ព័ត៌មានទាន់ហេតុការណ៍៖

Huawei ទាមទារឲ្យអាមេរិក អូស្ត្រាលី បង្ហាញភស្តុតាងដែលថា គំរាមកំហែងដល់ផ្នែកសន្តិសុខ

ចែករំលែក៖

រឿងរ៉ាវរបស់ Huawei កាន់តែវែងឆ្ងាយទៀតហើយ ខណៈដែលពេលនេះ ខាងក្រុមហ៊ុន បានទាមទារ​ឲ្យអាមេរិក អូស្ត្រាលី និងរដ្ឋាភិបាលដទៃផ្សេងទៀត​ បង្ហាញភស្តុតាង​ជាសាធារណៈ ដែលបានចោទប្រកាន់ថា ការប្រើប្រាស់ ប្រព័ន្ធបច្ចេកវិទ្យា Huawei វានាំឲ្យគ្រោះថ្នាក់ផ្នែកសន្តិសុខ ។

អូស្ត្រាលី និងនូវែលសេឡង់ បានបិទទាំងស្រុង​មិនឲ្យពលរដ្ឋប្រើប្រាស់ប្រព័ន្ធ​ 5G របស់បណ្តាញ​បច្ចេកវិទ្យាក្រុមហ៊ុន Huawei នេះឡើយ ។ សហរដ្ឋអាមេរិក និងតៃវ៉ាន ក៏បាន​រឹតបន្តឹងយ៉ាងខ្លាំង​ទៅលើ​ពលរដ្ឋ​ដែលប្រើប្រាស់ផលិតផលក្រុមហ៊ុន Huawei ផងដែរ គ្រាដែលភ្នាក់ងារ​សន្តិសុខ​តាមប្រព័ន្ធអ៊ីនធើណេត​របស់ជប៉ុននិយាយថា​ Huawei មានចំណុចហានិភ័យខ្ពស់ ហេតុដូច្នេះហើយ មន្ត្រីរដ្ឋាភិបាល​​ដាច់ខាត​ត្រូវតែ​ទម្រាក់ចុះនូវពីការប្រើប្រាស់ ។

គ្មានរដ្ឋាភិបាល​ប្រទេសណាមួយ យកភស្តុតាង​​ពិតប្រាកដ បង្ហាញសាធារណៈ​ឲ្យឃើញអំពី​ហានិភ័យ​បណ្តាល​មកពីប្រើប្រាស់ប្រព័ន្ធបច្ចេកវិទ្យាក្រុមហ៊ុន​Huaweiនោះឡើយមកដល់ពេលនេះ ប៉ុន្តែការចោទប្រកាន់​ទាំងនោះ បានធ្វើឲ្យអាជីវកម្ម​របស់ក្រុមហ៊ុន​ដ៏ធំរបស់ចិន​មួយនេះ ខាត់បង់ទឹក​ប្រាក់រាប់ពាន់លានដុល្លារ ។

កាលពីថ្ងៃទី១៨ ខែធ្នូ លោក Ken Hu ប្រធានក្រុមហ៊ុន Huawei បានធ្វើសន្និសីទ​កាសែត​នៅទីស្នាក់ការ​កណ្តាល​ក្នុងប្រទេសចិន ស្នើសុំឲ្យរដ្ឋាភិបាលអាមេរិក អូស្ត្រាលី និងប្រទេសដទៃផ្សេងទៀត បង្ហាញភស្តុតាង ដែលថា Huawei បានធ្វើឲ្យមានហានិភ័យ គំរាមកំហែងដល់សន្តិសុខ? ៕


ចែករំលែក៖