សារព័ត៌មាន នគរវត្ត តែងតែនាំមុខគេជានិច្ច
អ្នកប្រហែលជាដឹងរួចហើយថា iPhone ជំនាន់ក្រោយនឹងប្រើការរកឃើញមុខសម្រាប់គ្រប់វិធីឆ្លាតវៃទាំងអស់ ប៉ុន្តែនៅទីនេះអ្នកប្រហែលជាមិនរំពឹងថានឹងមាន emoji ផ្ទាល់ខ្លួនទេ។ ក្រុមការងារ 9to5Mac បានរកឃើញថាលេចធ្លាយ ” gold master ” iOS 11 firmware រួមបញ្ចូលទាំងសេចក្ដីយោងទៅ ‘Animoji,’ ឬ 3D emoji ដែលអ្នកបង្កើតដោយប្រើទឹកមុខ និងសម្លេងរបស់អ្នក។ ជ្រើសយកផ្ទៃមុខមនុស្សដែលមិនធ្លាប់ស្គាល់នៅក្នុង emoji library ហើយវានឹងផ្គូផ្គងភ្នែក មាត់ និង ថ្ពាល់របស់អ្នកទៅរូបតំនាង emoji នោះ អ្នកអាចបង្កើតស្នាមញញឹមដោយមានរូបមនុស្សយន្ត ឬ មានរូបសត្វឆ្កែ។
ចំពោះកាមេរ៉ានឹងមានឥទ្ធិពលខ្លាំងជាងមុន អ្នកអាចថតវីដេអូ 4K នៅ 60 ស៊ុមក្នុងមួយវិនាទី និងវីដេអូចលនា 240FPS យឺត ៗ នៅកម្រិត 1080p ។ ការស្វែងរកកូដដោយឡែកពីគ្នាដោយលោក Steve Troughton-Smith ប្រហែលជាបានបង្ហាញឈ្មោះរបស់ស្មាតហ្វូនចុងក្រោយនេះ។ ទូរស័ព្ទម៉ាក iPhone ថ្មីនេះត្រូវបានគេហៅថា iPhone X ។ Version ថ្មីនៃការរចនាម៉ូដបែបបុរាណនឹងត្រូវបានគេហៅថា iPhone 8 និង iPhone 8 Plus ។ ក្រុមហ៊ុន Apple អាចនឹងរំលងគម្រោងឈ្មោះ “S” ជាលើកដំបូង ចាប់តាំងពីវាត្រូវបានបង្កើតឡើងនៅឆ្នាំ 2009 ជាមួយនឹងទូរស័ព្ទ iPhone 3GS ៕ ហេង លក្ខិណា
