Stoke City បង្ហាញមុខអ្នកដឹកនាំថ្មីហើយ! ចង់ដឹងថាជានរណាអត់?

ក្លិប Stoke City ដែលកំពុងតែលេងអន់នៅអង់គ្លេស Premier League បានបង្ហាញអ្នកចាត់ការទូរទៅថ្មីគឺលោក Paul Lambert អតីតអ្នកដឹកនាំក្រុម Aston Villa និង Norwich។

លោក Paul Lambert មានសញ្ជាតិស្កុតឡេមានវ័យ៤៨ឆ្នាំ។​គាត់បានចុះហត្ថលេខាមកដឹកនាំក្រុម Stoke City លើកិច្ចសន្យារយៈពេល២ឆ្នាំកន្លះ។

Stoke Cityកំពុងតែឈរលេខរៀងទី១៨នៅក្របខ័ណ្ឌកំពូលរបស់អង់គ្លេស ហើយធ្លាក់ចេញពីពានរង្វាន់អង់គ្លេស FA Cup ដោយចាញ់ក្រុមCoventry City មកពីក្របខ័ណ្ឌអង់គ្លេស League 2 ហេតុដូចនេះហើយទើបពួកគេបានណ្តេញលោក Mark Hughes ចេញពីតំណែង ។ ក្រុមStoke City ក៏បន្តប្រកួតចាញ់ក្រុមបិសាចក្រហម Manchester United ក្នុងលទ្ធផល ៣-០ កាលពីរាត្រីថ្ងៃទី១៥ ខែមករា ដោយនៅតែបន្តឈរលេខ១៨មាន ២០ពិន្ទុដដែល ក្នុងតំបន់ដែលត្រូវកាត់ចេញពីលីកកំពូលអង់គ្លេស ។

គួរបញ្ជាក់ថា Paul Lambert អត់មានការងារធ្វើតាំងពីចាកចេញពីក្រុម Wolves ចុងរដូវកាលមុន។ ចំណែកការប្រកួតដំបូងរបស់គាត់ជាមួយនឹងក្រុម Stoke City គឺត្រូវប៉ះក្រុម Huddersfield ដែលកំពុងតែលេងខ្សោយដូចគ្នា ។

ខាងក្រោមនេះគឺជាលទ្ធផលនៃការប្រកួតកាលពីថ្ងៃទី១៥ ខែមករា ឆ្នាំ២០១៨៖