សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ កម្លាំងអធិការដ្ឋាននគរបាលស្រុកថ្ពង បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបានម្នាក់ នៅថ្ងៃទី១១ ខែមិថុនា ឆ្នាំ២០២៣ វេលាម៉ោង ១៧និង៣០នាទីល្ងាច នៅចំណុចភូមិរៀមកណ្ដាល ឃុំវាលពន់ ស្រុកថ្ពង ខេត្តកំពង់ស្ពឺ ។
ជនសង្ស័យមានឈ្មោះ ណេម ចន្ថា ហៅ វិត ភេទ ប្រុស អាយុ ២៩ឆ្នាំ នៅភូមិរៀមកណ្ដាល ឃុំវាលពន់ ស្រុកថ្ពង ខេត្តកំពង់ស្ពឺ (មុខសញ្ញាមានដីកាបង្គាប់ឲ្យចាប់ខ្លួន) ។
ក្នុងកិច្ចប្រតិបត្តិការខាងលេីនេះ កម្លាំងសមត្ថកិច្ចនគរបាលស្រុកថ្ពង បានចុះស្រាវជ្រាវស្វែងរកមុខសញ្ញាដែលមានដីការបស់តុលាការបង្គាប់ឱ្យចាប់ខ្លួន រហូតឈានដល់ការបង្រ្កាប និងឃាត់ខ្លួន រួមនឹងវត្ថុតាងគ្រឿងញៀនចំនួនផងដែរ។
ដោយឡែកដកហូតវត្ថុរួមមាន៖ ម្សៅក្រាមពណ៌សថ្លាសង្ស័យជាគ្រឿងញៀន ៣កញ្ចប់តូច, អាវុធកែច្នៃ ១ , ដាវ ១ រួមនឹងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ និងវត្ថុតាងកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី ៕
ដោយ៖ សហការី
