ១១ យប់ ដែលចន្លោះពេលនេះ យើងបានសង្កេតឃើញថា មានការកើនឡើងខ្លាំងបំផុតនូវការកក់ សេវាធ្វើដំណើរ បើធៀបទៅនឹងថ្ងៃច័ន្ទ ធម្មតា២។ ប្រជាជនភាគច្រើនត្រៀមខ្លួនចូលសម្រាកវិញនៅចន្លោះម៉ោង ១ និងម៉ោង ២ រំលងអាធ្រាត្រ ដែលក្នុង ចន្លោះពេលនោះ យើងមិនត្រឹមតែបានសង្កេតឃើញថា ចំនួនកក់សេវាធ្វើដំណើរមានការកើនឡើង ខ្ពស់បំផុតសម្រាប់វេលារំលងអាធ្រាត្រ ហើយក៏មានការកើនឡើងខ្លាំងបំផុតនូវការកក់សេវាធ្វើដំណើរ បើធៀបទៅនឹងថ្ងៃអង្គារ៣។ នៅរាជធានីភ្នំពេញ Grab បានសង្កេតឃើញថាការកក់សេវាយានជំនិះកើនឡើង ១៨ដង នៅម៉ោង ០១ រំលងអាធ្រាត្រ នាថ្ងៃទី ០១ មករា បើធៀបទៅនឹងថ្ងៃអង្គារធម្មតា។ មុនពេលអាធ្រាត្រ (១៧:០០-០០:០០)រំលងអាធ្រាត្រ (០០:០០ – ០៤:០០)តើមនុស្សទៅទីណាខ្លះដើម្បីអបអររាត្រីឆ្លងឆ្នាំ?

សណ្ឋាគារកាំបូឌីយ៉ាណា ផ្សារទំនើបអ៊ីអនម៉លទី១ និង ណាហ្គាវើល២ ជាគោលដៅធំ សម្រាប់ការអបអរឆ្នាំថ្មី។ នៅសណ្ឋាគារកាំបូឌីយ៉ាណា មានការប្រគំតន្ត្រីសម្រាប់អបអរឆ្នាំថ្មី ខណៈដែលប្រជាជនខ្លះនាំគ្នាដើរទិញទំនិញនៅផ្សារទំនើបអ៊ីអនម៉លទី ១ ដោយសារតែមានកម្មវិធីបញ្ចុះតម្លៃ/ប្រូម៉ូសិន។

អ្នកបើកបរម្នាក់ផ្ដល់សេវាដឹកជញ្ជូនក្នុងចំនួនច្រើនបំផុតនៅល្ងាចឆ្លងឆ្នាំ (ចន្លោះពីម៉ោង ១៧:០០- ២៣:៥៩ ថ្ងៃទី ៣១ ធ្នូ ២០១៨)ខណៈដែលពេលនោះ ពួកយើងបាននាំគ្នាចេញទៅក្រៅដើម្បីអបអរឆ្នាំថ្មី ប៉ុន្តែអ្នកបើកបររបស់យើង ក៏ខិតខំប្រឹងប្រែងធ្វើការណាស់ដែរ។ ដោយសារតែមានតម្រូវការសេវាយានជំនិះខ្ពស់បែបនេះ អ្នក បើកបរម្នាក់របស់ Grab អាចផ្ដល់សេវាដឹកជញ្ជូនបានរហូតដល់ទៅ ២៦ ជើងចន្លោះពីម៉ោង ៥ ល្ងាច ដល់ពាក់កណ្ដាលអាធ្រាត្រនៃថ្ងៃទី ៣១ ធ្នូ ២០១៨។ខាងក្រោមនេះ គឺជាចំនួននៃការដឹកជញ្ជូនច្រើនដងបំផុតសម្រាប់អ្នកបើកបរម្នាក់នៅតាមទីក្រុងនានា នៅរាត្រីឆ្លងឆ្នាំមានដូចជា ទីក្រុងបាងកក ២៤ ដង, ទីក្រុងហាណូយ ២៣ ដង, ទីក្រុងហ្សាកាតា ១៩ ដង, ទីក្រុងKlang Valley ២៦ ដង,ទីក្រុង Metro Manila ២៣ ដង, រាជធានីភ្នំពេញ ១៨ ដង, សិង្ហបុរី ២៤ ដង, រ៉ង់ហ្គូន ១៧ ដង៕ វឌ្ឍនា


ចែករំលែក៖